يامجنونه يا قوطه

[SCREEM]

من لآخر كدا بقى احنا شعب مايجيش غير بالسك على دماغه ليه بقى؟ لأن الطماطم طول ماهي كانت الكيلو بجنيه -أيام الرخص- كنت تلاقي استهتار جامد في التعامل معاها مثلا كنت تمشي في السوق تلاقي طماطم مرمية عالأرض وكله عمال بيدوس عليها بلاش دي مثلا نقووووول في مسلسل ونيس كان دايما يعمل لولاده ساندوتشات جبنة بالقوطة عشان يعني مفيدة وعلى قد الايد وقال ايه العيال كانت بتتأمر





لو جينا نتخيل بقى الحال بعد سنتين مثلا : -شيف في برنامج طبخ بيقول نقطع الطماطم طرانشات ونحطها عالطبق كنوع من تجميل شكله......ومعانا اتصال تليفوني ...ألو أيوة يا اخويا معلشي ماتأخذنيش يعني ما ينفعش بدل الطماطم نستعمل تفاح أو حتي كاكا أصل الطماطم بقت -وانت سيد العارفين يعني- الكيلو بقى ب30جنيه




-الأطفال ماعادوش هيتخيلو أصلا ولا يجي فبالهم ان الدم اللي بيجي في الأفلام دا ممكن يكون صلصة
-الشعب أكيد تعبيراته هتتغير يعني مثلا بدل ما يقولك في المشمش هيقولك في الطماطم
ولو حد قالك سعر حاجة غالي قوي بدل ماهتقوله "ليه هي لحمة" هتقوله"ليه هي طماطم

ــ


بعد اربعين خمسين سنة كدا : المدرس في حصة التاريخ: وكان أجدادنا القدماء يتنولون ثمرة غريبة الشكل مستديرة حمراء اللون كانو يقطعونها على السلطة ويتناولونها مع الجبنة البيضاء وقد وجد العلماء صور لها على ورق البردي -ااااا قصدي الجرايد- ولكن حتى الآن العلماء غير متأكدون من ما إذا كانت هذه الثمرة حقيقية ام انها مجرد خرافه






اقعدو بالعافيه

[عفريت أفندى]

ياااااااااااه

كل ده وسااااكت و كاتم ف قلبك يا كريم

شكلك كده مدمن طمااااااطم

و مش بعيد تكون مدمن جبنه بالطمااااااطم

بس عندك حق

ثقافة شعبنا أكيد هتتغير بسبب الطماطم

و جايز اللى قلته ف موضوعك ده يتحقق

بس تفتكر الناس هتعمل سلطه بإيه بدل الطمااااطم ؟؟

يلا يا كريم ورينى إقتراحاتك

هههههههه

[هشام اللول1]

وما هو يا كريم بيعرفوا نقاط ضعف الشعب
وبيضربوا منها
علشان يومين كده ولا حاجه ينزل مرشحين الحزب معاهم قفصين طماطم
ويعملوا بيهم سلطه لناس ( قصدي دعايه )

هما ياكريم بييجوا في الاساسيات ويضربوا بيها الشعب
بيعرفوا يخططوا صح

تسلم ياحاج علي موضوع اللي كلها صلصله ده


بارك الله فيك وحفظك ورعاك

[ايسل]

هما منعوا وحرموا على الناس اللحمه والفراخ وغلوا الخضار الغلابه بقى قالوا ولا يهمنا قومى يابت هاتيلى كيلو مكرونه وكيلو قوطه وهعملكوا حله كبيره تعوموا فيها وتشبعوا وتحمدوا ربنا راحت حكومتنا قالت ايه الشعب ده كل من قفلها عليه من ناحيه يجيلنا من ناحيه تانى ايه فول بالقوطه ومكرونه بالقوطه وجبنه بالقوطه شيلنا يا عم ام القوطه اللى بتخليهم يخترعوا ويتصرفوا دول بس وقد كان الطماطم بقت زى التفاح والكيوى وتحيا الحكومه ويعيش النظام ( فى جهنم وبئس المصير)

