الحب والنت

[Mr.Karsa]

طب سؤال محوري بعد اذنكم ..

هي اية العلاقة اساساً اللي تبيح لأتنين انهم يتكلموا مع بعض في أي حاجة و بدون أي حدود ؟ ..

و كام و مايك و هيصة ..

و أيه العلاقة اللي تبيح ليهم بعد كده انهم يقرروا يتقابلوا ؟ ..

يعني تحت أي مسمى بيحصل الكلام ده ؟ ..

ده كان من منظور ديني بحت ...

طيب من منظور دونيوي بقى عشان مبقاش عم الشيخ اللي داخل يحلل و يحرم و يطلع ..

هنحط احتمالات عشان نحسبها بالمنطق ..

1 .. إيه اللي يضمن ان مفيش طرف من الطرفين بيسرح بالتاني ؟ ..

ده لو مكنش الاتنين بيسرحوا ببعض اساساً ..

مش يمكن يكون طرف بيعمل البحر طحينة و الطرف التاني بيشرب الطحينة ..

2 .. هنفترض ان الطرفين دول صادقين فعلا و محدش بيسرح بالتاني ..

أيه اللي يضمن انه لما يقابلها ميلاقيهاش شبة زينات صدقي ؟ .. أو يطلع هو واخد بشلة في وشه ؟ ..

و محدش يقولي شافوا صور بعض .. الصور حاجة و الواقع حاجة تانية خالص ..

3 .. طب هنفترض إن الطرفين صادقين و ولاد ناس و محدش بيلعب بالتاني ..

و هنفترض كمان إن الاتنين مقبولين في المظهر و الشكل و كل حاجة تمام - من وجهة نظر بعض -

هانيجي للخطوة الاهم ..

لما البيه يجي يتقدم للهانم عشان الموضوع ينتهي بالشكل الطبيعي و هو الجواز ..

و أبوها يقوله انت شوفت بنتي فين ..

يقوله اتعرفت عليها في شات ؟

_____ ..

[حب العمر]

بجد التعرف على النت دلوقتى بقى موضوع محورى ومحل كلام من ناس كتير
انا رايى الشخصى انه عالم مثله مثل العالم الخارجى (الكلية-الشارع-الشغل)واكيد به الكويس والوحش زى اى حاجة فى الدنيا ولا بد ان يكون الكلام بحدود الى ان تتاكد من الشخصية اللى قدامك لان بجد لو حد بيشتغلك هييجى اليوم اكيد اللى لازم تعرف وتكتشف انه كان بيسرح بيك يعنى العملية كلها بتتوقف على الاحساس ونفسى الشباب تبطل الاشتغالات ده عشان مايبقاش دايما فى شك وباذن الله نظرة المجتمع هتتغير فى الموضوع ده ويقتنع بكل الكلام ده اما من الناحية الدينية فانه مثله مثل التعرف بين البنات والشباب فى الجامعة مثلا بل انه افضل منه فلو ده غلط من وجهة نظر حد يبقى اكيد النت غلط وميرسيه على التوبيك

[jokata]

بجد انا حاسة انه موضوع مش لزيز من راى اتفق مع مستر كارتية فى كل كلمه وحرف احسنت اصلاًًًً كلهم بيافلامو فى الشات فمن راى لية الجرح ولية نرسم صور فى خيالنا للطرف الاخر ونعيط لو طلع غلط والا بقى لو الشيطان وسوس وقال طب نفتح الكاميرا وكل واحد يلبس الى على الحبل ويطلع طرف من الطرفين رئيس عصابه والصور تطلع تانى يوم على اليوتيوب كوميديا بجد احسن حاجة منعملش شات خالص ارجو مكنش طولت وافدت
بااااااااى