بداية النهاية

[براكودا]

الجالية المصرية بأمريكا تطالب أوباما بالتدخل لإنقاذ مصر

طالب أعضاء الجمعية الوطنية للتغيير في الولايات المتحدة الأمريكية وائتلاف المنظمات المصرية، الرئيس الأمريكي باراك أوباما بمناقشة قضية الإصلاح الداخلي في مصر أكثر مع الرئيس حسني مبارك، وحذروا من أن تجاهل النظام المصري للإصلاحات الديمقراطية الضرورية سيفجر اضطرابات لا حصر لها في مصر والمنطقة المحيطة بها، وهو ما يمكن أن يعرقل التوصل إلى السلام في القضية الفلسطينية، ويحول دون تنفيذ حل الدولتين.

ونقلت صحيفة "صدى الوطن" الناطقة باسم العرب في أمريكا الشمالية عن أفراد في الجالية المصرية، قلقهم الشديد من السوء التي وصلت إليه الأوضاع في مصر في الآونة الأخيرة، ما دعاهم إلى مطالبة أوباما بالتركيز في حواره مع مبارك على الشأن المصري، خاصة وأن الرئيس الأمريكي كان قد وجه الدعوة لمبارك للمشاركة في مفاوضات السلام التي بدأت في الثاني من سبتمبر الجاري.

وأوضح أعضاء الائتلاف أنه من الممكن أن تكون هذه هي آخر زيارة لمبارك لواشنطن، لذا ينبغي على أوباما أن ينتهز الفرصة ويدفع مبارك لإصلاحات سياسية أكثر ربما تساهم في استقرار الشرق الأوسط، حيث أكدوا أن صحة الرئيس مبارك تتدهور، وأصوات المعارضة تعلو في مواجهة النظام، وبالتالي تواجه مصر تحديات أمنية خطيرة خاصة أثناء الانتخابات الرئاسية القادمة.

وطالبت المنظمات المتحالفة كلا من مبارك وأوباما بتطبيق المطالب السبعة للتغيير الديمقراطي التي قدمها الدكتور محمد البرادعي، الذي حصل على أكثر من 700 ألف توقيع على بيانه رغم القمع الموجود في مصر.
وتتضمن تلك المطالب: إلغاء حالة الطوارئ والسماح للمرشحين المستقلين بخوض انتخابات الرئاسة دون قيود وتأكيد الإشراف القضائي على الانتخابات برقابة دولية ومحلية.

وأخيرا، أكد أعضاء الجمعية والائتلاف بالولايات المتحدة الأمريكية أن دعم واشنطن لنظام مبارك يهدد بشكل مباشر مصالحها في الشرق الأوسط، وينفي عنها صفة الديمقراطية، بينما لو ساندت التغيير والإصلاح بقوة في مصر فسوف يؤثر ذلك بالإيجاب على حياة المواطن المصري، كما سيساعد على زيادة استقرار المنطقة بأسرها.

اول خطوة للتدخل في الشئون الداخلية بمحض ارادتنا هى بداية للنهاية
من غير المعقول ان تستنجد فئة مصرية برئيس دولة اجنبية مهما كان هو ليكون عامل ضغط على فئة مصرية اخرى.

الموقف ده بيفكرني بالخديوي توفيق لما استنجد بالانجليز ليعاونوه على التخلص من عرابي ، وكانت النتيجة احتلال مصر من قبل الانجليز.

بداية النهاية
بداية احتلال جديد

[Ali Pharouq Najar]

ربنا يطول ف عمرك يا ريس
لا و لسة ... مع الحزب الوطنى
مش هتقدر تغمض عينيك
حسبنا الله و نعم الوكيل

[ايسل]

يا شماتة العدوين فيك يا ريس اوباما فرض عليك تقبل التعديلات الدستوريه
اوعى توافق ياريس ده شأن خاص لمصر مش من حق حد يتدخل اوعى تقبل هيبقى شكلك وحش قوى لو قبلت لا للتدخل الاجنبى فى شئون بلدنا احنا معاك ياريس لو وقفت فى وش امريكا بروح بالدم نفديك يا مبارك هههههههههههههههههههههههه
مهزله حقيقيه
اننا نقبل كل حاجه عايزاها امريكا وده بسبب المعونه وان النظام يستمر
ولو طلبت اصلاحات حقيقيه يسخنونا ان امريكا بتدخل فى شؤنا
ليهم حق ما احنا شعب عبيط بنسخن بسرعه يا براكودا يا اخى الفاضل اوعى تقولى ان اول مره امريكا تطلب طلب من مبارك يا حاج مصر ولايه من الولايات الامريكيه بالبلدى محافظه تبع امريكا
كل سنه وانت طيب يا حاج والسنه الجايه اشوفك كده منضم لحزب الاحرار او الوفد يارب حققلى امنيتى واشوفك يا عماد معارض

[براكودا]

يا شماتة العدوين فيك يا ريس اوباما فرض عليك تقبل التعديلات الدستوريه
اوعى توافق ياريس ده شأن خاص لمصر مش من حق حد يتدخل اوعى تقبل هيبقى شكلك وحش قوى لو قبلت لا للتدخل الاجنبى فى شئون بلدنا احنا معاك ياريس لو وقفت فى وش امريكا بروح بالدم نفديك يا مبارك هههههههههههههههههههههههه
مهزله حقيقيه
اننا نقبل كل حاجه عايزاها امريكا وده بسبب المعونه وان النظام يستمر
ولو طلبت اصلاحات حقيقيه يسخنونا ان امريكا بتدخل فى شؤنا
ليهم حق ما احنا شعب عبيط بنسخن بسرعه يا براكودا يا اخى الفاضل اوعى تقولى ان اول مره امريكا تطلب طلب من مبارك يا حاج مصر ولايه من الولايات الامريكيه بالبلدى محافظه تبع امريكا
كل سنه وانت طيب يا حاج والسنه الجايه اشوفك كده منضم لحزب الاحرار او الوفد يارب حققلى امنيتى واشوفك يا عماد معارض

