مشرف على المنتدى السياسي العام
البقاء لله
البقاء لله (وفاة الكهرباء)
البقاء لله والبقية في حياة كل مصري توفت الي رحمة الله تعالي الكهرباء وذلك بعد صراع مع الحكومة عفوا صراع مع المرض استمر عدة اشهر وسيتم تشييع الجنازة قريبا جدا جدا
بيقولها كل مواطن مصري من قلبه الاهات ديه
من الغلاء والرشاوي والفساد والدروس ...الخ الخ
وكمان جت بقي الكهرباء عشان تزود همومه هم كبير تاني
من فترة كده يدوبك حوالي 5-6 شهور والكهرباء تقريبا كل يوم بتقطع بالتناوب في مناطق الجمهورية كلها
ومن فترة استضافوا الوزير وقال رد رخم سالوه ليه الكهرباء بتقطع رد بكل بساطة بنريح الشبكات عشان مفيش وقود يشغل المحطات
ينهار اسود بيقولك مفيش وقود ومن دلوقتي ماهو كان ممكن يلاقوا وقود لو بطلوا يصدروا الغاز لاسرائيل
وسيبك من كده كمان ده فيه مصايب جاية بس اقري الموضوع للاخر
طبعا احنا كلنا عارفين التقرير اللي بيقول ان مصر هينفذ منها الغاز سنة 2019 يعني بعد 9 سنين باذن الله
لما هو مش لاقي وقود دلوقتي امال بعد 9 سنين هيعمل ايه هيقطع الكهرباء بالاسبوع
وكمان الحمد لله غلوا سعر كيلو الكهرباء اظاهر عشان بتقطع
هو احنا عاوزنها تقطع وتبقي رخيصة كمان ده احنا طماعين اوي
تعالي للاسخن بقي
النقطة اللي مفيش كائن حي في مصر اتكلم فيها خالص_ غيري انا لو اعتبرتني حي_
وهي ان نهر النيل هيقل ودول حوض النيل عاوزة تقطعه عننا وكل الكلام ده
طيب لما نهر النيل هيقل هيحصل ايه بقي الشاطر يجاوب؟؟
اول واحد هيقولي المية هتقل وسعرها هيغلي برده
هقوله صح وايه كمان؟؟فكر كده يمكن تجيبها
لو مجبتهاش انا اقولك ايه كمان
تعرف طبعا ان النيل بيولد تلات تربع الكهرباء بتاعت مصر
لما مية النيل تقل بقي!! ايوة برافو عليكم يبقي اوتوماتيك الكهرباء بتاعته هتقل
يعني باذن الله اضمن لك بعد 5 سنين بالكتير ستكون مصر تغرق في عصور الظلام الوسطي بكل معني الكلمة
وبالمناسبة عندنا كل يوم الكهرباء بتقطع حوالي 3-4 ساعات مع اني مش ساكن في الجبل ولا في الصعيد الجواني انا ساكن في اسكندرية تخيلوا؟؟ وفي حي فيه كل الخدمات كمان
والحال ده علي اغلب مناطق اسكندرية وكلها بالتناوب زي ما انا قولت
ونرجع للوزير تاني اللي كمل كلامه وقال ان محطات الكهرباء معدتش مستحملة الضغط اللي عليها ( يعني مفيش كهرباء تكفي كل الناس ديه بمعني اصح) وسالوه لو فكرتوا تعملوا محطة طاقة نووية قالهم من5-9 سنين وعليكم خير ومن كام يوم قالوا انهم هينزلوا جدول لمواعيد قطع الكهرباء شوفتوا النظام بقي؟؟
وهكذا تلفظ الكهرباء انفاسها الاخيرة لتلحق بمن سبقوها من اخوتها واخوانها ومنهم(الديموقراطية-العدالةوالمساواة-الضمير)
واخيرا تصبحوا /تتمسوا علي خير وعلي شقة فيها كهرباء وغاز وعيش كمان اهم حاجة العيش عشان الازمة بتاعت اليومين الجايين
مشرفة المنتدى السياسي
البقيه فى حياتك يا حاج ربنا يجعلها اخر الأحزان على الرغم انه مش باين انها اخر الأحزان
عليه العوض ومنه العوض عارف المفروض نعمل ايه فى اللى كنا واثقين فيهم وعملو فينا كده ووصلونا لكده نحطهم فى ميدان عام ونجعلهم عبره لمن يعتبر بأمانه اللى عملوه فينا ده ولسه هيعملو كمان يستحقوا عليه عقاب شديد ربنا يستر على الهوا الملوث اللى عندنا ليختفى هو كمان
شكرا كريم على الخبر الأسود ده وتبشيرك لينا بوفاة كل ما يمدنا بالحياه
<a href="http://up.masrawycafe.net/"...66.jpg" /></a>البحث على جميع مواضيع العضو ايسل
مصراوي جديد
والله بجد ما انا عارفه اقول ايه
مصر على وشك الانهيار
وهتبقى من اكبر الدول الناميه على مستوى العالم رغم انها كدا من زمان
يعنى ممكن يكون فى وصف ادق شويه
هتبقى من الدول المتخلفه ولله الحمد
احنا بنرجع لورا للاسف مش بنتقدم خطوة واحده لقدام
وبجد انا مش عارفه مين السبب فى كدا
رئيس الجمهوريه ولا الوزراء ولا المسؤلين المحليين ولا مين بالظبط
معرفش بيفكروا ازاى وراسمين على ايه بعد كدا
