مصر علشان تتصلح لازم نغير نفسيتا

[karem radwan]

بسم الله الرحمن الرحيم
اسمي كريم رضوان خريج كلية اعلام ومضايق قوي قوي من الي احنا فيه بس انا دايما عندي امل لان من غير امل مش هانعرف نعيش
وانا شايف من وجهة نظري المتواضعة ان اي مشكلة في الدنيا اساسها سلوك فرد
هاتولي اي مشكلة في الدنيا وانا اثبتلكوم ان اساسها سلوكنا احنا
الضمير,الفساد,كرهنا لبعضينا,المصلحة الشخصية ثم المصلحة الشخصية ,بندور علي الماديات فقط لاغير ومافيش معنويات,نقبل علي نفسنا فلوس حرام,مافيش تخطيط لاي حاجة في حايتنا
كل الحاجات دي هي الي ماخرانا وموديانة في داهية سواء علي مواطن العادي والحكومة
ده غييييييييير طبعا بعدنا التاااااااااااام عن ربنا وانشغالنا بمواضيع تفها جدا جدا نرغي عن فنانين مطربين تمسليات مذيع اتخانق مع مذيع فنان اتخانق مع فنان زيه والكورة وهايفة الكورة وسيبين حاياتنا ونسينا احنا جينا الدنيا ليه ومايعرفوش ان الدنيا الي احنا عايشنها مجرد حياة مؤقتةواختبار ربنا حاطتنا فيه عشان يشوف مين الصح ومين الغلط وكلنا هانموت بعد عشرين اربعين سبعين ميت سنة هانموت وننزل القبر وما قدراك وحساب القبر حساب ربنا سبحانه وتعالي لحسابي ولا حسابك وبعد كدة يالجنة يالنار وربنا يارب يكتبلنا الجنة يارب بحق جاه النبي احنا كلنا وكل الي عايز بجد يتغير ويبقي كويس ويراعي ربنا ويتقي فلي بيعمله وان احنا اتخلقنا عشان نساعد بعض ونخاف علي بعض ونعمل اي حاجة الي تدخلنا الجنة
بزمتكوم ودينكوم وايمانكوم لو كلنا عملنا بالكلام ده سواء شعب او حكومة هايبقي ده حالنا؟

[roro_rawan]

صح بجد يا كريم
انا معاك وبحاول اتغير بجد

[هشام اللول1]

السلام عليكم ورحمه الله وبركاته
اخي كريم نورت المنتدي
وان شاء الله تكون مبسوط معانا بأذن الله

انا بتفق معاك في حاجات كتير انه قله ايمان
والنفوس ضعفت امام الفلوس والسلطه او الكرسي
سواء من الحكومه او الشعب
بس في نفس الوقت الحكومه في احيان كتير مش بتعطي فرصه للمواطن العادي
انه يكون صالح او يغير في نفسه ,, زي مثلا
لو حد مسيحي وعاوز ياسلم الحكومه مش بتقدر تقف معاه ضد الكنيسه
وهي في بعض الاحيان بتسلمه للكنيسه تاني
ولو حد عاوز يلتحي بيكون صعب زي ما انت عارف امن الدوله بيبهدله
مش هو بس هو واهله
ولو واحده عاوز تتنقب الجامعات و الحكومه بتضطهدوا
وفي كتير فعلا غير اللي انا قولته
بس للاسف
انا شايف انه لو الحكومه اتغيرت هيحصل تغيير كبير في الشعب للاحسن

نورت اخي كريم
وبارك الله فيك وحفظك ورعاك
ووفقك الله