السلام عليكم ورحمة الله وبركاته
........
مش عارف اليوم دا قالب معايا بضحك وحاجات غريبة كدا
مبارك جمع شيخ الازهر والبابا شنوده وقالهم انا جمعتكم النهارده علشان اقولكم ان ابنى جمال هيبقى رئيس مصر سنه 2011 قام البابا شنوده وقال اللهم صلى ع النبى
شيخ الازهر قاله انت كده اسلمت ياشنوده ؟
شنوده قاله ماهى حاجه تخلى الواحد يطلع عن دينه
بصراحة يا جماعة رغم كل أماني الشعب المصري انه نفسه يغير عشان يتغير وانا اولهم
إلا أن المراكب كلها تسير نحو جمال مبارك لأن يكون رئيسا جديدا بعد والده ولو بالتزوير وكالعادة هنهيص شوية وهنسكت
وعلى رأى أحمد نجم : حتقبل ححبك حترفض هلبك ...هتنزل هتطلع هجبلك جمال
مرة الريس عايز يزود شعبيته فقال لرئيس الوزراء يعلي
الأسعار فالناس تتضايق يقوم هو ينزلها، فعلا رئيس الوزراء زود
الأسعار، بس الناس ما اتكلمتش، عادي خالص،
الريس استغرب قوي، وقاله: طب خلي الضرايب على المرتبات خمسين للمية.
زود رئيس الوزراء الضرايب خمسين فى المية، الناس هزت دماغها وسكتت.
الريس اتجنن وقال لرئيس الوزرا بص، طلع أي قرار غشيم من عندك يخلي
البلد تولع، رئيس الوزرا عمل ضريبة اللي يعدي كوبري يدفع عشرة جنيه،
الناس نفخت و ضربت كف بكف ودفعوا،
فقام رئيس الوزرا خلى اللي يعدي يدفع عشرة جنيه وهو طالع، وعشرة
جنيه وهو نازل من الناحية التانية، الناس قالت اللهم طولك يا روح و
أمرنا لله و دفعوا.
رئيس الوزرا كبرت فى دماغه، وأمر إن اللي يعدي بعد ما يدفع عشرة جنيه،
و هو خارج من الكوبري ياخد على قفاه، و نزل الريس بنفسه متنكر يتابع
الموقف، الناس تدفع وهية طالعة الكوبري عشرة جنيه، و عشرة جنيه
و هية
نازلة و تاخد على قفاها وتمشي،
شوية و لقى واحد بيزعق و متضايق، وطى على ودنه قال له "مالك؟" قال له
"حاجة تقرف! أنا متعطل هنا بقالي خمس ساعات..ما ينفعش كدة ..لازم
يزودوا الناس اللي بتدينا على قفانا
هههههههه
اللى ضحكنى النهاردا أول ما فتحت الصحف وببص لقيت
ان محى الدين قدم استقالة والريس متقال قبلها
وقال لرشيد امسك الاستثمار معاك بالمرة
امسك ياعم رشيد ما هو فى مثل بيقؤلك " ضربوا الأعور على عينه على خسرانة خسرانة "
إمسك يا عم رشيد ....
رد مع اقتباس
