أنا..محجبة لييية؟؟

[mai - yoyo]

أنا محجبة - بعد إيماني بأمر ربنا إن الحجاب فرض على كل مسلمة

علشان انا حرة … مش من حق حد يشوف مني اللي مش عاوزاه يشوفه إلا بإرادتي … ومن حقي اختار مين اللي يشوف مني أجمل ما عندي .. واللي علشان يشوف ده ويبقى حقه وحلاله بلاله عن طيب خاطر.. لازم هو كمان يديني مشاعره واللي باقي من عمره عن طيب خاطر…

علشان ...أنا غالية .. مينفعش أقلل من قيمة نفسي واخليها عرضة لكل العيون .. ويبقى خروجي مكشوفة ضوء أخضر لكل من هب ودب يسرق مني ولو نظرة لأي جزء مش متغطي مني

علشان أنا باحترم نفسي .. وشايفة نفسي كبيرة قدام نفسي .. ومينفعش أنزل سوق المنافسة في الأنوثة علشان أفوز في الآخر بنظرة شهوانية أو كلمة غزل رخيصة أو عرض
صحوبية

علشان انا جمالي مش خارجي وبس.. ومن حقي ان اللي ييجي يتجوزني .. واللي حاديله الباقي من عمري .. واللي حديله كل مشاعري .. واللي حاقاسمه أحلامي وأفكاري .. واللي حخلف منه ولادي .. وحاربيهم معاه .. مايختارنيش على مقاييس شكلية وبس

علشان أنا باخاف على أخويا في الله اللي بيشوفني في الشغل أو في الكلية أو في المواصلات أو في الشارع .. ويمكن يكون عاوز يقرب من ربنا .. وبيجاهد نفسه علشان يغض بصره.. فمرضاش لنفسي اني اكون سبب في اني افتنه..

علشان أنا باشيل هم أخويا في الله اللي نفسه يتجوز ومش قادر لضعف إمكانياته المادية .. فمش ضروري يعني ازود عليه همومه… وأخيله في الرايحة والجاية

مع كامل اعتذاري لغير المحجبات
ولكن ده اللي حيوصل منك لضعيفي النفوس حتى لو مكنش ده قصدك.. وده اللي علشانه ربنا فرض الحجاب . علشان ميطمعش الذي في قلبه مرض

ده غير حاجة مهمة كمان … الكفن بتاع النساء.. فيه حجاب.. فاللي مش حتلبسه وهي حية بإرادتها طاعة الله.. حتلبسه كدة كدة وهي رايحة قبرها.. وطالما ربنا بيقول اننا نتستر حتى واحنا رايحين قبورنا وخلاص انتهى التكليف … ومحدش حيشوفنا تاني ولا حد حيطمع فينا .. يبقى مفيش معنى اننا نمشي مكشوفين لكل العيون واحنا أحياء نرزق.. يبقى الأولى اطيع ربنا بإرادتي وأقابله وهو راضي عني واخد أجري كامل.. ولاّ اني ملبسوش غير وانا جثة واقابل ربنا وهو غضبان عليا؟

والأسباب اللي فوق دي .. هي اللي فهمتني ليه ربنا فرض علينا الحجاب.. مش تعسير ولا تضييق .. الحجاب فعلا عزة وكرامة.. ميعرفهاش غير اللي داق طعم الستر

يارب اهدى بنات المسلمين الى الطريق المستقيم

[ياسمين14]

عندك والله يامى

[ياسمين14]

سورى نسيت حق ونرررررررررررجع مرة تانية
عندك حق والله يا مى
وادى البوسة مش هحرمك منها فى تعليقى ده

[mona roshdi]

بارك الله فيك غاليتى وجزاك ربى الجنة


اللهم أجعلناممن يستمعون القول فيتبعون أحسنة
تقديرى مع دعواتى الطيبة

منى رشدى

[محمد أبراهيم]

..|~ مَـــي ..!

أُخْتِى بَارِكـ الْلَّه لَكـ فِى قَوْلِكـ وَعَمَلِكـ

وَاثابَكـ وَاعِزكــ


جُوَزَيْت الْفِرْدَوْس الْاعْلَى..؛


وَنِلْت وَوَالِدَيْك

رَحِمَهـ تَعُم أَهْل الْسَّمَاء وَالْارْض..؛


وُّلنَقَائِك أَيَّتُهَا الْنَادِرَه ..انْحِنَاءَه..؛

[thesniper_12007]

موضوعك جميل يا مي واستنتاجاتك معبرة جزاك الله خيرا وجعله الله تعالى في ميزن حسناتك وفعلا زي ما بتقولي ما ينفعش ان الأخت المسلمة تكون فتنة لإن الله تعالى قال في كتابه الحكيم
بسم الله الرحمن الرحيم
إن الذين فتنو المؤمنين والمؤمنات ثم لم يتوبو فلهم عذاب جهنم ولهم عذاب الحريق
صدق الله العظيم
بارك الله فيكي يا اختي الفاضله
تقبلي تحياتي
لك خالص ودي وتقديري واحترامي
أخوك في الله إكرام مجاور

[معا لنصرة ديننا]

جزيتي الجنة أختي
موضوع قيم جدا 5/5
جعل ه الله في موازين حسناتك أختي