كاتب مميز
جحا وبيسألونى
فى بلد تشبه بلادنا ذهب جحا بعيدا هناك
وجلس على شاطئ بحيرة راكدة معصوب العينين
تارة يبكى وتارة يضحك
ثم يردد بصوت خافت كأنه يحدث نفسه فكانت تلك الكلمات بعنوان
جحا وبيسألونى
**********
بيسألونى ايه سبب الشكاوى و الصراخ
قلت لأن الفساد كتر وكبر وشاخ وباخ
وناس دايما بتنهب لحد ما جالها انتفاخ
وناس محرومة نسيت طعم اللحمة والفراخ
عرفتم سبب الشكاوى وسبب الصراخ؟
*********
وبيسألونى ليه يا بويا شايل هموم ؟
قلت شايف غنى بيبنى بأسمنت مدعوم
وغلبان فى عشه بيحلم بسقف مخروم
وناس كرهت حياتها وبتبيع الهدوم
وتشترى جاز او تغرق او تشرب سموم
عرفتم ليه ابوكم شايل هموم ؟
************
بيسألونى ليه دمك علطول محروق
قلت غابت الأمانة فزادت بينكم الفروق
وبتضيع على الغلابة كل يوم الحقوق
حتى الفن فى المتاحف مهمل او مسروق
وناس بتمص الدم وبتقطع كمان العروق
والسفينة هتغرق لو زادت الشقوق
عرفتم ليه علطول دمى يا ناس محروق؟
**********
بيسألونى ليه العيشة ما عادت تلذ
قلت رقاصة ملايين بتاخد لما الوسط تهز
وعقود فاسدة لناس عشان تعيش فى عز
وناس بتشتهى سمك وبط او طعم الوز
عرفتم ليه طعم العيشة ما عاد يلذ؟
*********
بيسألوني ليه فى بلدنا عشرة مليون عاطل
قلت السلطة مع المال فى جواز وباطل
وفلان بالروتين بيراوغ وكمان يماطل
ويمضى عقود بسرعة قال القانون عنها باطل
عرفتم ليه فى بلدنا عشرة مليون عاطل؟
********
بيسألونى هتقول ايه للى زيك غلبان
قلت هدعى من قلبى على ابو سليمان
اللى باع اراضينا بالتخصيص زمان
يارب يكون آن خلاص الاوان
وينور السجن مع معارفه كمان
عرفتم هقول ايه للى زيى غلبان؟
********
بتسألونى هتهاجر وتبعد وعننا هتطير
قلت كان نفسى أغرد مع العصافير
بس خلاص أملى أربى ابنى الصغير
وبدعى من قلبى ربى كتير
يحميكى يا بلدى ونكون فيكى تسعين مليون غفير
********
بس اوعوا يا ناس لما تيجوا عليا تهلوا
حتى لو نسيتم طعم الكندوز او البتلو
هوصيكم واقول اوعوا تزهقوا او تملو
كفاية رغيف عيش فى الشاى نبلو
بس ندعى كل فاسد ربنا يهدو ويشلو
وهنشجع المنتخب ونختلف حول عقد جدو
************
كلمات م/ عماد الدين محمد
وآسف للاطالة
فقد قال جحا الكثير وحاولت الاختصار
دمتم جميعا فى اطيب حال
التعديل الأخير تم بواسطة hadede ; 19 - 9 - 2010 الساعة 07:40 PM
عضوه مميزه
بيسألوني ليه فى بلدنا عشرة مليون عاطل
قلت السلطة مع المال فى جواز وباطل
وفلان بالروتين بيراوغ وكمان يماطل
ويمضى عقود بسرعة قال القانون عنها باطل
عرفتم ليه فى بلدنا عشرة مليون عاطل؟
**********
رائعه مثل اخواتها
رغم ما تحمل من بعض المآسى
كل حاجه الأن تقدر تشم فيها رائحة الفساد بوضوح
بس لحد امتى
بارك الله فيك ياعمده
كلماتك بتعبر عما يدور حولنا
ويارب يهد كل فاسد ويهدو
