مشرف على المنتدى السياسي العام
بانوراما دراما
انا عارف ان الناس كلها مدايقه من الي بيحصل ف البلد وخصوصا احداث ماتش الاهلي والي حصل ولو ان كل ده بيحصل كل يوم بس بكذا شكل
فقولنا نخرج شويه بيكم من جو التوتر
وزي ما قال عمي احمد فؤاد نجم
دلي الشكارة
دلي الشكارة جنب الشكارة
و اقعد يا حفني ولعلك سيجارة
فكّـر شوية .. بالعيشة دية
إيه القضية إيه العبارة
اليومين دول القنوات بتاعه الاعلانات انتشرت بشكل مستفز وبالذات القناه دي طبعا هتقول انت سايب مشاكل البلد والدنيا مقلوبه وبتتكلم ف الحجات دي اقوله معلهش فكها شويه لحسن تموت من الحسره ومحدش يسمعلك حسواهو يا اخي القنوات دي بقي عندها حل لجميع امراض الدنيا
الآن فى ( مصر ) عسل الورك الجبلى الساحلى الصحراوى الزراعى الأصلى
وهذا العسل تم تجربته فى معامل الفنكوش فى دولة مزاريكا فى قارة أطلانطس الغارقة وثبت بالدليل القاطع أنه يشفى 9000 مرض من أول الكوليرا والإيدز وأنفلونزا الطيور
ويتم تحضيره عن طريق تكتيف النحلة و تدليك بطنها بخلة سنان بحركة دائرية مما يؤدى إلى إنفجار النحلة بالضحك فى هستيريا إلى أن يتدلى لعابها فى إسترخاء فيتم تجميعه وخلطه بـ.....كفاية كدا بقى هنقولكم السر ولا إيه
وهذا العرض فى مصر فقط عشان منتمسكش
وكما ترون فهذا الشاب الرياضى صاحب أيدى الماعز الجبلى الأصلى يمارس كمال الأجسام بشراسة بإستخدام دنابلز نصف كيلو فى كل يد لأنه يحرص على دهان يده بالعسل قبل اللعب كى لا تسقط منه
وهذا العرض فقط ب 199,9999.999 وحد الله بينا وبين الحرام
لمنتج الأصلى المستخرج من الأعشاب الطبيعية الأصلية الحيوية العضوية
صابرجابوه
لعلاج العقم وعدم الإنجاب وقلة الخلفة وتأخر الولادة ومرارة الطلق وألم الوحدة وعقوق الوالدين
وقد تم تجربته على أبو صابر قبل ما يخلف صابر وأثبت نتائج مذهلة
اللاصقة السحرية للتخسيس وإنقاص الوزن
حيث تقوم هذه اللاصقة بإنقاص وزن أى شىء تلصق عليه فوراً كما تشاهدون الآن على الشاشة
فهى تمتص الدهون وتخرجها على هيئة قماش من الناحية الأخرى
فقط ضعها على حذائك وسوف يصلح لأخيك الأصغر وإنزعها لترتديه أنت
رائعة
وقد قام بالتعزيم على تلك اللاصقة خمسمائة ساحر من كهنة أمون ورهبان التبت ودافيد كوبرفيلد وسوسو وميمى والمراجيح
إن هذه اللاصقة تخرج أشعة كهرومغناطيسية أنوية نادرة تسبب تحلل الدهون بدون لمون وفتفتة الفتافيت بدون ديناميت وتزلزل الزلازيل
إتصل الآن وسوف تصلك اللاصقة السحرية دوبل فيس مع نصف كيلو غراء بلاستيكى مط
فقط ضعها على المكان المطلوب إنقاص وزنه وسوف تبدأ الحفر وحدها إلى أن تصل للجانب الآخر
مذهلة
لاصقة تتائل بالدهب جربها هتعمل العجب
التليفون العجيب
إن هذا التليفون له القدرة على رد المكالمات وحده حيث يقوم بسب المعاكسين بألفاظ نابية وبصوت أجش
ويمكنك إعادة برمجته لتسجيل السباب بصوتك حتى يرد غيبتك إذا لم تكن متواجد بالمنزل
أحدث صيحة من الذكاء الصناعى
فهذا التليفون يتعرف على صوت كل الحريم اللى تعرفهم ويفرقهم عن صوت مراتك
يقوم بتقليد صوت الكلب هول فى غيابك إذا حاول أحدهم سرقة منزلك
يمشى وحده ويزحف على البلاط والسجاد ويتسلق الملاية ليمكنك الرد بدون مغادرة السرير
يعمل بدون بطارية وبدون حرارة فقط إندهلوا هيجيلك
إتصل الآن وسيصلك بنفسه حيثما كنت
اقعدو بالعافيه
مشرفة المنتدى السياسي
ههههههههههههههههههههههههه ههههههه
ههههههههههههههههههههههههه ههههههههه
ههههههههههههههههههههههههه هههههههههههههههههه
يارب يخليك ياكريم ضحكتنى والله بس بردوا بنضحك على خيبتنا بجد اعلانات تعصب وتحرق الدم اكتر من السياسه احنا كده المصريين بنبيع الهوا فى ازايز بس من غلبنا هو احنا لاقينا حاجه نحطها فى الازازه وقولنا لا
شكرا ليك كريم دمت متميز اخى بأسلوبك الساخر الرائع
<a href="http://up.masrawycafe.net/"...66.jpg" /></a>البحث على جميع مواضيع العضو ايسل
عضوه مميزه
يمشى وحده ويزحف على البلاط والسجاد ويتسلق الملاية ليمكنك الرد بدون مغادرة السرير
