ربنا يسامحك يا عرابى............................

[ايسل]

ربنا يسامحك يا أيسل
جعلتينى أرجع إلى التاريخ وأنظر إلى عزه المصرى المسلم وثقته بنفسه وأقارن بينها وبين حالنا الآن

لا إله إلا أنت سبحانك إنى كنت من الظالمين

لازم نفتكر ونشوف هما كانوا ايه واحنا بقينا ايه صدقنى يا احمد وانا كمان حزينه على حالنا ده وعلى الخوف اللى اتمد لكل الامه الأسلاميه بس هنقول ايه غير ربنا كبير قادر يغير الحال
شكرا لمرورك احمد الذى اسعدنى كثيرا ويارب منورنى دايما

[ايسل]

متي نقول والله لانورث ولا نستعبد بعد اليوم ....

متي نقول لانورث ولا نستعبد بعد اليوم ....

ومازلنا في الانتظار
ومازلنا في الانتظار

عارفه امتى يا صفا هنقول كده لما بجد ننزع الخوف من قلوبنا لما نبقى زى اللى سبقونا
زى اجدادنا كلنا شجاعه وعزة نفس ونحب بلدنا بجد زى ما كانوا بيحبوها وبيضحوا بحياتهم علشانها
وانا كمان هنتظر معاكى ولازم نبقى زى هشام عندنا امل
اسعدنى مرورك صفا
ويعلم الله عندما اقرأ لكى رد هذه الايام احزن كثيرا
لأنك ستبعدين عنا فتره كبيره ولن ارى ردودك التى استمتع بها بجد
وادعوا الله لكى بالتوفيق
فى دراستك عزيزتى
ربنا معاكى يا دكتوره

[ايسل]

بعد الموضوع الجميل ده
وبعد مشاركات الاعضاء الرائعة دي
وبعد اتهام ايسل ليا بالعبط واني بسخن بسرعة

لذلك انا قررت اني مسخنش بسرعة ومعلقش عالموضوع

بس ان دخلت الموضوع لاني مقدرش اشوف موضوع لايسل من غير ما اشارك فيه

ايه ايه ايه مين ده اللى يقدر يزعل الكبير انا لالالالالالالالالالالالال الا مش ممكن تكون زعلان منى انا واثقه ومتأكده
وانا مقدرش اقول عليك اللى انت قولته ده انا رديت فى نفس الموضوع بس هنا بقولك لالالالالا انت مش زعلان وانا عارفه
زى ما انا عمرى ما ازعل متأكده انك بردوا عمرك ماتزعل نورتنى يا كبير

[براكودا]

طبعا اكيد
هو في حد يزعل من ايسل

وبعدين هو لما انا ازعل وامشي
مين اللي اللي هيحرق دمك

دمتي بود واحترام

[سعيد الفيشاوى]

لكل بدايه نهايه يا ايسل
للفساد بدايه في عهد حسني
وان شاء الله يا ايسل
هينتهي مع انتهي عصر مبارك

ممكن يبقي الشعب ضعف شوية
بس هيجي عليها يوم ويفوق

وانا مش عاوز اقول احنا منتظرين
واحد زي
صلاح الدين ولا عرابي ولا مصطفي كامل
ولا جمال عبد الناصر

لانه بجد اللي ظهر وموجود دلوقتي ( البرادعي )
بيحاول يحرك الشعب لكن بردوا للاسف ناس كتير جدا
بتشكك في تصرفاته
ولكن اقف ضدهم واقول لهم
من الذي وقف امام الحزب والرئيس بهذه القوة
واخاف الحزب
لكي نقف معه
؟؟؟؟؟؟؟؟؟؟؟؟؟

للاسف الشعب فعلا في
غيبوبه تامه تامه تامه تامه

شكرا ليكي يا ايسل
ولازم يبقي الامل موجود

بارك الله فيكي وحفظك ورعاكي

اولا بحييك يا ايســــــــل
على التفاؤل اللى بتوصلينا ليه ده
وانتى وهشام خلتونى بطلت اكتب فى السياسى
وشكلكم هتخلونى مدخلوش
بسبب الاحباط اللى بوصل ليه كل ما ادخل واقرأمواضيعكم
علشان كل ما احاول انسى مشاكلنا
لازم تفكرونى بيها
وبعدين يا عم هشـــــــــــام
البرادعى وقف فى وجه
الرئيـــــس والحزب
لانه تقريبا الوحيد اللى مش هيقدرو يقلو معاه
يعنى من الاخر الراجل متحصن ضضهم
فدا مش سبب كافى لانه يمسك البلد
وبصراحه بعد ما سمعت النهارده ان
السـيد البدوى رشح نفسه
متفائل جداا وحاسس ان فيه خير
ان شاء الله
واكيد هتلاقى مرشحين ممكن يكون فيهم اللى ينفع البلد فعلا
مش يستنفع منها
بس المهم الناس تفهم
وتختار صح
والاهم ان تكون الانتخابات نزيه

