معلش يا استاذ .. اصل انا فصلت خلاص

[Rosy magic]

قصة خيالية من تاليفي بس ليها هدف.. الحكاية وما فيها .. ان واحنا بنبني العمارة .. بابا كان لازم يتعامل مع الصنايعية .. ففي مرة كده لقى واحد شاب يعني هوا صنايعي كان شغال عندنا تقريبا 25 سنة قاعد في ركن كده
* مالك يا محمد قاعد كده ليه ؟
- معلش يا استاذ أصل انا خلاص فصلت شحن النهاردة ....
* عملت ايه ؟
- هنجت معنتش قادر .. معلش يا استاذ مش هقدر اكمل شغل النهاردة
* هنجت ؟؟
- اه خلاص على اخري .. جبت جاز والله ..
* طيب يا بني انا من كلامك فهمت انك تعبان
- فل عليك يا استاذ .. بالظبط كده .. تعبااااااان
* طب قوم روح مش مشكلة نبقى نكمل بعدين
- سلامو عليكو * سلامو عليكو

أنا لقيت بابا راجع البيت مستغرب .. راح مناديني .. تعالي يا روزي .. هيا ايه المصطلحات الغريبة اللي انتشرت اليومين دول بين الشباب ..
- مصطلحات ايه يا بابا ؟؟
* مش عارف انا النهاردة سمعت حاجات غريبة كده .. اشي هنجت على جبت جاز على فصلت شحن .. ده كده الواحد هيشك في جنسيتو انو عربي ..
- لا يا بابا .. ده بقى العادي عندنا .. امال لما كنت في الجامعة كنتو بتتكلمو ايه ؟؟
* سؤال غبي .. كنا بنكلم عربي يا بنتي
وطولت القعدة ولقيت بابا مش مقتنع أبدا بعلم المصطلحات اللي نازل جديد في السوق اليومين دول .. هوا فعلا أقنعني ان اللغة دي ليها تأثير على اللغة العربية وممكن تضعف اللغة العربية عندنا .. ومش عارفة ليه لما سالني : اشمعنى اللغة دي منتشرة في مصر بس ؟؟ ... معرفتش ارد .. تفتكرو ايه السبب في ان اللغة دي انتشرت بين المصريين بس .. بصراحة انا عن نفسي بستخدم اللغة دي .. بس فعلا حاجة غريبة .. لأنها فعلا عاملة زي العلم اللي كل يوم يطلع جديد .. لسة اول امبارح كنت متخانقة مع واحدة فصاحبتي بتقوللي : يا ستي .. كاف جيم ..
قلتلها : نعم يختي .. دي جبنة أريش ولا دوا كحة ؟؟
قالتلي : لا يا جاهلة .. كاف جيم يعني ( كبري الجمجمة )
أنا بصراحة استغربت .. للدرجادي مش عاوزين نكلم وبنختصر .. ده احنا شعب ابتلينا بالكلام .. كل من هب ودب بيتكلم في اي حاجة وفي كل حاجة .. انما حكاية كاف جيم دي لسة جديدة .. تفتكروا ايه عواقب المصطلحات دي على اللغة العربية ذات نفسها ؟؟ وده يطلع مين بسلامتو اللي اخترع المصطلحات دي وراح الشباب كلو جاري ورا زي ما يكونو بيشترو كيلو لحمة .. لأن الموضوع انتشر بصورة فظيعة وبسرعة جدا .. وحكاية كاف جيم ( ك - ج ) و به ألف ( ب - أ ) دي على فكرة حاجة من ضمن الحاجات اللي بيخلينا نستهيف شباب اليومين دول . .. وعلى فكرة ( ب - أ ) يعني بطلي استهبال .. من باب إثراء المعلومات ..


ايه رأيكو انتو

[نجمة عسولة]

هههههههههههههههههههههه
ياااااااه
ده انتى لسة بتقولى فيها
انتى عن نفسى تلاقي واحدة تقولى للتانية امشي يا عم كده
يعنى بتقول حاجات غريبة ورخمةاو حاجات زى كده
والغلطان طول عمره عايز يخلى الناس الى معاه غلطانين
بس المهم ان احنا منتأسرش بالكلام ده
وده وجهة نظرة
أريجاتو على الموضوع الجميل ده
بااااي

[Treka]

بقولك ايه يا روزى مـــــــ(( كـــ جـــ )) انتى بقى
من موضوع المصطلحات - هههههههههههههههههههـــ

