يا ترى إنت بتدق كام مسمار فى اليــــوم ؟؟؟؟

[A7med elsayed]

أول حاجة تعملوها لازم تردوا الســـلام ... ماشى

مش هطول وهدخل فى الموضوع علطول أصله بصراحة مضايقنى جدا جدا

الشعب المصري ... بيمتاز عن بقية الشعوب ودى انا شوفتها بأم عينى أه والله بأبو عينى كمــان
شعب طيب جدا

بس كمان بيمتـــاز عن بقية الشعوب بالعصبية
ودى النقطة اللى هتكلم فيها

أتحداك سواء ولد أو بنت مصريين كلمتهم :
عادة نفسك تتخلص منها ؟؟
أيه أسوأ عيوبك ؟؟

يقؤلك
.... العصبية ...


أنا نفســـى كمصري طبعا ساعات بعاني من المشكلة دي
ولو إستخدمت أسلوب
" خليك هـــاااااااادي "



بردو بتلاقيك متغاظ ومش قادرأًصلك مصرى ونفسك تتكلم
السودانيين سبحان الله فى طبعهم هدوء تام يصل لدرجة البرود


المهم سبنا من العصبية المشكلة الأكبر بجد هى رد الفعل اللى بعد العصبية
ساعات فعلا بيبقى جارح جدا

بجد بيبقى جارح جدا وفى ناس بتقول كلام ومش عارفة بتقول أيه

وبعدها نيجى ونعتذر



وتلاقينا بسهولة جدا نقول


طيب شوف القصة دى كدا :
كان هناك شاب عصبي و كان يـفـقد صوابه بشكل مستمر

فـأحضر له والده
كيساً مملوءاً بالمسامير و قال له: يا بني أريدك أن تـدق مسمارا في سور
حديقتنا كلما اجتاحتك موجة من الغضب وفقدت اعصابك


و لكن إدخال المسمار في السور لم يكن سهلا فبدأ يحاول
وهكذا بدأ الشاب بتـنـفـيـذ طلب والده ..فدق في اليوم الأول 37 مسماراً واليوم التالى بدأ
يتمالك نـفسه عـنـد الغضب فدق أقل
..
و بعـد مرور أيام كان يدق مسامير أقـل
..
و بعـدها بأسابـيـع تمكن من ضـبـط نـفـسه.. وتوقف عن الغضب وعن دق المسامير

فجاء إلى والده و أخبره بإنجازه فـفـرح الأب بهذا التحول و قال له: ولكن عليك يا بني باستخراج مسمار لكل يوم لا تـغـضـب فيه

و بدأ الشاب من جديد بخلع المسامير في اليوم الذي لا يـغضب فيه حتى انـتـهـى من كل المسامير في سور الحديقة

وجاء
والده و أخبره بإنجازه مرة أخرى فأخذه إلى السور و قال له: يا بني انك
صـنـعـت حـسـناً.. ولكن انـظـر الآن الى تلك الثقوب في سور الحديقة ، هذا
السور لن يكون كما كان أبداً

وأضاف: عـنـدما تقول أشياء في حالة غـضـب فإنها تـتـرك آثار مـثـل هذه الثـقـوب في نفوس الآخرين




ان كلمة آسف ولا شك
لها مفعول طيب وتخفف كثيرا من الألام وهي ضروريه .. ولكن
ولكن الجـرح سـيـظل هـناك
لذا يا أخي ويا أختى لاتغضب وان غضبت فتروى قبل ان تقدم على قول او فعل ما لأن الندم بعد ذلك لاينفع

فما فائدة إعتذارك لشخص طعنته فجرحت قلبه
ولو سامحك
سيظل قلبه مجروحا


بجد كلنا محتاجين نقف وقفة صغيرة جدا قبل ما نقول أى كلام ممكن يجرح أقرب الناس لينا
قبل ما تقول لوالدك أو والدتك أى كلمة فكر فيها
قبل ما تقول لصاحبك فكر بردو

معلش بقى طولت عليكم
يالله السلام عليكم ورحمة الله وبركاته

[دره]

وعليكم السلام ورحمه الله وبركاته
ردينا السلام اهو
انت صح والله يا احمد فعلا العصبيه وطيبه القلب حاجه جوا مصريين كتير
لكن بصراحه الاعتذار مش بنفس نسبه العصبيه
وده بقى اللى معصبنى
هههههههههههههههههه
بس بجد والله قصتك جميله ومعناها جميل جدا
بس للاسف انا لازم ادقلى مسمارين تلاته فى اليوم
اتمنى والله اتخلص من العصبيه
بس زى امى ما بتقول
الصبر الصبر الصبر
معلش بقى طولت عليك
موضوعك رااااائع

[thesniper_12007]

أيه الجمال ده يا أحمد والله يا أخي استاذ بصراحه انا اول ما قريت العنوان ماشدنيش وبعدين قلت ادخل لقيت الموضوع جامد بجد

ارفع القبعه

تقبل تحياتي
لك خالص ودي وتقديري واحترامي

[** همسة **]

وعليكم السلام ورحمة الله وبركاته


والله عندك حق فى كل كلمة انت قولتلها وللاسف كلمة الاعتذار مش بتداوى الجرح ممكن تخلينا نسامح ونعزر لكن الجرح بياخد وقت على ما يتداوى

وعشان كدة الافضل اننا نحاول نتمالك نفسنا شوية زى ما الرسول الكريم قال فى الحديث ما معناه خيركم من تمالك نفسه عند الغضب واسهل طريق هى الوضوء والصلاة لانها بتتقل من مفعول الغضب وبالتالى رد الفعل

تسلم ايدك على الموضوع المهم

[ميره]

وعليكم السلام ورحمت الله وبركاته
بجد الموضوع جميل اوى بس انابئا
بكتم عصبيتى فى نفسى ولما بكون متعصبه مش
بتكلام مع حد عشان مش يزعلا منى فبيكون سكوتى
احسن حتى وكمان لزم الوحد يصبر على الى ادامه
بس بجد كلامك جميل والله يابنى انت استاذ تحياتى ليك يا باشا