رد مع اقتباسجميله بس ليه كل مره احس ان الحلقه بتقصر ولا ده علشان الاثاره والتشويق
وعلى العموم مستنين الباقى وربنا معاك فى الامتحانات
قهوتنا على الانترنت
Café Dev!l
رد: يوميات احمد ونور(الصعيدي والاستايل)
معلش بقي عندي امتحانات استحملوني واهي الحلقه
الحلقه الثانيه عشر
احمد ساب نور واقفه في الريسبشن وطلع يحط الشنط و وهو بيغير الباب خبط
احمد : مين اللي بيخبط
الطارق : انا
احمد : ايوه مين يعني انت مش بشر كائن يعني ليك اسم
الطارق : ايه الظرف دا ايوه ياعم انا كائن وليا اسم انا محمود
" محمود دا صاحب احمد شافه في المطعم وطلع وراه الاوده عشان يسلم عليه "
" احمد فتح الباب لقى محمود صحبه خده بالحضن وسلامات وبوس "
محمود : ازيك يا ابو احميد يخرب عقلك انت ايه يا واد اللي جابك هنا وجاي مع مين
احمد : اهه تغير شويه بدل مانروح البلد جيت هنا مع اصحابي
محمود : طيب ياباشا اسيبك انابرحتك عشان تشوف اصحابك والبنت اللي مستناياك تحت
احمد : ماشي يا مان انت شوفتني معاها
" احمد بقى شويه شويه ياخد على جو الجامعه و القاهره و يقول يا مان و كده "
محمود : اه يا معلم شوفتك في المطعم تحت بس تعرف زوقك حلو يا مان عرفت تنقي يا معلم اموره اوى
احمد : انقي ايه يا معلم دي صاحبتي اصلي معرفش حد في الرحله غيرها
محمود : طيب يا مان اسيبك بقي ولو عوزت اي حاجه انا في الخدمه
احمد : ماشي يا مان و الف شكر
" احمد ساب محمود ونزل يفطربقي اخيرا هيفطر مع نور "
احمد : اخيرا يا نورهنفطر
نور : اخيرا انا ميته من الجوع
احمد : لو سمحت الفطار بتاعنا
الجرسون : حاضر يا فندم
احمد : بس بسرعه والنبي عشان ميتين من الجوع
نور : اه بسرعه خالص عشان ممكن ناكل في بعض دلوقتي
احمد : بسرعه يا عم احسن تيجي تاكل فيا ههههههههههههههه
الجرسون : حاضر يا فندم
" الجرسون جاب الاكل كله الحمدلله و كلو ونور خدت احمد و اتمشوا علي البحر "
نور : انت هتعمل النهارده ايه يا احمد
احمد : مش عارف والله يا نورانا عندي فكره احنا نتمشي شويه بعدين انا هطلع انام عشان تعبان من السفر
نور : بس انا كنت عاوزه اقعدمعاك شويه
احمد : باليل بقى يا نور اناتعبان دلوئت
نور : عندك حق والله اوك وبليل ننزل نخرج ونشوف البلد براحتنا
احمد : اوك يا نور
نور : البحر هنا حلو اوي بكره اكيد ننزله سوا
احمد : باذن الله
نور : يلا نرجع بقي
احمد : يلا
" احمد ونور طلعوا اودهم وهنعرف عملوا ايه باليل "
الحلقه الى جايه بقى
أيا دمعه مقيده باغلال الكبرياء...افتقدتك ..
ففقدت احساسى بكل الاشياء...يا صديقتــى فى لحظــات الحزن والشقــاء ...اشتقـت اليكـــى ..
