قصيدة أخر زمن لأبو القوافي شاعر قمة في الروعه

[thesniper_12007]

الحقْ يا عايشْ حلم عمرك وببلاش من غير تمن

بس تبقى مصيبة سودا

لو ف حلمك رحت تعشق وِحْشَهْ بوَّرها الزمن

واللا تهتك ستر حلمك يوم وترجع لاجل ما تعيش في الوطن
ونصيحتي ليك . اقفل عليك
واياك ف حلمك تدّي فرصة مرَّه تتسرب لحلمك ريح عَفَنْ
واحلم وعيش من قبل ما الدستور يطلّع مادة في غفلة زمن
وتلاقي حلمك .. زيّ علمك .. جوه فاترينة نجاسة بيترهن

قابل وشوش .. من غير رتوش .. واقتل وحوش

كَبَسِتْ عليك خلِّتْ حياتك توب مرقّعبالشجن

فصَّل بلاد .. ما فيهاش عباد
داست براءة طفل طالع سِلِّم الحلم البريء اللي اندفن
من غير ذنوب مطلوب يتوب عن ذنب مصلوب ع المِحَنْ
فقد الرجولة قبل ما يسيب الكافولة ويتختن
آخر زمن

[نور الحرف]

آخر زمن
ماإحنا صحيح
أخرزمن
عايشين بندفع التمن
تمن البعاد
ورب العباد
فى كل كلمة
من الكتاب
الكل مخلوق للحساب
حتى رسوله
م الكلاب بيُمْتَهن
****
أخر زمن
وعملنا إيه
لما الغرب هاج عليه
بكلمة ولا صورة ليه
إتْهانَّا ليه وهُنَّا ليه
ده دينَّا ده
لكل أوقات الزمن
****
أخر زمن
والمسلمين
فى كل الدنيا
موجودين
مش بالألاف
بالملايين
كتير كتير
مترفَّهِين
ونقول جهاد
ييجى الوهن
وأخر زمن

شكراً أخى إكرام

وعودة حميدة

تقبل خربشاتى المتواضعة تتواصل مع رقيق مانقلت واصطفيت

تقبل تقديرى وإحترامى

نور العيون

[thesniper_12007]

آخر زمن
ماإحنا صحيح
أخرزمن
عايشين بندفع التمن
تمن البعاد
ورب العباد
فى كل كلمة
من الكتاب
الكل مخلوق للحساب
حتى رسوله
م الكلاب بيُمْتَهن
****
أخر زمن
وعملنا إيه
لما الغرب هاج عليه
بكلمة ولا صورة ليه
إتْهانَّا ليه وهُنَّا ليه
ده دينَّا ده
لكل أوقات الزمن
****
أخر زمن
والمسلمين
فى كل الدنيا
موجودين
مش بالألاف
بالملايين
كتير كتير
مترفَّهِين
ونقول جهاد
ييجى الوهن
وأخر زمن

شكراً أخى إكرام

وعودة حميدة

تقبل خربشاتى المتواضعة تتواصل مع رقيق مانقلت واصطفيت

تقبل تقديرى وإحترامى

نور العيون

أشكرك نور على مرورك الطيب الكريم وخربشاتك بالنسبة لك خرايط بالنسبة لنا وصدقيني كلماتك قمة في الروعه أداءك الحسي واللغوي والبياني عالي
لك مني كل التقدير والإحترام
تقبلي تحياتي
لك خالص ودي وتقديري واحترامي

[اميره بلا وطن]

طيب ماقال آخر زمن
معقول يكون فعلا ياناس آخر زمن
يانهار ماطالعاله شموس
ياضعف ساكن فى النفوس
ياليل أسير من غير تمن
معقول يكون آخر زمن؟؟
تبكى الصبايا بحزنهم
ورجال بتبكى دموع كثيره ف سرهم
والدنيا واقفه مطلّعه مليون لسان
ياخلق فين راح الأمان
ولاّ ماعادش حد خالص يؤتمن
معلش ماهو آخر زمن



رااااائع الشاعر ده بجد
كلماته جميله جدا
وجايه على الجرح كمان جدااا
تسلم يااكرام

[thesniper_12007]

