هى الدنيا جرالها ايه ..... هى الناس عملت كدا ليه

[المستشار محمد]

اااااااااااااااااااه من الدنيا

وعذاب الدنيا

هى الدنيا جرالها ايه

هى الناس عملت كدا ليه

الناس هتاكل بعضها

ضاع الحنان من قلبها .... ضاع الحنان من قلبها

أيامنا قلبت وشها وشها وشها

شوفتوا عملت فينا ايه

الدنيا

بقى جوا عروقنا ميه ونسينا الانسانية وضاعت منا الشهامة

عايشين من غير قلوبنا بنتباهى بذنوبنا ناسيين يوم القيامة

الشارع اللى كان مليان ود وحنان وكله ولاد بلد صاينين بنت الجيران

فى الشدة كله واحد فى الفرح كله واحد

مع بعض على الغريب مع بعض فى الأحزان

بقى شارع من الديابة تنهش عرض الغلابة

وبقينا خلاص فى غابة مفيهاش رحمة وأمان

هى الدنيا جرالها ايه هى الناس عملت كدا ليه

قل وغدر وخيانة وناس فى ناس طمعانة

اراهنك لو تلاقى حد يصون الأمانة

أكل الحرام بقى عادى

ولا حد بعيشته راضى

ولو تسال يقولك حقى وحق ولادى

الدنيا ملغبطانة لهينا متوهانا

مبقاش يصعب علينا حتى دموع الحزانا

هى الدنيا جرالها ايه هى الناس عملت كدا ليه

بيوتنا الكره فيها يجيب عاليها واطيها

فين العيلة اللى كانت تقدر تتحامى فيها

بقى كل حد فى وادى

عايشين زى الأعادى

الأب الهم واكله

مكانه فى بيته فاضى

والأم ايه بايديها غير بس دموع عنيها

وياريت دموعها بتنفع

ولادها يحسوا بيها

هى الدنيا جرالها ايه هى الناس عملت كدا ليه


الكل حاله اتغير لما الزمان اتغير

بقت اللعبة وأصولها الكبير يأكل الصغير

الغدر تملى فايز وصوت الحق عاجز

وشوفوا الناس وحالها حتى اللى فى ايده عايز

زمانا بقيت علينا

ساب كل عيوبه لينا

وبنصرخ من جراحنا

وجراحنا مننا فينا

هى الدنيا جرالها ايه هى الناس عملت كدا ليه






تحياتى


معالى المستشار

[حرف مشتعل]

نعيب الزمان وما للزمان عيب سوانا
فعلا كل ما قلته يحدث الان ولا نجاه الا بالطاعه
اسال الله لنا الثبات
دمت بود

[المستشار محمد]

ردك نورنى

وتقديرك لمواضيعى مشرفنى دايما

تحياتى لحضرتك يافندم

معالى المستشار