الولاد القصيرين وتامر حسنى هل يستويان؟؟؟!!!!!!!!!!!

[ايمو بياض الثلج]

مش عارفة بجد هما الولاد القصيرين بيكلوا طبيعى زى الطوال وكدا ولا ايه؟؟؟؟؟؟

انا حقيقى دماغى كلنى من التفكير ف الموضوع ده

هل القصر ده سبب متعلق بأية يعنى جينى ولا نوعية الاكل ولا اية؟؟؟؟؟

هما أه مفيدين جدا وتحسى كدا انهم نسمة معدية ولا تحسى بيهم ومش بيخدوا مساحة زى ماقال محمد هنيدى مديح طبعا ف نفسه

بس انا كبنت طويلة أتعامل معاهم أزااااااى

وتحديدا اكتر الولاد القصيرين جامدين اخر 3 حاجات

اعمل اية افيدونى؟؟؟؟؟؟؟

يعنى قصيرين وعديناها لكن جامدين كمان كدا صعب

أما الطوال فأكيد جامدين أخر حاجة طبعا بس عشان تحس بتناسق

وممكن يقلدوا تامر حسنى براحتهم

وبالذات لما تحسى ان الولد ضلفة باب كدا معدية عليكى وناقصلها مفصلات

شعور لا أرادى انك تقفى تعظيما واحتراما عشان بجد الهيبة بتبقى باينة ياباشا

ونرجع تانى للولاد القصيرين والمشكلة انك تلاقيه برده بيقلد تامر حسنى طب تيجى ازاى؟؟؟؟

حديقولى

واول مايعدى عليكى شعور لا ارادى برده نظرة تتنيح طووووووووووووووويلة جدا

وكأنك بتقوليله الهيبة بينة يابيه بس فى حاجة غلط

ولا وشه نص نضارة ونص شعر

وتلاقى الولد من دول مبسوط جدا بملابسه الداخلية وبالذات البوكسر
عاوز يطول نفسه بأى طريقة
بس مش فاهمة ايه العلاقه بين ده وتسقيط البنطلون


والمشكله انك تلاقى ان الولاد القصيرين كتييييييير جدأ دلوقت والطوال بينقرضوا وكمان شويه لو شوفنا ولد طويل ف الشارع هنتصور معاه ونزلها ع اليوتيوب كحاجة نادرة

::::شويه جد بقا::::
انا معاك انك تحب تقلد مطربك المفضل بس ف حدود امكانياتك مش تقليد أعمى وبس وممكن الناس اساسا تضحك عليك ومن وراك وكد اخدينك أشتغالة
بس الاجمد انك تحب تكون نفسك وبس
تضيف لمستك الشخصية ع مظهرك اللى حقيقى هتميزك مش تكون زى اى حد
وع فكرة انا ك بنت لا أرضى بالمألوف
فمابالك انت كولد ؟؟؟؟؟؟؟؟؟؟؟؟
ملحوظه:::::
طبعا مش اقصد أساءة لأى حد طويل او قصير
اضحك بس

[ياسمين14]

على فكرة تسمحيلى اقولك حاجة انتى بتحسسينى انك جية من كوكب غريب ومش بنى ادمة زينا
مرة تقوليلى (التخان دول بجد مش عرفين نتعامل معاهم ازى بس على فكرة ياجماعة دول بنى ادميين عادين)
ومرة تتكلمى على القصيرين انتى فكرة كدة انك مبتتريئيش عليهم حرام عليكى يا بنتى

[ايمو بياض الثلج]

اولا ميرسى جدا لمرورك الجامد ده
بس برده اسمحيلى انتى مفهمتيش مغزى موضوعى
انا عيزه اوصل رأيى ف قالب فكاهى
ومش قصدى أى اساءة لاى حد
وميرسى جدا انك برده مريتى ع موضوعى اسمعوا واحكموا
وميرسى لمرورك