والله اه اخر زمن
زمن العفن
زمن العطن
زمن اندفن من غير كفن
زمن جبان والكل ساير
زي اللي مربوط في السواقي وبيها داير
زمنا متعبي ف شكاير
زمن اللي فاكر نفسه راجل
بس باير
وبنته بايره
ومراته حتى أم ولده
برضه بايره
اه يا زمن المعايره
اه يا زمن الميزان
اللي فيه كفه جايره
والرجوله فينا حايره
والعروق جوانا بارده
طول عمرنا افكارنا شارده
وجسمنا من العذاب
بقينا خرده
اه يا زمن الأباتشي
زمن اللي خلف ما ماتشي
زمن اللي مستني العلاوه
مره تيجي سنين ماجاتشي
زمن كبير مالهش لزمه
والصغيّر زي حزمه
ايد تشيل وايد تحط
زي مانكون احنا جزمه
زمن اللي بيسبو الرسول
زمن القلوب الميته جوا الفصول
اه الفصول الأربعه
جوانا نخوه باركه بالأربعه
وبأديها مربعه
احاسيسنا بارده إزاي نثور
كل اللي قال لا للصهاينه
مستني دورة في الطابور
كل اللي جواه اتنفض لسب الرسول
مستني رشه ببيرسول
مستني ايه من امه ضاربها العفن
طعم الشهامه تشم فيه ريحه الوهن
فينا الرجوله صابها العطن
وزي ما قال ابو القوافي

(فقد الرجولة قبل الكافولة ويتختن)

اه يا زمن

والله اه اخر زمن

[thesniper_12007]

طيب ماقال آخر زمن
معقول يكون فعلا ياناس آخر زمن
يانهار ماطالعاله شموس
ياضعف ساكن فى النفوس
ياليل أسير من غير تمن
معقول يكون آخر زمن؟؟
تبكى الصبايا بحزنهم
ورجال بتبكى دموع كثيره ف سرهم
والدنيا واقفه مطلّعه مليون لسان
ياخلق فين راح الأمان
ولاّ ماعادش حد خالص يؤتمن
معلش ماهو آخر زمن



رااااائع الشاعر ده بجد
كلماته جميله جدا
وجايه على الجرح كمان جدااا
تسلم يااكرام

أشكرك يا اميرة على شعورك النبيل ومرورك الطيب الكريم وردك الجميل
تقبلي تحياتي
لك خالص ودي وتقديري واحترامي

[اميره بلا وطن]

خلاص خلاص آخر زمن
والكل عايش فى المحن
لكن مادمنا فى الزمن لازم نقاوم للأبد
ونرد غيبة حد طاهر حتى قبل مايتولد
انسان شريف
وزمن عفيف كان وقتها غير الزمن
ليه الرسول سبوه كدا
واحنا رضينا بكل دا
والله إحنا مانؤتمن
دا يبقى هو بجد دا آخر زمن
فين الشهامه وعزنا
ليه ارتضينا بذلنا
بقينا ليه زى ال.... بقيود حديد على أرضنا؟
فين الكلام ..راح الكلام
الحرب قامت جوا فى بيوتنا هنا
والعقل رافض حتى ليلنا وقال هيبقى ضدنا
ياحسرة على كل اللى فات من وقتنا
وكل اللى جاى من عمرنا
لو لسه فيه لينا تمن
فعلا خلاص آخر زمن

[thesniper_12007]

والله صح ما ئؤتمن
ضعنا وضاع معنا التمن
وروحنا صيباها العطن
مش احنا اهوه اخر زمن

زمان شباب كلها(أكلها) السواد
مافيش نخوة ورب العباد
لإن الدين جوانا ضاع
وكل همه يشوف سعاد
ويعيش حياته في السهاد
هيعمل ايه لو في الجهاد
مافيش رجوله مافيش وطن
وعزمنا فينا اندفن
من غير كفن

[اميره بلا وطن]

والله صح ما ئؤتمن
ضعنا وضاع معنا التمن
وروحنا صيباها العطن
مش احنا اهوه اخر زمن

زمان شباب كلها(أكلها) السواد
مافيش نخوة ورب العباد
لإن الدين جوانا ضاع
وكل همه يشوف سعاد
ويعيش حياته في السهاد
هيعمل ايه لو في الجهاد
مافيش رجوله مافيش وطن
وعزمنا فينا اندفن
من غير كفن

الكل غافل بس بتنادى لمين
ونجيب كلام يوصف شعورنا ده منين؟
على رأيك الواد انشغل
بالحب والشوق والهبل
والدنيا تنحط وتنشال واحنا النايمين
آآآآآآآآآآآآآه يازمن

[thesniper_12007]

الكل غافل بس بتنادى لمين
ونجيب كلام يوصف شعورنا ده منين؟
على رأيك الواد انشغل
بالحب والشوق والهبل
والدنيا تنحط وتنشال واحنا النايمين
آآآآآآآآآآآآآه يازمن

يا ريته غافل بس عاقل
اللي فارسني انه جاهل
ما يعرف اللي يريحه
أو يتعبه
كل همه ازاي يجيب
اللي يضيع عقله هوه ويذهبه
دا مذهبه
عايش دماغ
لو مرة فكرنا نوزنه
الميه منه بقرش صاغ
ما احنا خلاص اخر زمن
زمن الهبل
زمن اللباطه
زمن اللي سايقين العباطه
ما احنا خلاص اخر زمن
ياااااااااه
على اخر الزمن