وعد .. مصراوي كافية ... وربي شاهد ....

[فتى الإسلام]

أهلا بكم أخوتي
هذا الموضوع لمن لديه الشجاعة

خليك زي طلبة الكشافة
.
.
أوعدنا
.
.

اوعدنا انك تبقى احسن ومصراوى شاهد
على الوعد

فالطالب يعدنُا أن يكون الأفضل هذا العام
وأنه سيبذل كل ما عنده
حتى يحقق هدفه
وينتصر على نفسه ... ويثبت لها أنه الأفضل
ويحصل على التقدير الأعلى خلال سنواته الماضية

أما بالنسبة لغير الطالب
يعدنُا أن يكون أفضل في حياته القادمة
سواء في عمله ... أو حياته الشخصية
وأن يكون أكثر أهتماما بعمله
ويحاول أن يبتكر ما هو جديد به ...

واكيد الوعد دا هيكون ربنا شاهد عليه
فيجب على كل منا أن يبذل ما يقدر استطاعته
حتى يحقق ما وعدنا به

.
.
.

وبعد أن يحقق ما وعدنا به يسجل بهذا الموضوع
نجاحه...أو تغيره للأفضل....وتميزه
وذلك بعد فترة...
إذا كان طالبا........ بعد النتيجة
إذا كان غير ذلك ..... بعد التميز في عمله

مما كتبته شاعرة المنتدى
اميرة بلا وطن

اوعــــــــــــــــــــــ ــدنى

اوعدنى وعد ماتخلفهوش ولا تسيبه

اوعدنى ناخد بالأسباب وكل واحد ونصيبه

نقدر نكون أحسن بالوعد ونصمم

ننجح ونوصل للأمجاد ونتعلم

اوعدنى لو طالب تنجح وتتقدم

ولو شغال ماتيأسشى من الأيام وتتألم

وتيجى تقولى شغل ممل وهسيبه

يلا اوعدينى ويلا انت كمان إوعد

من حلمنا الحلو نقرب ومش نبعد

وماتقولّيش مفيش فايده هقولك هو بقى عيبه

ماتسمعشى كلام اليأس وتوافقه

ولا تسايره فى سكه طويله وترافقه

ولا فى مره تكون صاحبه ولا حبيبه

واوعدنى للوعد تنفذ وتبقى تمام

دا وعد الحر مش غنوة وأى كلام

وهتقولى خلاص وبجد راح ترجع

وساعتها نستنى البشرى وليك نسمع

هتقول نجحت ووعدى كان حر بينفع

وهزمت خوفى وأحزانى وكشفت يأسى وألاعيبه

ونجاحى بعد ماحققته مش ممكن ابعد ولا اسيبه

[البنت الجديده 1]

موضوع جميل جدا
واتمني ان كل انسان يحاول ان يصل بحماسه الي قمه النجاح
فانا اعد ربي ان اقدم كل ما ينتفع به الاخرون
ويكون سبيلنا لان نرقي بامتنا الاسلاميه
تحياتي علي الموضوع الجميل
دمت في امان الله

[فتى الإسلام]

موضوع جميل جدا
واتمني ان كل انسان يحاول ان يصل بحماسه الي قمه النجاح
فانا اعد ربي ان اقدم كل ما ينتفع به الاخرون
ويكون سبيلنا لان نرقي بامتنا الاسلاميه
تحياتي علي الموضوع الجميل
دمت في امان الله

ربنا يكرمك
وتحققي كل ما تمنيه
وبإذن وعد منك على الأمتياز
بإذن الله

[♥بـونـبـونـايـه سـكـره♥]

بكد موضوعك كامد كدااااا
و ياريت فعلا كلنا نتقدم بــ نفسنا
و مش نبأه فى تأخر و جهل بـ الى بيحصل و بيدرى حوالينا
او بمعنى اصح اننا نكبر من دماغنا
لازم كلنا ننهض ببعض و نحاول نتور من نفسنا

تسلم بكد موضوعك اكتر من رائع
ثانكس كريم

[Ali Pharouq Najar]

توبيك متكامل يا كريم
أنا أوعدك و الله على ما أقول شهيد
رائع فوق الوصف

[آية الرحمن]

بجد موضوع جميل اووووى يا كريم
تسلم ايدك وبجد انا اوعدك
انى هكون افضل فى دراستى
انا كنت ناوية كدة من زمان
لانى داخلة مرحلة جديدة وصعبة
تسلم يا كريم على الموضوع
الرائع وزى ما اتعودنا منك دايما
على التألق تقبل مرورى

[Ṃỏ7äṃΣď Ụ-ĐęṾĭ Ĺş]

توبيك جميل جدا يا كريم

وان شااء الله نحاول ف كل خطوه انها تكون للامام

شكرا ليك

[معا لنصرة ديننا]

أكثر من رائع أخي أكثر من رائع
وفقكم الله لما يحبه ويرضي
والقصيدة أكثر من رائعه نتمني الاستفادة للجميع
عيدكم مبارك

[إبتسامة أمل]

موضوع في غاية الروعة جزاك ربي خيرا
اوعدك ان شاء الله
بس يارب اكون في المنتدى علطول لان احتمال كبير اني مااكملش معاكو
بس هعمل كل الي اقدر عليه للبقاء معكم
وليس بيدي
ربي يبارك فيك

[مليش غيرك يارب]

تسلم ايدك ياكريم بجد موضوع مهم اوي ورائع
ولو حد كسلان او متاخر انت نشطه اكيد بكلامك
شكرا ليك وانا اوعدك ربي ثم اصحابي اني بازن
الله احقق كل مايصلح ويارب وفقني في دراستي
وشغلي يارب تقبل مروري