وحشتوني أوي

**زءزء** · 6 - 9 - 2010, 03:46 AM

السلام عليكم ورحمة الله وبركاته بصراحة وحشتوني أوي معلش بقالي فعلا أكتر من شهر مادخلتش علي الكافيه والسبب طبعا لازم تعرفوه وهوة اني سبت البيت ومشيت أو بمعني أصح جوزي طردني من البيت وده عشان اتخنقنا سوا مع بعض واتخصمنا لمدة أكتر من أسبوعين علي فكرة احنا تقريبا علي طول بنتخانق وعلي طول متخاصمين لدرجة خلتني أحس اني فعلا مش قادرة أكمل معاه انا عندي ولد وبنت بس بصراحة مش حقدر أستحمل وأكمل وأقول عشان خاطر العيال من الآخر كده أنا في بيتي بحس اني خايفة طول ماهوة موجود معايا بخاف منه في كل حاجة ومش حسة معاه بالامان حتقولولي صارحيه وأفتحيله قلبك طبعا ده مستحيل عشان عارفة ايه اللي ممكن يحصلي من غير ما اقول هوة حس بية وقاللي مالك متغيرة ليه فضلت السكوت لاني مهما بقول مش بيتغير آخر مرة اتخنقنا فيها حسيت اني خلاص مش حقدر افضل ساكتة قلت لازم آخد موقف وقلت له خلاص كل اللي بينا انتهي قاللي أوعي تكوني فاكرة اني بحبك أنا عايش معاكي غصب عني الكلمة دي قالهالي كتير وكنت بفوت وأصبر بس المرة دي انا استخيرت ربنا في موضوع طلاقي منه وبصراحة بعديها طردني من البيت الساعة 4 صباحا لما قلت له اني مش حتغير ومش حكون لك زوجة تاني انا طبعا بحكي باختصار ومش كل حاجة حقدر أحكيها بس كفاية اني أقولكم اني كنت عايشة في البيت وأنا حسة بالذل والخوف وعدم الامان انا مش بحكي عشان آخد رأيكم في موضوع انفصالي منه انا بس حبيت أقولكم انا ليه غبت عنكم المدة دي كلها أنا دلوقتي عند والدي وماعندوش كمبيوتر ولما لقيت الفرصة المناسبة اني أكلمكم قلت اطمنكم علية أنا بحبكم اوي في الله والسلام عليكم ورحمة الله وبركاته

**بنت الاسلام الازهرية** · 6 - 9 - 2010, 03:54 AM

حمد الله على سلامتك

**ميره** · 6 - 9 - 2010, 04:09 AM

السلام عليكم ورحمت الله وبركاته
وانتى كمان وحشتينا انا اينعم معرفكيش ولا شوفتلك موضوع بس كلامك وحياتك الى
انتى عيشها دى صعبه بس هو انا كونت عيزه اعرف منك كام حاجه كده هل سبب
خلافك مع جوزك عن الفلوس وغيره والنت والكمبيوتر ولا انك مش مهتميه بنفسك
ولا بيبيتك ولا هو كان وخدك غصب عنه واو مكنش فى حب من الاول بس حالولى
تفكرى انتى لو عيزه تبعدى عنه هتخرجى من النار بتعته او الحياه الى انتى بتقولى
مش قدره تعيشيها معاه هتلقى مش نار بس دى جنهم انت وحده معاها اطفال وهتبهدلى
بيهم وكلام الناس وحش حولى تفكرى فى انك تروحى لحد يكون كبير عنده ويوقفه عند حده
وخوفك منه ده ليه هو انتى بتعملى حاجه غالط عشان تخافى اصل الخوف من حد يبئا انتى بتعملى
حاجه عشان كده خيفه منه او خيفه يعرفها فكرى فى حياتك صح وممكن تحليها من غير طلاق انتى عرفه
معنه الكلامه صعب فى الزمان بتعنا حولى تبصى لبنتك ولى ابنك كويس فى عائلات فى زمانا دلوقتى
لما بتعرف ان البنت مامتها منفصله عن بابها بيبعدو عنها حتى لو ابنهم بيموت فيها فكرى فى مستقبل بنتك
وابنك وشوفى حياتك من النحيه الصح ومش من الجنب الى انتى مش مستحمله كل حاجه وليها حل وفكرى
كويس وتخايلى حياتك وانتى مطلقه والى هيحصلك وايه الى هيحصل لعيالك وانتى الى ليكى الرائى فى كل ده
انا بقولك كده كأخت وخيفه عليكى من مشاكل الدنيا فى انتظار ردك عليه فى الى قولتهولك تحياتى ليكى وربنا
يهديلك زوجج ويهدى للطريق الصحيح وانتى ربنا يهديكى يارب ويصلحلك حالك ويحميلك اطفالك تحياتى ليك

**زءزء** · 6 - 9 - 2010, 05:31 AM

أنا طبعا متشكة جدا علي نصيحتك الغالية دي بس الخوف مش دايما بيكون موجود لما الواحد بيكون غلط أو عامل حاجة مش عايز حد يعرفهاالخوف اللي أنا بتكلم عنه من نوع تاني هوة علي طول بيزعق ومافيش حاجة عجباهانا مش مقصرة في بيتي والست الوحيدة اللي بتعرف ايه اللي وراها ولازم تعمله وعشان الاقي له حد كبير اتكلم معاه مافيش غير اخواته وهما كمان مش عجبهم حالو ومش قادرين عليه صدقيني مهما أوصفلك مش حتقدري تحسي باللي أنا حسة بيه من نحيته أنا بجد بكرهه وبكره اسمع صوته والعيال مش ممكن يتربو في جو زي ده يكبرو يلاقو أمهم علي طول متبهدلة وكل شوية يكرشها من البيت صدقيني طلاقي منه مش وليد اللحظة أنا أجلته طول السنين اللي عشتها معاه علي امل انه يتغير أو يحس ولو لمرة واحدة انه بيغلط في حقي بس عمره مابيحس بكده ولا عمره حيحس أبدا هوة قاللي انا كده ومش حتغير ولو مش عجبك امشي يعني هوة اللي بايع ازاي بقي أرجع لواحد بايع ومالوش كبير يقدر عليه مش عارفة حتصدقني لو قلت لك ان مافيش حد عرفه وحبه لا أصحاب ولا جيران ولا أهل وده سبب من الاسباب اللي بتخليني مش حسة معاه بأمان عارفة ان الطلاق مش سهل وعارفة نظرة الناس ازاي للمطلقة بس كل ده أهون من اني أعيش مع انسان غصب عني مش بيقدر أي حاجة أعملها وبعدين أستحمل ليه أساسا عشان العيال يعني طيب وبعد مايكبروا وكل واحد منهم يروح لبيته حفضل انا معاه لوحدي لحد آخر العمر والله حرام صدقيني مش ممكن حتحسي باللي أنا حسة بيه وكل اللي قلتيه في كلامك أي حد ممكن يقوله من بعيد عشان يوفق مابيننا بس ربنا كبير وجعل الطلاق في حالة استحالة العشرة مابين الزوجين تصدقي انه مرة قاللي حياخد العيال مني ويقولهم أمكم ماتت الكلمة دي مش قادرة انسهاله وبعدين انا فعلا استخرت ربنا والمرة دي أنا غير كل مرة مصممة علي الطلاق وعشان تريحي قلبك تخيلي انتي واحد مالوش كبير بيهمه ولا بيسمعله ولا يعمله حساب ومافيش حد عرفه وحبه قوليلي ازاي أكمل معاه والسلام عليكيم ورحمة الله وبركاته