اسمعونى واحكموااا

**ايمو بياض الثلج** · 30 - 8 - 2010, 02:32 AM

هااااااااااااااااى لكل شباب وبنات المنتدى

اسفة الموضوع طويل جدا بس مهم ومؤثر بجد

صدقونى ف مشاكل صغيره بس بحس اننا لازم ناخد بالنا منها وعلى الاقل نفكر فيها بشويه أسئلة

واكتر حاجة بجدبجد لفتت نظرى ف حياتى مؤخرا وبشدة أوى مشكلة البنات المليانة

وبتكلم بصفة عامة سواء بنات أو ولاد وف أى سن بس حقيقى بقيت اشوف اننا لازم نفكر شويه ف معاملتنا ليهم

دول بجد بشر عادى زينا بنى أدمين يعنى وسبحان الله انا حد من الناس شايفة انهم ممكن يكونوا ملهمش ذنب فى كونهم مليانين ممكن شويه او اوفر وهستخدم لفظ مليان ده عشان ده اكتر لفظة بتروق ليا

ويمكن الموضوع ده شاددنى جدا لآنه ف حياتى وبشوف وبسمع كل يوم أسلوب ساخر جدا ف الكلام والتريقة مع انى الحمدلله مش بعانى من أى مشكلة حاليا بس ممكن نتعرض لنفس المشكلة بعدين وتكون لظروف خارجة عن أرادتنا

أنا معاكم أنها مشكلة وأكيد المليان مش مبسوط بكونه كدا وبجد تفكيره للمشكلة اللى هوا فيها دى بيدفعه انه يكون ضحية للدكاترة التخسيس اللى بيبيعوا حلم التخسيس ده وكأنه مصباح علاء الدين اللى بمجرد ماتفركه هيطلعلك المارد وتطلب منه حلمك واللى بتكون مستعجل عليه وجدا ومن كتر الضغط عليه بالمعامله اللى بتكاد تكون ذلة ومهانةبينسى ان الحكايه عيزة شويه ارادة وتنظيم ف الاكل مش كبسولات منعرفش تأثيرها ولا أعشاب وبجد بجد كل ده كوم ودكاترة التجميل والشفط والشد دول حاجة تانية

ليه باسلوبنا ليهم نخليهم يكتأبوا

حتى السينما المصريه صورت الموضوع بشكل مريع ف فيلم حبيبى نائما ده مع ان جسم مى عز الدين مكنش اوفر بس انتم اكيد شوفتوا الاسلوب والطريقه ويكاد تكون فكره الفيلم بتعلمنا ازاى نعامل الفئة دى من الناس وبأسف لصحبتى انها حبت بجد حد كل تفكيره ف المظاهر وبس واللى للأسف مكنش شايفها أساسا لانها مليانة وازاى طبعا يبصلها مع انها كلير بجد داخليا وجميله جدا بس مليانه ودى طبعا حاجة مريعة

واللى يتقدملها عريس ويكون جواز تقليدى وبمجرد مايشوفها وكأنه شاف عفريت يجرى عشان برده مليانة صدقونى اكيد ربنا له حكمة ف كدا ان ف ناس خلقيا غير قابلة للزيادة وف ناس بأقل حاجة ممكن تزيد حتى مع الأضطراب النفسى

واكيد ف ثواب من ربنا بمجرد ماتتعرضى لموقف يضايقك او تحسى بحرقة دم انا عارفه انها مشكله بس انا كل هدفى المعاملة والاسلوب وع فكرة حوالى 95%من المليانين جامدين جدا مزز اوى وع درجه كبيرة من الجمال نشجعهم ع حل مشكلتهم بكلمة حلوة مش بأسلو يكئبهم وبس

وده اهداء لحد بجد يهمنى

**NOOR BA** · 31 - 8 - 2010, 06:06 AM

والله انتى عندك حق فى كلامك
صحيح يعنى الحمد لله مش بعانى من كدا بس برضو غيرنا ليه حقوق علينا اننا نحترم شعوره ونقدر مدى حساسية الحوار دا
تسلم ايدك بجد

**مونه** · 31 - 8 - 2010, 09:10 AM

فعلاً والله موضوع مهم جداً
ولازم فعلاً نراعى شعورهم
لأنهم أكيد مالهومش ذنب فى كده
محدش عايز يبقى مليان بمزاجه
بجد ربنا معاهم
بارك الله لك وجزاك الله خيراً

**ايمو بياض الثلج** · 31 - 8 - 2010, 08:03 PM

شكرأ بجد طحن ع مروركم الرائع ده
وجزاكم الله كل الخير
وبجد ده موضوع لازم كلنا ناخد بالنا منه عشان مش نجرح حد واحنا مش حاسين
وده كمان من اصول الاتيكيت

**EMADGOGO** · 2 - 9 - 2010, 10:33 PM

موضوع كويس
بس انتى ليه مغمقاها فى شعارك
قربى لربنا وانتى مش هتحسى بوحده وحاولى تصاحبى على ناس يخدوكى لفوق معاهم
ناس فعلا يستحقو انك تصاحبيهم وهتلاقى الحياه مفيهاش اى وحده
اخرت الحزن والملل اللى انتى فيه اكتئاب
انتى عندك اكيد فراغ حاولى تمليه بايمانك بربنا

الموضوع: اسمعونى واحكموااا

أدوات الموضوع

اسمعونى واحكموااا

معلومات الموضوع

الأعضاء الذين يشاهدون هذا الموضوع

المواضيع المتشابهه

قصة جثة فرعون .. وإسلام العالم الفرنسي .. بصور فرعون

الكلمات الدلالية لهذا الموضوع

ضوابط المشاركة