اشتقـت الى البكــــاء ...البحث على جميع مواضيع العضو Young DeviL
مصراوي مفيش منه
رد: يوميات احمد ونور(الصعيدي والاستايل)
جميله بس ليه كل مره احس ان الحلقه بتقصر ولا ده علشان الاثاره والتشويق
وعلى العموم مستنين الباقى وربنا معاك فى الامتحانات
مصراوي على حق
رد: يوميات احمد ونور(الصعيدي والاستايل)
ربنا معاكي ياشيطونه في الامتحانات بس بلاش تتعبي اعصابنا احنا بنستني الحلقات بفارغ الصبر
Café Dev!l
رد: يوميات احمد ونور(الصعيدي والاستايل)
حاضر من عيوني اهي الحلقه الجديده
الحلقه الثالثه عشر
" احمد ونور طلعوا يستريحوا وهيخرجوا مع بعض بليل "" بعد وقت طويل احمد ونور قابلوا بعض بليل كده بعد المغرب وخرجوا مع بعض و بيتمشو سوا "
احمد : تصدجي يا نور شوفي احنا بجلنا جد ايه مع بعض وانا مش عارف عنك اي حاجه
نور : وانا بردو تصور بص يا سيدي اتكلم انا ولا تتكلم انتا
احمد : لا اتكلمي انتي وانا بعدين اتكلمي ليدز فرست
نور : بص يا سيدي انا اسمي نور عبد الله والدي شغال مدير بنك اوك
نور : والدتي اسمها مش مهم وشغاله في الجامعه
احمد : تصدقي اسم مامتك جامد مش مهم مين لذيذ الي سماها الاسم ده
نور : هههههههه يخربيت عقلك يا احمد اسمع بقه
احمد : ههههههههههههه اتفضلي خلاص مش هتريق
نور : وانا عندي اخت واحده اكبر مني ومسافره مع جوزها فانا اعده في البيت لوحدي مع ماما وبابا وليا اخ صغير كده بس ايه عسل
احمد : ربنا يخلوهملك
نور : انا حكيت اهه اتكلم انت شويه
احمد : بصي يا سيتي انا اسمي احمد الجرجاوي والدي عمده القريه الي عايشين فيها والدتي ست بيت طيبه اوي
نور : ربنا يخلهالك
احمد : ربنا يخليكي وانا عندي اخت صغيره كده بس ايه عفريته موووووووووت
نور : ربنا يخلهالك
احمد : بس قوليلي انتي دخلتي الكليه دي كان نفسك فيها ولا عشان مجموعك
نور : لا انا كان نفسي ادخلها عشان والدي يعني كده
احمد : طويب
نور : وانت دخلتها ليه تلائيك عشان المجموع
احمد : لا والله انا دخلتها عشان كان نفسي اخشها يعني شغلها كتير وفي جميع المجالات
نور : قولي صحيح يا احمد لما تيجي تتجوز ايه مواصفات البنت اللي انت نفسك تتجوزها
احمد : ايه السؤال المحرج ده بس بصي يا سيتي
احمد : اولا لازم تكون مؤدبه جدا وجميله وتكون دمها خيف زيك كده
" نور وشها احمر واخضر وبتكلم نفسها دا كل المواصفات دي فيا وسرحت في كلام احمد بقى "
احمد : وانتي يا نور بتحلمي جوزك يكون ازاي بقى
احمد : نوووووووووووووووووووور انتي رحتي فين ؟
نور : هه معاك ايوه كنت بتقول ايه
احمد : لا انتي كنتي فين يا بنتي سرحتى فى ايه بس بقولك بتحلمي جوزك يكون ازاي
نور : بص لازم يكون بيحبني مووووووت ويكون طيب وجميل ودمه خفيف زيك كده
" احمد بيضحك مع نور "
احمد : تصدجي المواصفات دي فيا كلها يعني انفع ابقي جوزك
نور : ههههههههههههههههههههههه يا بن الايه
" نور اتحرجت و بتحاول تغير الموضوع "
نور : انا نفسي في ايس كريم من دا يا احمد
احمد : من عنيا يا نور
" نور واحمد اتمشو كتير اوي واتكلمو اكتر وراحوا المطعم بتاع الفندق اتعشوا وطلعوا ناموا ""
تاني يوم الصبح احمد ونور فطروا سوا وراحوا البحر "
احمد : ايه يا نور انتي هتنزلي البحر
نور : طبعا يا ابني هو انا جايه هنا عشان اتفرج عليه
احمد : طويب خالي بالك من نفسك
نور : طيب انا بعرف اعوم خالي بالك انتا من نفسك
" احمد علي فكره بيعوم علي اده ""
احمد نزل الميه بقى و سبق نور و هيا لسه هتغير هدومها ايه الى حصل
"احمد : الحقوني الحقوني الحقوني يا نوووووووووووووور بغرق بغرق
نور : ااااااااااااااااااااااااا اااحمد
كفايه كدا بقى وهنعرف حصل ايه المره الجايه باي باي
أيا دمعه مقيده باغلال الكبرياء...افتقدتك ..
