الدين لله و الوطن للجميع ( كلنا مصريين )

[عفريت أفندى]

الدين لله و الوطن للجميع







شيء مستفز لما تبقى صفحة من اكبر الصفحات الدنيا وتدعو للفتنة بين المسلمين والمسيحيين ده شيء مؤسف مش بس مستفز


علاقتنا
بربنا دي حاجة شخصية بين العبد وربه مش من حق أي حد يتدخل فيها ... أنا
مالي مسلم ولا مسيحي اللي يهمني ده إنسان كويس أو لأ ... لإن ببساطة زي
مافي متطرفين في المسيحين في متطرفين مسلمين حد يقدر ينكر؟؟؟؟؟؟؟؟؟؟؟...


خلاص
البلد دي ما بقاش حد يحسد فيها حاجة الناس ومش لاقية تاكل... عظمة جدودنا
واللي وصلوله في العلم زمان .... دلوقتي بقينا في المؤخرة والكل أحسن مننا الاثار بقت مترمية في كل حتة وكل متحف بره


كل
اللي فاضلنا هي وحدتنا وتمسكنا ببعض اللي بيحاولوا يدمروها دي الحاجة اللي
باقيالنا ودي بقى لا بأيد حكومة ولا رئيس ده في ادينا احنا

لا للفتنة لا للفتنة لا للفتنة

كلمتين صغيرين بس عجبونى حبيت أنقلهم و أشارك الجميع بيهم

دمتم بود

[براكودا]

في ناس المشاكل والفتن عندهم سبوبة بياكلوا من وراها عيش
من مشكلة صغيرة ممكن يولعوا بيها الدنيا
ولكن ترابطنا كمصريين اقوى واشد ولو كل واحد عمل بدينه صح مش هيبقى في مشاكل خالص.

بسم الله الرحمن الرحيم
" لتجدن اشد الناس عداوة للذين ءامنوا اليهود والذين اشركوا ولتجدن اقربهم مودة للذين ءامنوا الذين قالوا انا نصارى وذلك بان منهم قسيسين ورهبانا وانهم لا يستكبرون. "
صدق الله العظيم

تسلم وليد على الموضوع

[عفريت أفندى]

في ناس المشاكل والفتن عندهم سبوبة بياكلوا من وراها عيش
من مشكلة صغيرة ممكن يولعوا بيها الدنيا
ولكن ترابطنا كمصريين اقوى واشد ولو كل واحد عمل بدينه صح مش هيبقى في مشاكل خالص.

بسم الله الرحمن الرحيم
" لتجدن اشد الناس عداوة للذين ءامنوا اليهود والذين اشركوا ولتجدن اقربهم مودة للذين ءامنوا الذين قالوا انا نصارى وذلك بان منهم قسيسين ورهبانا وانهم لا يستكبرون. "
صدق الله العظيم

تسلم وليد على الموضوع

أؤيد كل كلامك يا براكودا

عندك حق

ربنا يحفظ مصر و يألف بين قلوب مسلمينها و أقباطها

بالنسبة لصورة العفريت اللى كنت طلبتها منى

للأسف الصوره الأصليه اللى بدون وميض مش لاقيها

لو عاوز اللى انا حاطتها قول ماتغلاش عليك يا كبير

[براكودا]

ولا يهمك يا كبير
تسلملي

[هشام اللول1]

موضوع مهم يا وليد
واشكرك علي الموضوع واشكر بركودا علي رده الجميل

وفعلا احنا المصريين مسلمين ومسيحين عمر ما كان في بينا اي فتنه
لانه تاريخنا واحد مشترك ومفيش افضليه لحد
وايام سعد زغلول كان الرمز الهلال والصليب
وفي النكسه كان المسيحين والمسلمين بيبكوا علي مصر
وفي 6 اكتوبر كانوا بيحاربوا جنب بعض
وفي ايام مبارك المسيحين والمسلمين متضررين زي بعض

ربنا يستر يارب

بارك الله فيك وحفظك ورعاك وليد

[ايسل]

