دعوه الى الشعراء واصحاب الاقلام

[اميره بلا وطن]

السلام عليكم ورحمة الله وبركاته
ياايها الشعراء
اليكم منى ندااااااء
فهل من مجيب
يااصحاب الاقلام واصحاب الكلمه والرأى هل من سامع لنداء اميرة بلا وطن
انتم مبدعو مصراوى وبكم ترتدى الكلمات اجمل الثياب
فهلا لنختار ثيابا تليق ببنات افكارنا وكلماتنا ولاتخرج عن سياق الحشمه والجمال
ياايها الشعراء والادباء هلا لنجاهد الابتذال ونبدع فى انشاء الجديد والمفيد ونعلم ونتعلم حتى تكون لنا بصمه فى منتدانا هذا
من هنا ادعوكم للمشاركه فى تنويع الافكار وتعدد الاراء
هلا لنبدا فنناقش كل منا بأسلوبه يكتب
فليجب كل منكم بأسلوبه على هذا السؤال اما شعرا او نثرا وليتغير السؤال فى اليوم التالى:
اذا استيقظت من نومك ذات يوم ووجدت جرس بابك يرن متصلا دونما انقطاع وفتحت الباب مندفعا فوجدت اناس تبدو عليهم الهيبه ينحنون امامكم ويقولون :
سيدى :
من الان انت رئيس الجمهوريه وقد اختارك الشعب
فماذا ستقول لهم؟
سبدأ انا وأقول:
انا مش عاوزه رياسه وزيطه
انا عاوزه اقعد جنب الحيطه
سيبــــــونى ياناس
قلبى نضيف والنوم تخاطيف
غدايا رغيف وعشايا رغيف
لكن مرتاحة البال وخلاص

يلا كل اللى يدخل يرد على السؤال ده بطريقته مع العلم ان ممكن حد يوافق على المنصب ده ويكون ناوى على شئ معين
خلينا نعرف كل واحد بيفكر ازاى

[thesniper_12007]

أنا مش عمر
أنا مش صلاح
وطنا دا مش اي واحد يحكمه
وطنا عايز ميت صلاح
وطنا فيه كل العبر
فيه الأبر
فيه ناس بتهبر هبر هبر
علشان أكون رئيس وطن
لابد من قانون عمر
لابد من دين السلام
علشان يعيش بيتا السلام
وتكون قلوبنا بيه سُلام
كل اللي يسرق لابد ايده تتقطع
كل اللي عنده مال زكاته لازم تندفع
كل الشباب لابد لميدان الجهاد تندفع
لابد نجمع راية الإسلام
ونكون وطن واحد وحيد
من المحيط إلى الخليج
ومن الشمال حتى الجنوب
نفسي اكون ريس بجد
علشان الم شمل وطني
واحمي حدوده حد حد
وتبقى ايدنا واحده عفيه
مش كل شبر تلقى يد
اه على عهد الفاروق
نفسي اطبق كل حرف
جوا دستور الفاروق
ساعيتها انام وانا مرتاح
ويطلع عليا أحلى صباح
تكون جمعانا وحدتنا وتحت راية الأمه
مافيش لمه
مافيش غير وحدة الأمة في ظل عدالة الإسلام
مافيش غير وحدة الأمة في ظل عدالة الإسلام

[اميره بلا وطن]

ياسلام يااكرام
كان يهمنى معرفة الآراء
وبجد رأيك يحترم جدا
انت عاوز تعيد للأمه حاجات كتييير لو كانت مستمره ماكانش ده بقى حالنا
امة الاسلام
امة السلام
ياريت يااكرام تبقى الرئيس
اشكرك على رأيك جدااااا

[آية الرحمن]

لا عايزة جاة ولا مال
انا عايزة راحة البال
سبونى انا عايشة
عايشة مرتاحة البال


تسلمى يا اميرة على الموضوع الجميل دا
دمتى متميزة ومبدعة

[thesniper_12007]

ياسلام يااكرام
كان يهمنى معرفة الآراء
وبجد رأيك يحترم جدا
انت عاوز تعيد للأمه حاجات كتييير لو كانت مستمره ماكانش ده بقى حالنا
امة الاسلام
امة السلام
ياريت يااكرام تبقى الرئيس
اشكرك على رأيك جدااااا

أشكرك يا اميرة على تعليقك الرائع وموضوعك الأجمل نفسنا في الصلاح حتى لو مش عهد الصحابه بس يكون فيه شريعه مطبقة
تقبلي تحياتي
لك خالص ودي وتقديري واحترامي

[محمد أبراهيم]