ففقدت احساسى بكل الاشياء...يا صديقتــى فى لحظــات الحزن والشقــاء ...اشتقـت اليكـــى ..
اشتقـت الى البكــــاء ...البحث على جميع مواضيع العضو Young DeviL
مؤسسي مصراوي كافيه
رد: يوميات احمد ونور(الصعيدي والاستايل)
كدة الواد هيغرق ياجماعة حد يلحقوا
لسة هنستنى للحلقة الجاية
متابع معاكى يونج
Café Dev!l
رد: يوميات احمد ونور(الصعيدي والاستايل)
انزل الحقه بقي هههههههههههه استني الحلقه الجايه يمكن يموت نورتني ونورت احمد ونور
أيا دمعه مقيده باغلال الكبرياء...افتقدتك ..
ففقدت احساسى بكل الاشياء...يا صديقتــى فى لحظــات الحزن والشقــاء ...اشتقـت اليكـــى ..
اشتقـت الى البكــــاء ...البحث على جميع مواضيع العضو Young DeviL
مصراوي على حق
رد: يوميات احمد ونور(الصعيدي والاستايل)
يلا ياديفل بقي ايه اللي حصل
Café Dev!l
رد: يوميات احمد ونور(الصعيدي والاستايل)
حاضر اهي الحلقه جبتها معايا
----------------
الحلقه الرابعه عشر
" يالهوي انا سايبه احمد دا كله بيغرق ومحدش لحقه دا زمانه مااااااااااات اما نشوف حصله ايه "
احمد : يا نوووووووور الحقيني الحقيني
" واحمد اعد يطبش باديه ورجليه وينزل ويطلع يا عيني يا احمد "
نور : احمد انا جايه اهه امسك نفسك شويه
" يا عيني نور كانت لسه بتغير هدومها مش لحقت نطط في الميه بهدومها "
" وجت عند احمد لسه بتمسكه احمد قعد يضحك ويعوم "
" ونور يا عيني هتعمله ايه وزعلت منه ومشيت زحلانه "
احمد : خدي يا نور انا كنت بهزر معاكي بجد والله خدي بس مش تزعلي
نور : دي حركه تعملها فيا بردو انا قلبي وقع في رجلي اخص عليك يا احمد
احمد : خلاص بقه يا نور المسامح كريم وانتي مش بتزعلي صح انا كنت بهزر معاكى و الله
نور : خلاص يا احمد مش حصل حاجه بس مش تعملها تاني
احمد : اوعدك اني مش هعملها تاني اطلعي بقه غيري هدومك عشان مش تخدي برد والبسي كده اللي علي الحبل وانزلي عشان هعزمك علي غدوه جامده مووووووووت
" نور طلعت غيرت واحمد طلع لبس هو كمان اللي علي الحبل وراحوا فين "
" احمد ونور نزلو وقابلو بعض في الريسبشن "
نور : ايه بقي يا احمد الغدوه الجامده دي و العزومه
احمد : لا دي مفاجاه هتعرفيها دلوقتي
نور : طيب يلا بسرعه عشان انا هموت من الجوع
احمد : اوك يلا تاكسي
" احمد بيوقف تاكسى و راحين سوا "
التاكسى : على فين يا فندم ؟
احمد : مطعم سى فوود
" بعيد عنكوا كده التاكسى خدهم على اكبر محل سمك في شرم "
نور : وااااااااااااو ايه المحل التحفه دا يا احمد
احمد : دي حاجه بسيطه كده عشان اعتزرلك علي الموقف اللي حصل الصبح
" نور بتقول في سرها ياريت تعمل الموقف دا كل يوم "
نور : موقف ايه يا احمد مافيش حاجه حصلت دا يدوب كان قلبي هيقف
احمد : بعد الشر عليكي عشان الخضه دي قولت اغديكي اكله جامده موووووت كده
الجرسون : اوامرك يا فندم تطلب ايه
احمد : بص يا سيدي عايزين ولا جميع انواع السلطات والمخلاات و كمان بقي هات جميع انواع السمك اللي عندكوا ظبطنا يعني ومتنساش الجمبري يعني ظبطنا كده
الجرسون : اي خدمه تانيه يا فندم
احمد : شكرا متنساش اهم حاجه الميه بسرعه