دائما ما تبهرنى حكيم

انا هكلم زى محمود سعد ما اتكلم امبارح

مالكم يامصريين ايه بيحصلكم يعنى ايه فتنه وفين فيكى يامصر مسيحين ومسلمين
احنا اهل واخوه طيب اللى بيشعللوا الفتنه نسيوا ان احنا نسايب هو مش اسلامنا بردوا بيسمح للمسلم بزواج المسيحيه يعنى فى اسر مسلمه ومسيحيه نسايب يعنى فى وسطنا واحد مسلم بيقول لواحد مسيحى ياجدو وواحد مسيحى يا خالو بتفرقوا بينا ليه عايزين ايه

وكمان هقول يامصريين اوعى من احوالكم والظروف اللى بتمر بيها البلد تطلعوا غضبكم على بعض احنا اخوه ولو فى حد غلط فى دين لازم يتحاسب بس نكره بعض ونعادى بعض لالالالالالالالالالالالال الالالا والف لا
ربنا يهدينا ويبعد عن الفتنه يارب ونفضل فى تماسك ومحبه

شكرا حكيم

[عفريت أفندى]

موضوع مهم يا وليد
واشكرك علي الموضوع واشكر بركودا علي رده الجميل

وفعلا احنا المصريين مسلمين ومسيحين عمر ما كان في بينا اي فتنه
لانه تاريخنا واحد مشترك ومفيش افضليه لحد
وايام سعد زغلول كان الرمز الهلال والصليب
وفي النكسه كان المسيحين والمسلمين بيبكوا علي مصر
وفي 6 اكتوبر كانوا بيحاربوا جنب بعض
وفي ايام مبارك المسيحين والمسلمين متضررين زي بعض

ربنا يستر يارب

بارك الله فيك وحفظك ورعاك وليد

بالفعل يا هشام

مسلمين و أقباط جنبا الى جنب

فى كل الحروب و النكسات

فى الأفراح و الأحزان سواء

كتفا إلى كتف

اللهم احمى مصرنا من الفتن

اللهم ألف بين قلوب أبناءها

[عفريت أفندى]

دائما ما تبهرنى حكيم

انا هكلم زى محمود سعد ما اتكلم امبارح

مالكم يامصريين ايه بيحصلكم يعنى ايه فتنه وفين فيكى يامصر مسيحين ومسلمين
احنا اهل واخوه طيب اللى بيشعللوا الفتنه نسيوا ان احنا نسايب هو مش اسلامنا بردوا بيسمح للمسلم بزواج المسيحيه يعنى فى اسر مسلمه ومسيحيه نسايب يعنى فى وسطنا واحد مسلم بيقول لواحد مسيحى ياجدو وواحد مسيحى يا خالو بتفرقوا بينا ليه عايزين ايه

وكمان هقول يامصريين اوعى من احوالكم والظروف اللى بتمر بيها البلد تطلعوا غضبكم على بعض احنا اخوه ولو فى حد غلط فى دين لازم يتحاسب بس نكره بعض ونعادى بعض لالالالالالالالالالالالال الالالا والف لا
ربنا يهدينا ويبعد عن الفتنه يارب ونفضل فى تماسك ومحبه

شكرا حكيم

اللهم آمين يا رب العالمين

بالفعل يا ايسل

حال البلد لا يسر عدو او حبيب

غلالالالاء فااااااحش فى الأسعار

تزاوج سلطه مع مال

محسوبيه و واسطه و رشوه

إحباطات على كافة الأصعده الخارجيه و الداخليه

لا يوجد مشروع قومى يلتف الشعب حوله بمختلف طوائفه و انتماءاته الدينيه و السياسيه

الا يدعو هذا المناخ الى العدوانيه بين افراد الشعب؟

الجميع الآن مشحونين بشحنه من الغضب لا يقوى احد على مواجهتها

و اللوم كله يقع على عاتق الحكومه

فهى السبب فى كل ما وصلت إليه الدوله من ضعف و ذل و هوان

تسلمى ايسل على ردك الجميل

دمت بود و إحترام و تقدير