شكرا لك ايها الساخر لما كتبت

[خير]

كيلو الطماطم بقى 8جنيه فى الزقازيق

ايه ياجماعه الي حصل


ده كانت رخيصه


هنعمل ايه فى الغله ده

[قطقوطة]

يالهووووووووووووووووووووو ووووووى
بس بس مااتفكرونيش
ههههههههههههههه قال وايه معودينا كل طقة يكون فيها طبق سلطة والغذاء المتكامل والجو دا
حسبي الله ونعم الوكيل طب هنعمل ايه بس
معنى كدة وجبة الغدا لوحدها تدخلها في 200 جنيه خضار ولحمة وسلطة
دا غير بقا لو واحد نفسه في طبق محشي يبقي يصوم بقية الشهر
دا غير اللبس والمواصلات شوية البنزين وشوية الغاز وصلت كمان للاكل
ربنا يطلعنا منها على خير
امال بقا كمان كام سنة هناكل بعض بقا والا ايه؟

[SCREEM]

ياااااااااااه

كل ده وسااااكت و كاتم ف قلبك يا كريم

شكلك كده مدمن طمااااااطم

و مش بعيد تكون مدمن جبنه بالطمااااااطم

بس عندك حق

ثقافة شعبنا أكيد هتتغير بسبب الطماطم

و جايز اللى قلته ف موضوعك ده يتحقق

بس تفتكر الناس هتعمل سلطه بإيه بدل الطمااااطم ؟؟

يلا يا كريم ورينى إقتراحاتك

هههههههه

اي حاجه لونها احمر هتمشي ولو نفسك هفتك عالطماطم هتلاقيها ف اي متحف في منها عادي وفي منها متحنط



الف شكر لمرورك ياحاج والتدخين مضر بالصحه والموناليزا صحتها ع قدها

[SCREEM]

وما هو يا كريم بيعرفوا نقاط ضعف الشعب
وبيضربوا منها
علشان يومين كده ولا حاجه ينزل مرشحين الحزب معاهم قفصين طماطم
ويعملوا بيهم سلطه لناس ( قصدي دعايه )

هما ياكريم بييجوا في الاساسيات ويضربوا بيها الشعب
بيعرفوا يخططوا صح

تسلم ياحاج علي موضوع اللي كلها صلصله ده


بارك الله فيك وحفظك ورعاك

يعني هتقف قدام لجنه الانتخابات بدل مكنت بتاخد فلوس هتاخد طماطم يابلاش

الف شكر لمرورك ياحاج ولو عرفت حد من المرشحين بيوزع قلي عشان اجي اديله صوتي

[SCREEM]

هما منعوا وحرموا على الناس اللحمه والفراخ وغلوا الخضار الغلابه بقى قالوا ولا يهمنا قومى يابت هاتيلى كيلو مكرونه وكيلو قوطه وهعملكوا حله كبيره تعوموا فيها وتشبعوا وتحمدوا ربنا راحت حكومتنا قالت ايه الشعب ده كل من قفلها عليه من ناحيه يجيلنا من ناحيه تانى ايه فول بالقوطه ومكرونه بالقوطه وجبنه بالقوطه شيلنا يا عم ام القوطه اللى بتخليهم يخترعوا ويتصرفوا دول بس وقد كان الطماطم بقت زى التفاح والكيوى وتحيا الحكومه ويعيش النظام ( فى جهنم وبئس المصير)

شكرا لك ايها الساخر لما كتبت

متظنيش ف الناس الظن الوحش ده الناس خايفه عليكم بدل متاكلو طماطم لا كلو صلصه منتهيه الصلاحيه

مش عجبكم اي حاجه



الف شكر لمرورك نورتي ياخالتي

[shahysoufy]

موضوع جامد موووووووووووووووت انا مش عارفه اقول غير عمممممممممممار يامصر وشكرا