ودق الباب فى ثانية

وشوفت ناس تانية

مقدرتش أنسى يومها

وفاكر كل ثانيه

وطلبوا منى اتمنظر

عشان أول لقاء



وسألت إن كنت فاهم


معنى وجودهم ايه

قالوا هتكون ورقة


مطبوعة نسختين

غنى كنت أو فقير


ليك عندنا البلد

دين

وسرك هيكون في بير


منعرفش مكانه

فين

وتفضل دايما كبير


في نظرنا

حبتين

لو جيت بفلوس

كتير


تطمن جت


منين

سابونى وقعدت


أفكر



وفضل مخى يلاعبنى

يجيبني ويودينى

وخفت من المقابلة


مرعوب بينكم

وبينى

دالفقر من كتر فقره


اتقلب بلطجة



مليون تترمى في سهرة


وعندناالبريزة


معصلجة


عارف لما تشوف الصبح بيطلع


وإنت قاعد



لما تلاقى قلبك بيدق



وإنت بارد



أو تنام وأنت شارد


وتجرى وأنت واقف


وتبكى وأنت ساكت



عارف لما عنيك تشوف جوه ناس


وتحس بإحساس



عارف لما تبقى كل حاجه غلط



صح


وكل حلال حرام




عارف لما تسكت



وجواك مليان كلام


وتتكلم



وأنت مش طايق الكلام



تشوف الكدب من العنين طالع


الحاجة لصوت ميت جوة

حلق مش عايز يطلع


ربنا يكفينا



ويكفيك شر الحاجة


قولنا نمشى

وأنا مش عايز منكم

حاجه

[اميره بلا وطن]

لا عايزة جاة ولا مال
انا عايزة راحة البال
سبونى انا عايشة
عايشة مرتاحة البال


تسلمى يا اميرة على الموضوع الجميل دا
دمتى متميزة ومبدعة

حبيبتى سندريلا
انتى كان رأيك من رأى
راحة البال لا تقارن بمال او جاه او سلطان
شكرا حبيبتى على المشاركه الحلوه
تسلمى

[اميره بلا وطن]

أشكرك يا اميرة على تعليقك الرائع وموضوعك الأجمل نفسنا في الصلاح حتى لو مش عهد الصحابه بس يكون فيه شريعه مطبقة
تقبلي تحياتي
لك خالص ودي وتقديري واحترامي

يارب يااكرام احوالنا كلها تنصلح
وده هيحصل لما نقرب من ربنا اكتر ونطبق الشرع زى مابتقول
جزاك الله خيرا

[اميره بلا وطن]

ودق الباب فى ثانية

وشوفت ناس تانية

مقدرتش أنسى يومها

وفاكر كل ثانيه

وطلبوا منى اتمنظر

عشان أول لقاء



وسألت إن كنت فاهم


معنى وجودهم ايه

قالوا هتكون ورقة


مطبوعة نسختين

غنى كنت أو فقير


ليك عندنا البلد

دين

وسرك هيكون في بير


منعرفش مكانه

فين

وتفضل دايما كبير


في نظرنا

حبتين

لو جيت بفلوس

كتير


تطمن جت


منين

سابونى وقعدت


أفكر



وفضل مخى يلاعبنى

يجيبني ويودينى

وخفت من المقابلة


مرعوب بينكم

وبينى

دالفقر من كتر فقره


اتقلب بلطجة



مليون تترمى في سهرة


وعندناالبريزة


معصلجة


عارف لما تشوف الصبح بيطلع


وإنت قاعد



لما تلاقى قلبك بيدق



وإنت بارد



أو تنام وأنت شارد


وتجرى وأنت واقف


وتبكى وأنت ساكت



عارف لما عنيك تشوف جوه ناس


وتحس بإحساس



عارف لما تبقى كل حاجه غلط



صح


وكل حلال حرام




عارف لما تسكت



وجواك مليان كلام


وتتكلم



وأنت مش طايق الكلام



تشوف الكدب من العنين طالع


الحاجة لصوت ميت جوة

حلق مش عايز يطلع


ربنا يكفينا



ويكفيك شر الحاجة


قولنا نمشى

وأنا مش عايز منكم

حاجه

جميل جدا يافارس
انت فكرت فى كل الاغراءات
ولكن فى النهايه لقيت ان ده كله نفاق وبرضو مش هترتاح فيه
فقررت انك تمشى وتقول
مش عاوز منكم حاجه
تماااااااااااام
احييك والله على قرارك
بارك الله فيك

بارك الله فيك

[اميره بلا وطن]

سؤال النهارده
انت كاتب قصيده ومعتز بيها جدااا
وفجأه

جه واحد صاحبك داخل مسابقة شعر وهو مش اد كده يعنى فى الكتابه
لكن شايف انه موهوب
طلب منك تديه القصيده بتاعتك دى اللى هو شافها وعجبته جدا
عشان يدخل بيها المسابقه وفى الاخر لو فازت تقسموا الجايزه
مع العلم ان ده صديقك الانتيم
هتعمل ايه وهترد تقول ايه؟؟