بجد موضوع تحفة يا احلى روزى بجد روعة اووى
وعجبتنى اووووووووى الحته بتاعت من باب اثراء المعلومات جامدة موت
تسلمنا وتالفلنا يا اجمل واحلى روزى

[Rosy magic]

بقولك ايه يا روزى مـــــــ((كـــ جـــ)) انتى بقى
من موضوع المصطلحات - هههههههههههههههههههـــ

بجد موضوع تحفة يا احلى روزى بجد روعة اووى
وعجبتنى اووووووووى الحته بتاعت من باب اثراء المعلومات جامدة موت
تسلمنا وتالفلنا يا اجمل واحلى روزى

ههههههه انا هـ كاف جيم ان شاء الله
وميرسي على الرد الكول

[Rosy magic]

هههههههههههههههههههههه
ياااااااه
ده انتى لسة بتقولى فيها
انتى عن نفسى تلاقي واحدة تقولى للتانية امشي يا عم كده
يعنى بتقول حاجات غريبة ورخمةاو حاجات زى كده
والغلطان طول عمره عايز يخلى الناس الى معاه غلطانين
بس المهم ان احنا منتأسرش بالكلام ده
وده وجهة نظرة
أريجاتو على الموضوع الجميل ده
بااااي

معلش يا سمسم مخدتش بالي من الرد

تسلمي يا قمر

[ريم]

يا روزى اولا الموضع هايل كالعاده بجد
لكن احنا فى مصر وموضوع المصطلحات دا عادى زيه زى الموضه طب ماهو برده كل الشباب ماشيه على الموضه زى مثلا البنطلون الساقط والشعر السبايكى والحاجات دى كلها شعبنا دا شعب متخلف كل حاجه واحد يعملها الكل يعمل زيها مفيش حاجه مش بيقلدوها شعبنا مش بيعرف يستغل ذكائه صح وقدراته صح دا بيستغلها فى الهبل وبس

اسفه و طولت بس دى كانت وجهه نظرى
تسلمى يا روزى على الموضوع الهايل دا

[Rosy magic]

يا روزى اولا الموضع هايل كالعاده بجد
لكن احنا فى مصر وموضوع المصطلحات دا عادى زيه زى الموضه طب ماهو برده كل الشباب ماشيه على الموضه زى مثلا البنطلون الساقط والشعر السبايكى والحاجات دى كلها شعبنا دا شعب متخلف كل حاجه واحد يعملها الكل يعمل زيها مفيش حاجه مش بيقلدوها شعبنا مش بيعرف يستغل ذكائه صح وقدراته صح دا بيستغلها فى الهبل وبس

اسفه و طولت بس دى كانت وجهه نظرى
تسلمى يا روزى على الموضوع الهايل دا

رأيك جميل ومقنع يا ريم ...

تسلمي يا سكر لمرورك

[شمس]

اهلا روزي
والله المشكلة ده مش عندكم في مصر وبس
هنا كمان في المغرب تلاقيهم ماسكين في كلمة جات في فلم او مسلسل وحتى انهم مش عارفين
اذاكانت صح ولا غلط بردو بيرددوها
عاملين زي الببغاء الي بيلقط اي كلمة
لو بحثنا عن السبب يكمن نلاقيه فراغ
من لاشيء او تقليد غبي
وسميتو بالغباء لان العاقل مش ممكن
يقلد ولا يقول ولا يردد اي كلمة من غير ميعرف معناها
وتسلمي يااااا قمرررررررررر

[Treka]

اختى شمس بجد والله عجبتنى جدااااااا الحته دى

لان العاقل مش ممكن
يقلد ولا يقول ولا يردد اي كلمة من غير ميعرف معناها

[Rosy magic]

اهلا روزي
والله المشكلة ده مش عندكم في مصر وبس
هنا كمان في المغرب تلاقيهم ماسكين في كلمة جات في فلم او مسلسل وحتى انهم مش عارفين
اذاكانت صح ولا غلط بردو بيرددوها
عاملين زي الببغاء الي بيلقط اي كلمة
لو بحثنا عن السبب يكمن نلاقيه فراغ
من لاشيء او تقليد غبي
وسميتو بالغباء لان العاقل مش ممكن
يقلد ولا يقول ولا يردد اي كلمة من غير ميعرف معناها
وتسلمي يااااا قمرررررررررر

اهلا شموسة
عندك حق بس في ناس مش بتبقا غباء
بيبقا المحيط اللي حواليها وكل الناس بتتكلم باللغة دي
فبيتأثروا بيها طبيعي
ورأيك جميل جدا
تسلمي يارب