رد مع اقتباسههههههههههههههههههههه
بجد بجد انتى مشكله
ايه ده كله يابنتى
بس بجد تمام التمام
تسلمى ياقمرايه
قهوتنا على الانترنت
عضوه مميزه
سومة اللى جننت العفريت
العفريت :
نياهاهاهااااااا شوبيكى لوبيكى خدامك بين ايديكى
سومه:
بسم الله الرحمن الرحيم لا حول ولا قوه الا بالله ...
صلى ع النبى كدا يا خويا حد قالك عاوزه انا خدامين...
بعدين متنفش ريشك قوى كدا لتفرقع يا خويا ولا يطقلك عرق....دا العمر مش بعزقه...
العفريت:
ييييييييه كل مره اقولهم بلاش ستات الكلمه يترد قصادها ميه وا غبيه يا معين يا رب
...اتطلبى وانا انفذ يا ستى ...وانجزى بقى خلصينى
سومه:
ياحلاوه يا ولاد دا عامل زى عفروتو بتاع المرسحيه قصير واقرع ....
العفريت:
احنا حنقبح بقى ولا ايه ليه طوله اللسان دى اللهم طولك يا روح
سومه:
هع هع هععع يطولها ؟؟؟
اذا كنت انت نموك وقف على الحجم دا دا انت ولا خاتم سليمان يحوق معاك....
بقولك ايه اما انت تعرف تنفذ طلباتى طيب ما تطول نفسك شويه ولا تطلعلك شعر
العفريت:
يا ستى انا عاجبنى منظر اهلى كدا اطلبى السبع طلبات بتوعك وانجزى دا هى مجيه سوده
سومه:
الله مالك كدا ياخويا من ساعه ما جيت وانت نازل تنأويز ...على ايه يا حسره ....امال لو طويل حبتين...
وعمال خدامك ومش خدامك
العفريت :
ماشى يا ستى انا اسف ...مش حتكلم حسيبك لضميرك الاسود
ابوس رجليكى اطلبى انا ورايا ابنى لازم اعدى اجيبه من تدريب الزحلقه ع السحاب
سومه:
اهى ى ى لا هو انتوا عندكم ولاد
العفريت :
امال يعنى بننقرض
سومه:
وانت من اى قبيله اتيت....بس عرفتك تكونش بتاع كارتون السنافر....
شاطره يا سومه والنبى طول عمرك نبيهه يا بت
العفريت:
دى حتغلط بقى انا من الجن الابيض يا ستى خلصى
سومه:
اشتاتا اشتاتا اشتوت ....اتفووووو
العفريت:
يا وليه يا مضروبه بتتفى عليا
سومه:
لا يا خويا وانا اقدر...بتف فى عبى يمكن تنصرف
العفريت:
اطلبى وانا اجيبلك اللى تعوزيه
سومه:
شوف بقى انا غير كووووول الستات اللى انت عرفتهم ومطالبى تختلف عن الاخرين
العفريت:
وانا تحت امرك
سومه:
بس قولى الاول احضرك ازاى..؟؟؟
الحج عفرت :
ياستى ما انا مزروع اهو حتحضرينى ليه
سومه:
اه صحيح طيب يا سيدى متتنرفزش الزعل مش حلو عشانك
يعنى لو قلتلك عاوزه عربيه انت ممكن تجيبلى
العفريت:
طبعا فورا اجيبلك بس قولى نفذ وانا انفذ...عاوزاها نوع ايه
سومه:
اهو شوف فهمتنى غلط انا قلتلك انا مش زى الستات العبيطه مش عاوزه عربيه
العفريت:
يا خواتى ارحمنى يا رب
سومه:
دا ايه يا خويا العفريت المستعجل دا مكانوش قادرين يبعتولى واحد فاضى موراهوش عيال
طيب اسمع يا خويا انا حخلصك خالص لو طلبت منك اسرائيل تنكشح عن فلسطين تمشيها
العفريت:
يعنى انتوا بكل رجالتكم يا عرب وهى قاعده فى فلسطين وعاوزانى انا يا غلبان امشيها ....
سومه:
خلاص اهو ادينى طلبت عشان متقولش وتشتكى انت اللى معرفتش تنفذ....
بس فاضى تقول مش فاضى وعندى مواعيد
اسمع رأفه بيك انا عاوزاك تنضف البيت بدالى النهارده وتعمل اكل فى التلاجه يكفى سى بطيخ اد اتناشر شهر...
وتسيأ السلم بدالى كل اول اسبوع....وياريت تجيبلى عربيه بتنجر احط فيها الخضار....و...........
العفريت:
نعمممممممم يا دلعدى
سومه:
هههههه العفريت رطن بالبلدى
العفريت:
يعنى انا جاى من زحل ارض ارض عشان تقوليلى اسيأ السلم ....واقطف ملوخيه
سومه:
اه والله فكرتنى نسيت حته تقطيف الملوخيه
العفريت :
يا وليه ارحمينى تحبى اجيبلك جاجوار...ولا هامر تركبيهم
سومه:
ودول ايه دول يا خويا ...
لا الحمد لله طقم السنان بتاعى شغال ميه ميه..
الكوبرى تاعبنى شويه بس ماشى
العفريت:
طيب تحبى اجيبلك شقه 1000 متر على النيل
سومه:
لالالالا ايه العفاريت المؤذيه دى
دوشه ورطوبه... انت عاوز تقطم وسطى مين حينضف المساحه دى كلها...
قال ويقولى فى خدمتك..
العفريت:
طيب تحبى تسافرى وتلفى العالم
سومه:
يا نصيبتى اخرج من بيتى فى غير علم سى بطيخ دا كان يقتلنى...
ثم انا ميهونش عليا زعله....
ثم يا خويا الف العالم فيه ايه زياده عن اللى فى بيتى سى بطيخ
مكفينى وجايبلى كلشن كان.
اه امال ايه.؟؟؟
العفريت:
طيب تحبى اخلصك من سى بطيخ نفسه
سومه:
يا خويا بعد الشر تف من بقك
ان شاء الله انت وميه زيك ....
هو صحيح عينه زايغه....ولسانه طويل وايده باطشه....وجزمه ديما طايره ....
بس الست مننا ايه منغير بطيخها ....والعيال مين حيشيلهم مين يشيل مشاكلهم....
العفريت :
انا زهقت منك...مش ممكن واحده معندهاش ولا طلب....
طيب اسمعى اجيبلك ذهب ياقوت مرجان..الماظ....
سومه:
هههههه شوف العبيط سى بطيخ جايبلى شبكه جوا دبله ومحبس وحتتين غوايش وسلسله ما شاء الله...
عبيط يقولى مرجان ....لا وعايز يضحك عليا بحته ازازه
ويقولى عليها ماس و مرجان طيب دى راحت ولا جات ازازه....بس متلمعه ..اما عفريت خرع بصحيح..
طيب انا حريحك ...لو حزفت اجابتين انا ممكن اقولك الاجابه الصح عدل
العفريت:
هو انا جورج قرداحى ...تحزفى اجابتين جديده دى
سومه:
خلاص انا عرفت سياتك تبقى مين
العفريت:
الحمد لله وحتطلبى بقى خلاص مش كدا
سومه:
اه يا خويا...زيع زيع انا معنديش ايتوها مانع مش انتوا بتوع الكاميره الخفيه
العفريت:
يا خوااااااااااااااااااتى انا حعتزل المهنه
انا شوفت كتير وقليل لكن غبيه وبارده ومبتفهمش ثلاثه فى واحد
انتى حطمتى القواعد
سومه:
طبعا يا خويا نحن نختلف عن الاخرين ونزيد
كانت معكم
سومه العصر الحديث .....
عضوه مميزه
ههههههههههههههههههههه
بجد بجد انتى مشكله
ايه ده كله يابنتى
بس بجد تمام التمام
تسلمى ياقمرايه
نجم مصراوي
ههههههههههههههههههههههههه ههه
الله يكون فى عون العفريت
دى ست لا تطاق
بس تسلم ايديكى يا قمر
لنفترق قليلا.. لخيرِ هذا الحُبِّ يا حبيبي
وخيرنا.. لنفترق قليلا
لأنني أريدُ أن تزيدَ في محبتي
أريدُ أن تكرهني قليلا
البحث على جميع مواضيع العضو العاشقة المجروحة
مميز
هههههههههههههههههه
دى مش ست دى ست اشهر
ربِـيْ..
بـِ قدر طيبتي ألهمّنيْ صبْراً
وبِـ حَجمْ صبرَي
أرزقنيْ أملاً
وأجْعِلنَي أبتْسَم لأجْعلْ الأسِىَ يصبح أَجْمَــلْ..
البحث على جميع مواضيع العضو Ṃỏ7äṃΣď Ụ-ĐęṾĭ Ĺş
المشرفه المميزه لقسم مصراوي يتحدى الملل و قسم الترحيب المناسبات
ههههههههههههههههههههههههه ههههه
كامده مووووووووووووووووووووت
بكد ميرسى ياثكرتى
دمتى متميزه
بون بون
مصراوي مية مية
عضوه مميزه
المشاركة الأصلية كتبت بواسطة مونه
وحشتينى يابت يامونة
والله
تسلمى ياقمر
وجودك هو تمام التمام
عضوه مميزه
ههههههههههههههههههههههههه ههه
الله يكون فى عون العفريت
دى ست لا تطاق
بس تسلم ايديكى يا قمر
ههههههههههههههه
اه والله
فعلا لاتطاق
تسلمى ياحبيبتى
اسعدنى مرورك
عضوه مميزه
فعلا ست اشهر
تلاقى العفريت اتشل اصلا
تسلم يامحمد
نورتنى
عضوه مميزه
ههههههههههههههههههههههههه ههههه
كامده مووووووووووووووووووووت
بكد ميرسى ياثكرتى
دمتى متميزه
بون بون
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