نور : ايه الاكل دا كله يا احمد احنا هنقدر ناكل دا كله
احمد : ان شاء الله هناكلو ده انا بقالي يومين مش باكل الاكل بتاع الفندق ده مش بيشبع خالص
احمد : قوليلي صحيح يا نور عئبال ما يعملوا الاكل انتي مش اتقدملك حد للجواز خطوبه يعني
نور : بيتقدموا والله يا احمد بس انا لسه صغيره مش بفكر في الكلام ده دلوقتي وبعدين انا لسه مش قابلت فارس احلامي يعني لسه شويه
احمد : عملتي خير والله جواز ايه دلوقتي انتي لسه صغيره
نور : وانت مش حاطط عينك علي حد يا احمد
احمد : هههههههههه حاطط عيني علي الطفايه دي
نور : ههههههههه يخربيت عقلك بجد والله بتكلم بجد
احمد : لسه والله يا نور مش قابلت الانسانه اللي بحلم بيها بس يعني في احتمال اني اكون لاقتها قريب
" نور وشها احمر واخضر وضرب الوان و هتموت وتعرف مين دى "
نور : طب ما تقولى مين دى يا احمد
احمد : لا لسه شويه في الوقت المناسب هقولك ان شاء الله
" الجرسون جاب الاكل بقى "
الجرسون : الاكل يا فندم
" احمد ونور اكلوا بالهنا والشفا وشربوا بيبسى واتمشو لغايه باليل ولفوا البلد "
" وفضلو يتكلموا كتير اوي سوا و يحكو لبعض "
" و بعدين الاتنين روحوا وناموا "
" تاني يوم بقه صحيوا ونزلوا فطروا وراحوا البحر "
احمد : صباح الخير يا نور
نور : صباح الخير يا احمد عامل ايه
احمد : المشي بتاع امبارح ده بوظلي رجلي المهم انتي هتنزلي البحر النهارده
نور : اه بس اوعي تعمل حركه امبارح
احمد : لا خلاص عيب مش عنت هعملها
" احمد ونور نزلوا البحر وبيعوموا فاحمد وقف شويه ونور دخلت جوه "
" نور من كتر الارهاق جالها شد و كده فكانت هتغرق و اعده تنده علي احمد واحمد منفضلها "
" فاكرها بتشتغلو و كانت هتغرق بجد "
وووووووووووو هنعرف حصلها ايه الحلقه الى جايه بقى
هههههههههههه نكمل المره الى جايه ان شاء الله
أيا دمعه مقيده باغلال الكبرياء...افتقدتك ..
ففقدت احساسى بكل الاشياء...يا صديقتــى فى لحظــات الحزن والشقــاء ...اشتقـت اليكـــى ..
اشتقـت الى البكــــاء ...البحث على جميع مواضيع العضو Young DeviL
مصراوي شغال
رد: يوميات احمد ونور(الصعيدي والاستايل)
إن شاء الله لحد ما تجيبى الحلقة الجاية تكون العيال غرقت وماتت ولا يبقى فيه أحمد ولا نور
ولا أقولك.... نستنى الحلقة الجاية ونشوف
يمكن يكونوا عايشين
تسلمى على الحلقة الجامدة دى
وشدى حيلك
متابع
Café Dev!l
رد: يوميات احمد ونور(الصعيدي والاستايل)
لا امال لو غرقو مين هيكملها يعني هوريك اهو الي حصل مع الحلقه الجديده اتفضل اهي
--------------------
الحلقه الخامسه عشر
" احنا سيبنا نور بتغرق والحلقه خلصت مش مشكله نكمل بقى "
نور: اااااااااااحمد الحقني يا احمد الحقني بغرق
" احمد فاكر ان نور بتردله المقلب اللي عمله فيا واحمد منفضلها خالص "
احمد : بطلي شغل عيال يا نور انا فاهم الحركات دي واعد يضحك
" بارد اوي احمد ده هو مش بارد هو عامل نفسه ناصح "
نور : الحقوني الحقوني بغرق
" نور بتغرق بجد وعماله يا عيني تطلع وتنزل وتشرب في ميه واتخنقت "
" احمد خد بالو ان الموضوع بجد "
احمد : نوووووووووووور