[عفريت أفندى]

امممممممم

ده كان سنه 1881

يبقى ليا الحق و اقول

يرحم زماااااااااان و ليالى زمااااااااان

او أقول

ارجع يا زماااااااااااان

تسلمى ايسل

و قلبتى علينا الموااااااااااجع

[ابو روميساء]

وانا مش عاوز اقول احنا منتظرين
واحد زي
صلاح الدين ولا عرابي ولا مصطفي كامل
ولا جمال عبد الناصر

لانه بجد اللي ظهر وموجود دلوقتي ( البرادعي )
بيحاول يحرك الشعب لكن بردوا للاسف ناس كتير جدا
بتشكك في تصرفاته
ولكن اقف ضدهم واقول لهم
من الذي وقف امام الحزب والرئيس بهذه القوة
واخاف الحزب
لكي نقف معه
؟؟؟؟؟؟؟؟؟؟؟؟؟

للاسف الشعب فعلا في
غيبوبه تامه تامه تامه تامه

شكرا ليكي يا ايسل
ولازم يبقي الامل موجود

بارك الله فيكي وحفظك ورعاكي
[/FONT][/B][/COLOR][/SIZE][/CENTER][/QUOTE]

عارف لو حد من ال انت بتشبه البردعى بيهم لو قاعد كان هيرفض تشبيهك ده بس للاسف /وعايز اقولك حاجه لو البردعى فيه خصله وحده من خصال هولاء العظماء مكنش صبر حتى وهو واحد من الشعب مش مستنى يبقى رئيس لان العظماء ال انت ذكرتهم مكنوش يستنو كلمه وحده من حد لانهم عظماء وبرده فى حاجه هم العظماء دول كانوا عيشين بره مصر ولا عيشين فى مصر ولما بيكون فى اجتماع يخص الدوله بيكونوا فى مصر ولا بيستنوهم لما يتكرموا ويتشرفو ا ولما يفضوا نفسيهم من المصالح ال اهم عنديهم من الاهتمام بشئون دوله بحجم مصر (انت بجد اهنت العظماء دول لما شبهت البردعى بيهم )وارجو انك متزعلش من كلامى (ويا ريت حد يبلغ هشام بهذا الرد)

[ايسل]

عارف لو حد من ال انت بتشبه البردعى بيهم لو قاعد كان هيرفض تشبيهك ده بس للاسف /وعايز اقولك حاجه لو البردعى فيه خصله وحده من خصال هولاء العظماء مكنش صبر حتى وهو واحد من الشعب مش مستنى يبقى رئيس لان العظماء ال انت ذكرتهم مكنوش يستنو كلمه وحده من حد لانهم عظماء وبرده فى حاجه هم العظماء دول كانوا عيشين بره مصر ولا عيشين فى مصر ولما بيكون فى اجتماع يخص الدوله بيكونوا فى مصر ولا بيستنوهم لما يتكرموا ويتشرفو ا ولما يفضوا نفسيهم من المصالح ال اهم عنديهم من الاهتمام بشئون دوله بحجم مصر (انت بجد اهنت العظماء دول لما شبهت البردعى بيهم )وارجو انك متزعلش من كلامى (ويا ريت حد يبلغ هشام بهذا الرد)

ولا يهمك انا هبلغه انا مش بتوصى فى الحاجات دى
اسمع ابو روميساء انا متأكده ان هشام مش هيزعل منك عارف ليه لأنه هيقول ان ده رأيك وقناعاتك وهشام بيحترم اراء كل الاعضاء
حتى اسأل قريبك
ثانيا بقى وده الاهم
ده كلام هشام

وانا مش عاوز اقول احنا منتظرين
واحد زي
صلاح الدين ولا عرابي ولا مصطفي كامل
ولا جمال عبد الناصر

