كلمت بحبك

**شروق شريف** · 30 - 9 - 2010, 05:03 PM

كلمه بحبك هى كلمه قولتهالى

من كلمه وحده قليى طار منى فى ثوانى

كلمه بحبك هى كلمه انا عشت ليها

وفضلت احلم يجى قلبك ويناديها

سحر الكواكب والنجوم وكمان بحورها

مايساوى كلمه كل يوم بشتاق اليها

وانا من بعيد ياحبيبى شايفك من قبل قلبك مايناديلى

ويجيلى يوم ويقولى حبى

فى عنيك كلام نفسك تقوله

من جوة قلبى بنادى ليك

انت حبيبى دى كلمه باينه

من كل كلمه وكل نظرة

كان نفسى اقولها من زمان

بس الحقيقه دى كلمه صعبه

واصعب حقيقى

لو حبيبك كان حقيقى

هتشوف كلامك مش بيخرج من لسانك

وانت ياقلبى عاوز تقولها

هتحس تانى بخوف ورعشه

بس الحقيقه اجمل كلامك * كلمه بحبك لما جتلى وقلتهالى

**شروق شريف** · 3 - 10 - 2010, 08:37 PM

الموضوع مش حلو ولا ايه

**thesniper_12007** · 4 - 10 - 2010, 01:38 PM

المشاركة الأصلية كتبت بواسطة شروق شريف

الموضوع مش حلو ولا ايه

كلمة بحبك
عندي عيد لما تقوليها
ترسم البهجه في كياني
من حنان قلبك
وسحر النبض فيها
تخلق الدنيا ف عنيا شكل تاني
كل مرة بحس بيها
وف خيالي مش ناسيها
هي صعبه
هي كلمة مش حروف
هي كلمة زي درع
يحمي ديما م الظروف
حب غالي
بس من كتر المحبه
تحسي انه كله خوف
حس نبض ف قلبي فارد
خلى فكري مني شارد
خلى دمي فيا يغلي
رغم ان ناس كتير
بتقول عليا اني بارد
حاجه تخلق مني مارد
كلمة رغم في قولها سهله
كلمه فيها الدنيا تحلى
هتقوليها
نبقى يلا بدينا رحله
رحله فيها الكون دا لينا
رحله فيها الشوق مالينا
والفرح مالي عنينا
وفرح الدنيا كله لينا
ياااااه
على كلمة بحبك
كلمة جوا مني تسري
وف دمايا في الوريد
كلمة خلقت جوا مني شوق جديد
كلمة خلتني احبك
وادينا أيد ف أيد
تقبلي تقوليها ليا؟
انا حبك
دا الأكيد

جميله قصيدتك يا شروق بس حاولت تضبطي الموسيقى شوية وإن شاء الله إنتي على أول الطريق وقدامك المزيد وإن شاء الله دوما للأمام
تقبلي تحياتي
لك خالص ودي وتقديري واحترامي

**msrawy** · 5 - 10 - 2010, 04:22 PM

جميله اوى فى انتظار جديدك

**شروق شريف** · 5 - 10 - 2010, 09:03 PM

مرسي على مرورك الجميل يا مصراوي

**محمد أبراهيم** · 6 - 10 - 2010, 03:41 PM

شروق شريف
ابتسم
القمر لرووعة
ماكتبت
وهمست الشمس
لجمالـ مارسمت
وتدفق قلمي
لعلمه
بروووعة ماتصفحت
باقات
من الورود
معطره
بمداد قلمك
وريحين من الياسمين
مغلفة بورودي
اهديها
الى متصفحك
الراقي

**شروق شريف** · 6 - 10 - 2010, 08:17 PM

تعجز كلماتي يا فارس الكلمة امام ماتكتب
من كلمات تجذب العيون و تدخل القلوب
اشكرك يا من سميت اسماً على مسمى
فارس الكلمة

الموضوع: كلمت بحبك

أدوات الموضوع

كلمت بحبك

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة