راح التعليم ومش عارفين راح فين
تصدقو يا جماعه ان كتب 5و6 ابتدائي لسه مستلموهاش قال ايه لسه بتتطبع..اصل قال طوروها
هم الفتكرو التطوير لما الدراسه قربت....
لا دول كمان لغو الكتب الخارجيه .اه اصلها بتخلي الطالب يتعود علي الحفظ وتلقين المعلومه..
طبعا المسؤولين عن الكتب الخارجيه المفروض يشكروا وزير التعليم ..ليه بقه
اصل الكتب الخارجيه بقت بتتباع ف السوق السودا وسعر الكتاب بدل مكان 10 جنيه مثلا بقي60و70 ويمكن اكتر .لا وكمان بيتوزع اخر الليل زي الممنوعات ..
طب ده كلام ده.........
كمان كتب الوزاره مبتديش معلومه للطالب قال عشان يبحث بنفسه ويعمل تجارب
طب هيه فين المعامل المجهزه والمكتبات .مش كل المدارس فيها الامكانيات دي ولا حتي الكمبيوتر متوفر اوي ممكن تلاقي جهاز او اتنين لكل المدرسه طب الطالب يعمل ايه
كل ده خلي التعليم سابنا ومشي .بالله عليكم لو حد شافه يقوله يرجع البلد محتاجاله اوي