بيقول مش عايزين نحلم بعودة العظماء لا
هنشوف مين موجود دلوقتى بيحاول يعمل حاجه ونشجعه يعنى هو مشبهش البرادعى
بالعظماء دول
اما رأى انا ان البرادعى من العظماء عارف ليه يا ابو روميساء لانه ابن مصر شرف مصر
وشرفنا كلنا بعلمه واعطاء العالم كله فكرة عن من هو المصرى المصرى مش راكب الجمل فى الصحرا وعايش فى ايام الجاهليه
هشام مقتنع بالبرادعى ودى وجهة نظره وعلينا احترامها كما انك تفضل جمال لأنك تتخيل انه احسن الوحشين وهذه وجهة نظرك وايضا جميعا نحترمها اما انا بقى ولا مع البرادعى ولا مع جمال لان مصر لازم هيظهر منها عبقرى فى يوم ويارب يكون اليوم قريب
يستحق ان يحكم مصر
واخيرا احنا هنا يا ابو روميساء صدقنى مش بنزعل من تنوع ارأنا بل نحترم اختلافاتنا كثيرا
نختلف ونعترض كما يحدث مع براكودا ولكن كل هذا بحب واحترام وتقدير للأخر علشان كده بقولك هنا احنا اخوات ومش هنزعل ولا هنزعل وبالتاكيد هشام هيرد عليك طبعا نورتنى يا ابو روميساء ونورت الموضوع والله

[دره]

هههههههههه
بصى بقى انتى ردودك على الاعضاء زى العسل والسكر
وعجبتنى جدا والله بجد ضحكتينى جدا
اما بالنسبه للموضوع مش محتاج تقيمى ولا رايي
لانك بتتكلمى عن واقع عايشنه
وابدعتى فيه
واول مره اشوف حد رغاى كده وسكر
ومزهقش منه واتمنى يكمل رغى
كملى وانا معاكى
حد منااااااااااااااام

[ايسل]

اولا بحييك يا ايســــــــل
على التفاؤل اللى بتوصلينا ليه ده
وانتى وهشام خلتونى بطلت اكتب فى السياسى
وشكلكم هتخلونى مدخلوش
بسبب الاحباط اللى بوصل ليه كل ما ادخل واقرأمواضيعكم
علشان كل ما احاول انسى مشاكلنا
لازم تفكرونى بيها
وبعدين يا عم هشـــــــــــام
البرادعى وقف فى وجه
الرئيـــــس والحزب
لانه تقريبا الوحيد اللى مش هيقدرو يقلو معاه
يعنى من الاخر الراجل متحصن ضضهم
فدا مش سبب كافى لانه يمسك البلد
وبصراحه بعد ما سمعت النهارده ان
السـيد البدوى رشح نفسه
متفائل جداا وحاسس ان فيه خير
ان شاء الله
واكيد هتلاقى مرشحين ممكن يكون فيهم اللى ينفع البلد فعلا
مش يستنفع منها
بس المهم الناس تفهم
وتختار صح
والاهم ان تكون الانتخابات نزيه

اولا ابو اسماء عندنا يا مرحبا يا مرحبا نورت يا سعيد انا فرحت لتواجدك فى موضوعى بس فى نفس الوقت زعلت انك مقولتش نو كمنت كنت قولتها ياراجل دى ارحم من اللى قولته
والله يا سعيد احنا نفسنا نكتب حاجه تفرح حاجه تعطى الأمل بس صدقنى مش موجود عايزنا نعمل زى النعامه ونحط راسنا فى الرمل اتخنقنا يا سعيد من التطنيش والصمت بقالنا كام سنه ساكتين
شوف مصر وصلت لأيه
ثانيا انا معاك فى كل كلمه عن البرادعى ودى وجهة نظرى بالظبط اما للسيد البدوى انا مش معاك مش علشان شخصيته لا بالعكس احترمه لكن لأنى ضد رجال الاعمال والسلطه جبونا لورا ربنا يسامحهم
عموما اوعدك قريب علشان متبطلش تدخل بسببنا هنزلك موضوع جميل وكله تفائل
عارف هو ايه انتظروا قريبا
(جمال مبارك رئيس جمهورية مصر العربيه) نورتنى يا ابو اسماء ويارب ما ننحرم من مرورك الجميل ومتغبش عننا تانى