" احمد عام باقصي سرعه ونور اغم عليها واحمد زعلان اوي راح شيلها و طالع بيها علي الشط "
احمد : نور نور اوعي تسبيني يا نور
" واحمد بيخبط علي صدرها عشان الميه تطلع و بيحاول و مافيش فايده "
" احمد جاب الاسعاف وراح بيها علي المستشفي بسرعه "
" الاسعاف جه خد نور علي المستشفي وهناك عملو الازم و طلعوا الميه ورجعولها التنفس وبقت تمام بس لازم تقعد يومين كده فى المستشفى "
" احمد يا عيني في المستشفي بلبس البحر ودموعه في عينه وبيدعي لنووووور "
احمد : دكتور خير
دكتور : خير يا ابني اتطمن الحمد لله هي بخير و هتبقى كويسه ان شاء الله
" احمد وشه نور من الفرحه شويه و بدا يهدى "
احمد : الف شكر يا دكتور الف شكر ممكن ادخولها
دكتور : ممكن اتفضل
" احمد والدموع مليانه في عينه داخل علي نور وبكل رومانسيه "
احمد : حمد لله علي السلامه يا نور وبيديها ورده
نور : مرسيي يا احمد
احمد : انتي بعد الشر لو كان جرالك حاجه انا كنت هرمي نفسي في البحر و اموت نفسى
نور : بعد الشر متقولش كده انتا برده اللي انقذت حياتي
احمد : انتي اللي ردتيلي حياتي والله يا نور بعد ما طمني الدكتور
" نور وشها احمر شويه و اتكسفت "
نور : مرسيي يا احمد مكنتش فاكره انك هتقلق عليا اوى كده
" احمد اتكسف "
احمد : ولا انا بس انتى شدي حيلك بقي كده وقوميلنا بالسلامه
نور : ان شاء الله يا احمد بس روح انت استريح انت شكلك تعبان اوى
احمد : اسيبك وامشي ازاى مش هقدر خالص وبعدين انا زي الفل اهو مالى
" احمد قعد جمب نور "
" اصحاب نور عرفو اللي حصل جم بسرعه يطمنوا عليها "
ريم : نور حبيبتي الف سلامه اانا مش صدقت والله اول ما قالولي انتي عملى ايه دلوئت
نور : انا الحمد لله كويسه
ريم : الحمد لله
ريم : انا متشكره جدا يا احمد عشان انقذت صحبتي
احمد : علي ايه يا نور ماهي صاحبتنا كلنا بردك
ريم : عنددك حق يا احمد مرسيي اوي بجد
" نور اعدت يومين في المستشفي و احمد كان معاها على طول وبعدين طلعت وكان فاضل يوم واحد بس ويرجعوا "
" احمد وريم وصلوا نور للاوده بتاعتها ونامت وتاني يوم الصبح بقى "
احمد : حمدالله علي السلامه يا نور
نور : الله يسلمك يا احمد والله انا مش عارفه ارد جميلك ده ازاي
احمد : جميل ايه بس هو في بينا جمايل بس علي فكره يا نور لو كان حصلك بعد الشر اي حاجه انا مش كنت هسامح نفسي خالص
نور : متقولش كده يا احمد انت بردو الي انقذت حياتي
" في منظر رومانسي اوى و السما صافيه والبحر ازرق والموسيقي في الفندق شغاله "
احمد : بس يا نور تعرفي وانتي نايمه بتكوني اموره و جميله اوي
" نور وشها احمر وضرب الوان ومش عارفه تقول ايه و اتلخبطت خالص "
نور : مرسيي يا احمد انت الاجمل ولله
" احمد قرب من نور وبص في عنيها "
و
وهنعرف قالوا ايه لبعض الحلقه الجايه ان شاء الله
أيا دمعه مقيده باغلال الكبرياء...افتقدتك ..
ففقدت احساسى بكل الاشياء...يا صديقتــى فى لحظــات الحزن والشقــاء ...اشتقـت اليكـــى ..
اشتقـت الى البكــــاء ...البحث على جميع مواضيع العضو Young DeviL
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