اولا شكرا ايسل على مرورك

ثانيا انا مش عبيط ولا بسخن بسرعة


انا كان هدفي من الموضوع ده اوضح اني ضد ان مجموعة مصرية معارضة تطلب تدخل رئيس دولة اخرى للضغط على رئيس مصر بشأن موضوع ما.

اما بالنسبة للتدخلات الامريكية

اذكر ليكي موقف الادارة الامريكية السابقة من حبس ايمن نور فكم مرة طالبوا بالافراج عن ايمن نور ، وكم مرة اتت رايس الى مصر وكان من اول المواضيع مناقشة هو الافراج عن ايمن نور.

ومع ذلك لم يفرج عن ايمن نور الا بعد رحيل بوش ورايس ، وكان افراج صحي.

من يعرف الرئيس مبارك جيدا لايمكن له ان يتخيل انه يقبل امر من اي مخلوق كان.

دمتي بود واحترام

[البنت الجديده 1]

لا حول ولا قوه الا بالله
هي للدرجه دي البلد مش عجباهم وعايزين يغيروا فيها بمزاجههم ؟
ما هو الفساد في كل حاجه موجود يعني من غير ضغوط ولا حاجه .
عايزين يعملوا احتلال داخلي ولا ايه
ربنا يستر علي البلد بجد
هي مش ناقصه والله

[براكودا]

لا حول ولا قوه الا بالله
هي للدرجه دي البلد مش عجباهم وعايزين يغيروا فيها بمزاجههم ؟
ما هو الفساد في كل حاجه موجود يعني من غير ضغوط ولا حاجه .
عايزين يعملوا احتلال داخلي ولا ايه
ربنا يستر علي البلد بجد
هي مش ناقصه والله

فعلا ربنا يستر
شكرا لمرورك اختي الفاضلة

[ايسل]

ولو طلبت اصلاحات حقيقيه يسخنونا ان امريكا بتدخل فى شؤنا
ليهم حق ما احنا شعب عبيط بنسخن بسرعه

هذا هو نص كلامى دون تحريف قلت احنا

يا صديقى اللدودانا قولت الشعب مش

بتوع الحزب الوطنى وانت من حبايب الحزب

يعنى عارفهم كويس وانا اثق فى ذكاءك

جيدا واعلم انك تفهم وتعى تصرفاتهم

امتى يهدونا وامتى يسخنونا هذه لعبة

السياسه يا صديقى وانت تعلمهاولكن

عارف المثل اللى بيقولك

حبيبك يبلعلك الظلط وعدوك يتمنالك

الغلط انت علشان بتحب الريس بتبلعلوا

الظلط اما انا فلا (مش بحب الظلط

وقاعداله مستنيه الغلط

واخيرا انا عارفه انك مش زعلان منى

بس قولت ادخل اصبح يا حاج

[عفريت أفندى]

يا عم عمااااااااااد

المهم مش اننا بنستنجد بأمريكا

المهم ان المطالب مطالب مشروعه و عيب انها مش تكون متوفره فى مصر

نسيب الأصل و ندور على الفرع

كل اللى مضايقك انهم بيستعينوا بأوباما

و نااااااسى ان كل مطالبهم صفعه على وجه النظاااااااام الذى كتم على أنفاس الشعب طوال 30 سنه

و لا انت شايف ان مطالبهم دى غير مشروعه و ان مش ليهم حق يفتحوا بقهم

و ان كل تماااااام

و البلد زى الفل

؟؟؟؟؟؟؟؟؟

[براكودا]

يا عم عمااااااااااد

المهم مش اننا بنستنجد بأمريكا

المهم ان المطالب مطالب مشروعه و عيب انها مش تكون متوفره فى مصر

نسيب الأصل و ندور على الفرع

كل اللى مضايقك انهم بيستعينوا بأوباما

و نااااااسى ان كل مطالبهم صفعه على وجه النظاااااااام الذى كتم على أنفاس الشعب طوال 30 سنه

و لا انت شايف ان مطالبهم دى غير مشروعه و ان مش ليهم حق يفتحوا بقهم

و ان كل تماااااام

و البلد زى الفل

؟؟؟؟؟؟؟؟؟

المفروض يا حج وليد اننا نحل مشاكلنا بايدينا وبانفسنا

ولا الصح اننا نجيب امريكا هنا ويمشوا مبارك واللي معاه ، وساعتها مش هيقعدوا البرادعي واعوانه اللي استنجدوا بيهم لا ، هتقعد امريكا على قلب مصر.

نورت يا حج والله

[ضحكات مسروقه]

الموقف ده بيفكرني بالخديوي توفيق لما استنجد بالانجليز ليعاونوه على التخلص من عرابي ، وكانت النتيجة احتلال مصر من قبل الانجليز.

بداية النهاية
بداية احتلال جديد

على اساس ان الشعب هو الخديو توفيق ومبارك هو عرابى
هههههههههههههههه
وبعدين احتلال اوبامى ياسلام اهو كده الواحد يبئه محتل بكرامته