تخاريف ماقبل الرحيل
رد مع اقتباس
يااماني يللا بيهاالمشاركة الأصلية كتبت بواسطة اميره بلا وطن
كلمة نهايه مقرّبه
بتبصلى ومستغربه
حزينه ليه ياسكره
كنتى سعيده وإيه جرى؟
ولاّ انتى خايفه م الفراق ماانتى ياحلوه مجرّبه
فارقتى ناس قبل كدا
وناديت عليكى كتير ولبّيتى الندا
اشمعنى دلوقتى بعيد متأخره؟
ياحلوة إيه اللى جرى؟
يانهاية الرحله الجميله فى دنيتى
لو تضمنى إن اللى جاى يبقى سعيد يلا اثبتى
عارفه إن الحب كله فى البدايه
اللى جايه بعد منك يانهايه
بس أهلى وناسى فينهم
كنت عايشه أميره بينهم
صح كل كلامى ولاّ.......
رافضة انتى ومش معايا؟
طب سيبينى أودع الدنيا بطريقتى
وابكى بدموعى الحزينه لما اكلم يوم صديقتى
لما قلت ياأمى ماشيه
ليه ياغاليه ف يوم وافقتى؟
طب سبينى تحدد الأيام مصيرى
روحى وامضى عقد تانى ويا غيرى
واما تيجى هروح معاكى
لما حتى أودّع الأوضه وسريرى
والفساتين الجميله وذكرياتى
لما اجمّع فى الشنط لبسى وحاجاتى
لما اطُل على الجيران
يمكن اشبع م المكان
أو من الشباك أشوف البحر هادى
والشجر بيوسوس الزرع الصغير فى الساعادى
والشموس تشرق وتغرب من قصادى
والدفاتر والسطور
والزمن قدام عيونى والشريط عَمّال يدور
والزمايل فى الدراسه من ابتدائى وحتى آخر لحظة ليا
والكافيه بقى واللى فيه والصحاب واللمه ديا
والقلم اللى هسيبه أو يسيب خالص ايديا
جايه اودعكم ياأهلى بالدموع ماليه عيونى
واعذرونى
لو ف لحظة طلبت منكم ياحبايب ماتسيبونى
بس صعب مااخافشى من لحظة وداعى
بس يلا خلاص يادنيا ماعادش داعى
إوعى تنسينى ياأوضتى
وانتى يالِعَبى الجميله لما كنتى ف يوم صديقتى
يازمن إوعاك فى يوم تقسى عليا
إوعى ياأحزان تجينى تهدّى فيا
يلا يانهاية حياتى الحلوة ديا
وصّلى للناس سلامى وللصحاب
يلا يلا قوام خدينى بلاش عذاب
بالدموع من غير دموع ماهى هيا هيا
رغم إن الحب ساكن فى البدايه
وان قلبى معاه كمان مابقاش معايا
إلا ان وداع حبايبى وكل حاجه
صعب جدا يانهايه كتير عليا
بس حب العمر كله وذكرياتى مش شويه
يلا بينا ماهيا هيا
عن حنانا تعوضيها
واوعديها
ان ليها الفرحه جايه
لو تفارق برضه عادي
فرقة مش دايمة السعادي
إنتي فينا وجوا منا
شوق ماليه بستان وجنه
ربنا يخلف علينا
ويسعدك عيشه هنيه
غصب عنك عمر تاه
هي دي سنن الحياه
تبقى في رحلتا دمعه
وشمعه تحرق ليلها فيا
نقابل ناس وننساهم
وتبقى عيننا فاكراهم
يباركولنا ودمعتهم
على خدودهم
في عز الفرحة مهنيه
قهوتنا على الانترنت