احنا هنسبهالم ان شاء الله بس مش مخضرة هنسبهالهم مقبرة عشان يدفنوا فيها ان شاء الله<< كلامى حكم
يا سكريم بجد موضوع جامد جدا
وكليلك سبعتاشر مرة
امن دوله ان شاء الله
تسلم ايدك يا معلم
مصراوي مفيش منه
البقاء لله انا لله وانا اليه راجعون ويقولك قال ايه البلد دى احسن من غيرها يا راجل روح شكرا على تنبيهك لنا على مستقبلنا المشرق جدا دمت بصحه جيده
مشرف على المنتدى السياسي العام
المشاركة الأصلية كتبت بواسطة ايسل
حياتك الباقيه
بس دي مش اخرالاحزان دي اول اول الاحزان لسه في احزان كتير جايه وربنا يستر
ومين هيعاقب مين هيا الحكومه هتعاقب نفسها ولا المعارضه الي عايشه ف دور الحق والفضيله ربنا يستر عالايام الجايه
الف شكر لمرورك وكل سنه وانتي طيبه ياخالتي
التعديل الأخير تم بواسطة SCREEM ; 5 - 9 - 2010 الساعة 01:00 AM
مشرف على المنتدى السياسي العام
والله بجد ما انا عارفه اقول ايه
مصر على وشك الانهيار
وهتبقى من اكبر الدول الناميه على مستوى العالم رغم انها كدا من زمان
يعنى ممكن يكون فى وصف ادق شويه
هتبقى من الدول المتخلفه ولله الحمد
احنا بنرجع لورا للاسف مش بنتقدم خطوة واحده لقدام
وبجد انا مش عارفه مين السبب فى كدا
رئيس الجمهوريه ولا الوزراء ولا المسؤلين المحليين ولا مين بالظبط
معرفش بيفكروا ازاى وراسمين على ايه بعد كدا
احنا هنسبهالم ان شاء الله بس مش مخضرة هنسبهالهم مقبرة عشان يدفنوا فيها ان شاء الله
يا سكريم بجد موضوع جامد جدا
وكليلك سبعتاشر مرة
امن دوله ان شاء الله
تسلم ايدك يا معلم
هتبقي لسه هنبقي محنا بقينا خلاص بقينا لعبه ف ايد اشخاص مبتقدرش المسؤليه ولا تعرف قيمه المكان الي مووجوده فيه
والمسؤل عن كده كل ماسبق بجانب صمت المواطن المصري
الف شكر لمرورك صمت وكل سنه ووانتي طيبه
مشرف على المنتدى السياسي العام
مستقبل مشرق مليان حفر ومطبات مبتخلصش ولسه
والله مش عارف استخفافهم بينا هيفضل لحد امتي مش عارف البقيه ف حياتك
الف شكر لمرورك يا ابوروميساء كل سنه وانت طيب
مشرف المنتدى السياسي
الله يرحمك يا كهرباء
الله يرحمك يامياه
الله يرحمك يا عيش
الله يرحمك يا تعليم
الله يرحمك يا عداله
الله يرحمك يا ديمقراطيه
الله يرحمك يا ضمير
الله يرحمك يا كرامه
والف رحمه ونور عليك يا شعب سلبي وجبان
وربنا يحفظك يا اهانه
وربنا يخليك يا فساد
وربنا يبارك فيكي يارشوة
وربنا يخليكم ويحفظكم ويبارك فيكم ياحكومه
علشان بجد احنا نستاهل اكتر من كده بكتير قوووي
ولا ايه رايك ياحاج
وحمدا علي السلامه يا كريم
وموعدنا قريبا في الخيمه
جهز معداتك علشان تفكك الالغام
بارك الله فيك وحفظك ورعاك
وننتظر منك باقي الاخبار اللي زي فل دي
لا اله الا أنت سبحانك أني كنت من الظالمين
اللهم ارحم
شهداء ثورة 25 يناير
البحث على جميع مواضيع العضو هشام اللول1
نجم مصراوي
ياكريم والله هي ضلمه حتي لو الكهربا موجوده
كل حاجه ماشيه بالعكس واللي بيمشي ياريته يكمل علي خير
خلاص الفساد بقي دا موطنه الابدي في بلدنا
وبجد مش عارفين مستقبلنا هيكون ازاي والله ؟بجد حاجه محزنه جدا
يعني حتي الشغل اصبح معدوووووووووووم لما ذاكرنا في الثانويه العامه وشوفنا امتحانات اسوء ما يمكن وبنشوف في الكليات المحترمه تعليم لايليق بكليات قمهيبقي الحل فين ؟
وان شاء الله العزاء في الفقيده الكهرباء في نفس مكان عزاء التعليم والعمل وال.....وال......
وكفايه كدا علشان مش اطول عليك
تحياتي
مشرف على المنتدى السياسي العام
والله شكلنا فعلا كل يوم هنطلع بجنازه شكل بس اهم جنازه هنطلعها انت قولت عليها ( والف رحمه ونور عليك يا شعب سلبي وجبان) الكهربا هتعطل وهترجع والميه والعيش اهو كده كده بناكلها زي ما يكون والتعليم كدا كدا بايظ وادينا مستحملين لاكن سلبيه الشعب هيا دي الي هتخلي كل يوم في مليون جنازه وجنازه
الف شكر لمرورك يا اتش وكل سنه وانت طيب
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