تحياتى
طله
مصراوي مية مية
رائع عماد الدين
==========
حتى لو نسيتم طعم الكندوز او البتلو
هوصيكم واقول اوعوا تزهقوا او تملو
كفاية رغيف عيش فى الشاى نبلو
بس ندعى كل فاسد ربنا يهدو ويشلو
مشرف المنتدى السياسي
كلمات م/ عماد الدين محمد
وآسف للاطالة
فقد قال جحا الكثير وحاولت الاختصار
دمتم جميعا فى اطيب حالكلمات كلها حقيقيه وواقعيه عماد
ولكن ننتظر هذا الكثير من جحا
من الحكايات الجميله العصريه
بالرغم من المأساويه
لكنه كلها حقيقه
بارك الله فيك وحفظك ورعاك شاعرنا الكبير عماد
دمت بود واحترام وتقدير
لا اله الا أنت سبحانك أني كنت من الظالمين
اللهم ارحم
شهداء ثورة 25 يناير
البحث على جميع مواضيع العضو هشام اللول1
كاتب مميز
المشاركة الأصلية كتبت بواسطة طلة القمر
بيسألوني ليه فى بلدنا عشرة مليون عاطل
قلت السلطة مع المال فى جواز وباطل
وفلان بالروتين بيراوغ وكمان يماطل
ويمضى عقود بسرعة قال القانون عنها باطل
عرفتم ليه فى بلدنا عشرة مليون عاطل؟
**********
رائعه مثل اخواتها
رغم ما تحمل من بعض المآسى
كل حاجه الأن تقدر تشم فيها رائحة الفساد بوضوح
بس لحد امتى
بارك الله فيك ياعمده
كلماتك بتعبر عما يدور حولنا
ويارب يهد كل فاسد ويهدو
تحياتى
طله
بارك الله فيك وحفظك ورعاكِ
نعم تحمل الكلمات الكثسر من المآسى ففى كل يوم
نقرأ
مأساة
ونشاهد الكثير
وها هو حكم مدينتى ربما يكون بداية لتصحيح اوضاع جديدة
دمتى فى حفظ الله ورعايته
كاتب مميز
رائع عماد الدين
==========
حتى لو نسيتم طعم الكندوز او البتلو
هوصيكم واقول اوعوا تزهقوا او تملو
كفاية رغيف عيش فى الشاى نبلو
بس ندعى كل فاسد ربنا يهدو ويشلو
بارك الله فيكِ الاخت الفاضلة
لك خالص الشكر على المرور والتشجيع
دمتِ فى حفظ الله متمتعةبالصحة وراحة البال
كاتب مميز
الاخ الفاضل الكريم هشام
تقبل منى
كل الشكر والتقدير على كلماتك الطيبة فى حق كلماتى البسيط
ولكن تكتسب كلماتى بمرور امثالك جمالا ورونقا به افخر واعتز
فيشجعنى على الكتابة
وآسف لتأخر الرد لعطل فى النت مازال مستمرا
واعدك بكتابة البقية اليوم او غدا ان شاء الله
فالى ان نلتقى ودائما
تقبل خالص احترامى وتقديرى
عضوه مميزه
بارك الله لك أخى عماد
وجزاك الله خيراً
فين جحا من زمان
يارب دايماً متألق
كاتب مميز
وبارك الله فيكِ
الاخت الفاضلة مونة
وجزاك الله كل خير
واعاد الله عليك وعلى الاسرة كل الايام
بالخير واليمن والبركات
ولك منى ومن جحا خالص الشكر والتقدير
على المرور والتشجيع
مصراوي على حق
اخى الفاضل عماد
سرد رائع
لحياتنا اللتى
لا تخلو مما ذكرت
بل تزيد
صورت واقعنا الذى نحاول الهرب منه
بصوره نعجز عن التعبير عن جمالها
سلمت يداك اخى الكريم
وادام الله علينا عطائك المتميز
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