ده لو كان بجد يا سلام ينفعنا فى برد الشتا بس
شكرا يا سكريم على ضحكاتك الجميله فى الظروف الصعبه
عضو مميز بالقسم السياسي
صباااااااااح / مساء الفل
عندى سؤال لولبى حلزونى يا كريم
العنوان بانوراما دراما
بانوراما و أوك
لكن فين الدراما؟
فين ؟
فين ؟
فين ؟
بس خلاص وجدتها
الدراما أكيد بعد الزبون ما يشترى البضاعه و يجربها
هحكيلك موقف بجد يا كريم
أبويا سمع إعلان من دولم كان عن استبدال تليفزيونك القديم بتليفزيون
جديد و كبير ماركة ال ......... و تدفع الفرق ( و الله ما فاكر ابويا
دفع كام )
المهم ابويا اتصل فعلا و تانى يوم يا محترم لقى الشركه بتخبط ع
البيت و جايبين التلفزيون
أبويا الله يكرمه فعلا استبدل القديم و تمت الصفقه و دفع الفرق
الجديد فضل ف البيت يومين و ابويا كان بيشد ف شعره عشان صوته
و صورته كانوا تيكى لم تيكى لم خاااااااالص
الحج الله يكرمه راح باع الجديد كأنه بيبيع قطع غيار لمحل تصليح
تليفزيونات و كمل ع الفلوس و اشترى تليفزيون جديد
الخلاصه يا إخوااااااااان
ان البيعه خسرانه
و انا من موقعى هذا أحذركم من التعامل مع مثل هذه الشركات
و اللى يتعامل يستاهل اللى يجراله بئه
ثورة 25 يناير
التغيير
الحريه
العدالة الإجتماعيه
إلى كل من يحب مبارك أبشروا قال رسول الله صلى الله عليه و سلم :
يحشر المرء مع من أحب
يا ناس حد شااااااف توقيعى ؟
walid وليد
البحث على جميع مواضيع العضو عفريت أفندى
مشرف على المنتدى السياسي العام
المشاركة الأصلية كتبت بواسطة ايسل
ههههههههههههههههه
انا قلت نطلع شويه من جو التوتر الي موجود
شويه شويه ومش هنلاقي القزازه نفسها
الف شكر لمرورك الجميل نورتي ياخالتي
مشرف على المنتدى السياسي العام
يمشى وحده ويزحف على البلاط والسجاد ويتسلق الملاية ليمكنك الرد بدون مغادرة السرير
ده لو كان بجد يا سلام ينفعنا فى برد الشتا بس
شكرا يا سكريم على ضحكاتك الجميله فى الظروف الصعبه
اه طبعا بجد هيا الناس دي بتكدب حد الله بينهم وبين الحراب
هاتي سبع الاف جنيه واجبهولك وابقي قابليني لو شفتي وشي تاني
الف شكر لمرورك الجميل نورتي
مشرف على المنتدى السياسي العام
صباااااااااح / مساء الفل
عندى سؤال لولبى حلزونى يا كريم
العنوان بانوراما دراما
بانوراما و أوك
لكن فين الدراما؟
فين ؟
فين ؟
فين ؟
بس خلاص وجدتها
الدراما أكيد بعد الزبون ما يشترى البضاعه و يجربها
هحكيلك موقف بجد يا كريم
أبويا سمع إعلان من دولم كان عن استبدال تليفزيونك القديم بتليفزيون
جديد و كبير ماركة ال ......... و تدفع الفرق ( و الله ما فاكر ابويا
دفع كام )
المهم ابويا اتصل فعلا و تانى يوم يا محترم لقى الشركه بتخبط ع
البيت و جايبين التلفزيون
أبويا الله يكرمه فعلا استبدل القديم و تمت الصفقه و دفع الفرق
الجديد فضل ف البيت يومين و ابويا كان بيشد ف شعره عشان صوته
و صورته كانوا تيكى لم تيكى لم خاااااااالص
الحج الله يكرمه راح باع الجديد كأنه بيبيع قطع غيار لمحل تصليح
تليفزيونات و كمل ع الفلوس و اشترى تليفزيون جديد
الخلاصه يا إخوااااااااان
ان البيعه خسرانه
و انا من موقعى هذا أحذركم من التعامل مع مثل هذه الشركات
و اللى يتعامل يستاهل اللى يجراله بئه
نفس الي كان هيحصل مع ابويا بس الحمدلله اتدخلت ولحقته ف اخر لحظه
وبعدين لو قعدت تحذر من هنا للصبح انسي
الف شكر لمرورك ياحاج
مشرف المنتدى السياسي
ويتم تحضيره عن طريق تكتيف النحلة و تدليك بطنها بخلة سنان بحركة دائرية مما يؤدى إلى إنفجار النحلة بالضحك فى هستيريا إلى أن يتدلى لعابها فى إسترخاء فيتم تجميعه وخلطه بـ.....كفاية كدا بقى هنقولكم السر ولا إيه
جامده دي والله
متخافش ياحاج كريم
سرك في زير
قوول ومش هاقول لحد
اصل اخوك هشام عنده نحله هنا مجننه
هههههههه
ومتخافش مش هنافسك
تسلم ياحاج علي الاسلوب الساخر المميز
بارك الله فيك وحفظك ورعاك
لا اله الا أنت سبحانك أني كنت من الظالمين
اللهم ارحم
شهداء ثورة 25 يناير
البحث على جميع مواضيع العضو هشام اللول1
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
