(اكتر سؤال فكرت فيه ونفسي حد يجاوبني عليه::اذا كان له جواب))
رد مع اقتباس
السلام عليكم ورحمة الله وبركاته
اولا احب ان اسجل اعجابى بالتوبيك الجميل ده
ثانياً اوجه تحيه طيبه عطره للاخت شروق
صاحبة الفكره
وبعد الحمد لله والصلاة والسلام على رسول الله
صلى الله عليه وسلم
احب ان اقول
وليفهم الجميع ان اجاباتى لا تعبر سوى عن وجهة نظرى
لماذا نخشى الحب ونخجل منه ولا نخجل من الكره؟
اولاً السوال اذا كان بصفة الجمع اى مطبق على الجميع فهو غلط بكل المقاييس
لان ليس كل الناس تخجل من الحب ولا تخشاه فنحن من يجرى وراء الحب سنوات وسنوات لكى نلقاه
وعندما نجده سوف نقولها للعالم اجمع اننا نحب
او نقولها لمن نحب
او على الاقل نعلم اصدقائنا اننا نحب
ولاكن سيدتى هناك بعض الناس الذين يخشون الحب
والسبب مؤكد انهم يخشون المرور بتجربة الحب مره اخرى بعد ان مرو بتجربه وقد عانوا من ويلات الفراق
او ضياع الحب الاول
فقد لهذا نخشى الحب
والخجل فى الحب دائماً يكون من جانب الانثى والقليل من جانب الرجل
ولا تنسى اننا بمجتمع شرقى
2 _ليه بنقول انا بكره فلان ؟ ومش بنقول انا بحب فلان؟
والله دى تختلف من شخص لاخر حسب تركيبته وشخصيته
بس النسبه الاكبر صريحه وبتقول انا بحب ....وانا بكره
3_ليه قالوا ان محدش بينجرح اوى الا اللى حب اوى؟
عارفه ليه لان الحب شىء فريد يمتلك الجسد بكامله وقد اخطاء من قال انه يمتلك القلب فقد
واسئلى اطباء اوربا لما قامو بعملية زراعة قلب ونجحت لقيو المريض لسه بيحب نفس الاشخاص وبيكره نفس الاشخاص
مع ان ده مش قلبوا وقلب شخص تانى
على العموم جرح الحب جرح نفسى وليس عضوى وهنا الخطوره فنزيف الجرح لا يمكن ان يتوقف
والالمه لا يوجد لها مسكن ولا شفاء سوى الايام ومن نعمه الله علينا اننا ننسى بمرور الايام جراحنا
4_ليه قالوا الحب جنون؟
انا بقلك لو فيه فوق الجنون حاجه يبقى الحب
عارفه ليه
علشان احنا لما نحب مش بنشوف اى حاجه فى الحبيب غير صفاته الحميده
ولو شفنا منه حاجه غير حميده مش هنحس بيها
دائماً نرى فى المحبوب الكمال ولا نرى فيه العيوب
5_ليه احياناً يكون الصمت ابلغ من الكلام؟ وليه الصمت لغة الاذكياء؟وهو ابلغ لغات العالم
عن فكرا اذا كان سوالك مرتبط بموضوع الحب
فمن وجهة نظرى ان الصمت هو بداية الحب ومن لا يحس بالحب حينما يبتدء صامت لن يعرف الحب ابداً
واقول الصمت هو قاتل الحب اذا حدث واحببنا فلابد الا يكون هناك صمت فالكلام فى الحب هو ماءه الذى يرويه
وهو ادواته التى تجمله وتحييه
اما اذا كان الصمت فى الامور العاديه فهذا سيدتى حسب الموقف فبعض المواقف يكون من الذكاء ان نصمت
ولا نتحدث وبعضها يكون للكلام حلول ومغزى اخر والذكى هو من يعرف الوقت الذى لابد ان يصمت فيه
والوقت الذى لابد ان يتحدث فيه
6_ليه لما بنشوف اشخاص لاول مره بنحبهم؟
والله انتى هتدخلينا فى حجات علم نفس وانا مش قدها لانى مش دارس
بس من وجهتى نظرى هو توافق ارواح
وطبيعه خلقها سبحانه فى داخلنا
