كيف اتعامل مع خطيبى

[شوشو شيما]

انا عروسه جديدة ومش عارفه اتعامل ازاى مع خطيبى لانى ما كنت اعرفه قبل كده انا حاسه انه انسان كويس وطيب لكن بيكدب فى حاجات وللاسف بيقع بلسانه بالحقيقة بعد شويه صغيرة هل اوجها بالحقيقة ولااسكتوكمان بيحاول بتدلل ومش بيتصل كتير علشان شغله وانشغاله هل معنى كده انه مش بيحبينى او مش متعلق بيا من فضلكم حد يقولى ازاى اخليه يتعلق بيا .

[اميره بلا وطن]

بصى ياحبيبتى ماتعتبريش ده كذب اعتبرى مثلا انه خايف تزعلى من حاجه معينه فبيوصلهالك بطريقه تانيه
وبعدين شغله ده هو اللى هيعيشكم بعد كده
وبعدين انتى لسه جديده
لازم تعذريه وتقدرى ظروف شغله
وبعدين لو مش بيحبك ماكانش فكر يخطبك من الاول
ربنا يوفقكم

[amira eg]

شوفى حبيبتى هو ممكن ميكنش كدب بمعنى كدب ممكن يكون بتجمل قدامك او عايز يرضيكى

انتى كدا بطريقه حلوه من غير متحسسيه انك عارفه انه بيكدب تقوليله احنا نتفق اننا نكون صرحه مع بعض

وانا مش هزعل من الصراحه ولا انت كمان حطى لحياتك معاه خطوط عريضه وشوفى استجابته ازاى

وبعدين انتى بتقولى انك لسه جديده يعنى متقلقيش ممكن تشاركيه اهتماماته قوليله مثلا لو مش فاضى يتصل يرن بس

انك عايزه تطمنى عليه تعرفى هو صحى امتى وراح الشغل وكدا
حسسيه انك خايفه عليه وعايزه تطمنى وكدا

وربنا يوفقك ان شاء الله

[حب العمر]

السلام عليكم
بصى ياقمر هى كلمة كدب اللى انت قولتى عليها ده ممكن نسميها تجمل او ظهور بحالة افضل ده ممكن تحصل مع اىحد لسه عارف حد جديد وصدقينى ده مش هيستمر كتير
لما تخدوا على بعض ويفهم ان انت خلاص هتبقى شريكة عمره اللى لازم يكلمها عن كل حاجة فى حياته بصراحة ويبدا يرتاحلها ويبدا هو اللى يبقى بيتمنى يشوفها ويحكى معاها عن كل اللى جواه وحاسس بيه
اما بقى شغله فانت لازم تفهمى انه واضح انه حد محترم بيهتم بشغله ويتقنه وده حاجة المفروض تسعدك لان ده الحاجة اللى هتخليكوا تعيشوا فى سعادة اما انت ممكن تخليه يحس باهتمامك بانك تطمنى عليه لما يصحى الصبح واما يرجع من الشغل واما ييجى ينام يعنى تحسسيه انك خايفة عليه دايما وعاوزة تطمنى عليه وربنا معاك هى دايما الفترة الاولى من الخطوبة بتبقى صعبة واسفة على الاطالة

[جيسى]

ا انا عندى نفس مشكلتك ياقمر بس اصحابى نصحونى بانى اشركوة اهتماماتة واحسسة باهتمام بس بحدود واديلة فرصة يتعرف على شخصيتى وافكارى ودة هيخليكو تقربو وميقدرش يستغنى عنك كمان ربنا يتمم لكم بخير

[مووووش]

طيب انا ممكن أساعدكوا والا الموضوع ده خاص للبنات وبس؟

[HoBa HoBa]

بصى يا جميلة
انا من رأيى .. موضوع الكدب ده
لازم لازم انكوا تتناقشوا فيه
ان مافيش علاقة هتقوم على الكدب وانتى نفسك مش هتستحملى ده
فبالمناقشة هتقدروا توصلوا لحل وكل واحد هيعرف غلطه وانك توجيه ده مش عيب
اما بالنسبة لموضوع انه مش بيسأل انتى ممكن تقوليه كدة باسلوب هزار يا عم ابقى اسأل وبتاع
بس ف بعض الاحيان محتاج ان الواحد يعزره لان الشغل ده حاجة مهمة اكيد ف حياته
اما بالنسبة لموضوع عايزاه يتعلق بيكى
لو انتى بتحبيه بجد
ده هيظهر ف تعاملك وبالتالى هيخليه يحبك ويتمسك بيكى
معلش طولت عليكى
ويا رب اكون افادتك