7_بس ليه لما بنحبهم نخاف نقلهم؟
والله كتير بيبوح بما فى داخله من مشاعر وبيقول ومش بيخاف
وكتير بيستنى شويه لحد ما يتاكد
وشويه قليلين وكلهم بنات طبعاً بيستنى الراجل هو اللى يبداء
ومككن يبقى الخوف هنا من عدم التاكد من الشخص الاخر بمعنى انه بيخاف يتكلم يضيع الحب منوا لما يعرف ان الشخص الاخر مرتبط بمشاعره بحد تانى مثلاً
او الشخص اصلا خجول فى كل اموره وميقدرش يقول كل اللى جواه
8_الاجابه موجوده فى 7
9_ليه الناس والمجتمع حرمو الحب وخلوه عيب علماً بان الله لم يحرمه ولم يذكره لرسوله؟
والله احنا فى مجتمع شرقى لينا عادات وتقاليد ومش كل المجتمع الشرقى بيحرم ده
ولاكن حسب الطبقات يعنى شوفى الاغنياء كتير بيقول الحب مش حرام بيعيشوا عادى
لاكن مفيش حد من جواه محرم الحب سوى فقير او غنى بس هناك طريق واحد للحب بمجتمعنا
اظن الطريق ده معروف هو طريق الشرع والجواز
اما عن الاشاره فى القران او الاحاديث فانا غير متخصص ومش هفتى
بس يا اختى الحلال بين والحرام بين
والحب والخروجات وكلام الهيام والعشق واثارة الشهوات من هذا الكلام اظن انه حرام والله اعلم
10_هل من الممكن ان يعيش الانسان ويموت بدون حب؟
هههههههههههههههههه
سوال غريب بجد
بس اجابته سهله جداً
هو فيه طفل صغير محبش والدته او والده او اخوه او اصحابه
ما اظنش
طيب هتقوليلى انا بتكلم عن حب بمعنى حب راجل لست
او انثى للرجل
برضو هقلك مستحيل يكون مفيش حد محبش الحب من النوع ده
حتى لو مأبحش بيه او مصرحش بيه
والا يكون انسان غير سوى بمعنى انوا اتولد مريض ومات مريض
على ما اعتقد حتى المجانين بيحبوا
والا مكانش هناك اى احد قدر يسيطر عليه
ده من وجهة نظرى
11_ ليه سعات بنتعلق بحبال دايبه واحنا عارفين انها مش هتنقذنا بس بنوهم نفسنا؟
انتى تعرفى احلام اليقظه
هبسطهالك يعنى واحد بيحب واحده ولظروف مش قادر يقلها او عارف انها مرتبطه بس هو بيحبها
فبيحاول يعوض ده باحلام اليقظه ودى زى الاحبال الدايبه هو عارف انها مش هتحبه فى يوم بس بيمنى النفس
انها فى يوم هتحبوا وتنقذوا من عذابوا
ولعلمك اوقات وهم الحب بالطريقه دى بيكون اجمل من الحب نفسه
لاننا بنحلم حلم افلاطونى ونرسم حلمنا بالوانا احنا ونعيشوا بطريقتنا
علشان كدا بنوهم نفسنا بالحب وبنعيشوا
12_ليه انا مش لاقيه جواب للاسئله دى ولا انتوا هتلاقوا
انا لا اعتقد انك لا تجدى اجوبه لاسئلتك فبداخلك الاجوبه وفقد انتى غير متفهمه او محاوله منكى للهروب من واقع
او على الاقل اجوبتك انتى غير راضيه عنها
اما بالنسبالنا فاسئلتك منطقيه لانها بداخل كل واحد مننا وعاملين زيك مش عايزين نفهم ان الواقع هو المتحكم الاول
والاخير فينا هو القدر مهما بعدنا با فكارنا لا نجد ملجاء سواه
واخيراً اتمنى انى مكنش ديقتك باجاباتى
واتمنى انى اكون ضيف خفيف عليكم هنا
وليعلم الجميع انها وجهة نظرى لا اكثر
دومتى بكل الحب والسعاده
لكى منى اطيب الامنيات
وبالتوفيق
محسن البدراوى
قهوتنا على الانترنت
