كمل الكلمه على الوزن ...وعجبى

[اميره بلا وطن]

أنا كل ما اسأل عنك يقولولى فك فكيك
ياترى المشاغل كترت ولا الحكايه تلاكيك
ان كنت ناوى تجينى ماتجينى تحكى الشوق
وان كنت حتى ناسينى تعالالى قولّى مشناسيك




مش برضوا المعنى كدا احسن
تحياتى وامنياتى
وبالتوفيق

انا قصدى يابدراوى
انه لو ناسى يجى يقول ناسى ويصارح احسن يعنى
ولا انت ايه رأيك
كل سنه وانت طيب

[رضا محمود]

انا قصدى يابدراوى
انه لو ناسى يجى يقول ناسى ويصارح احسن يعنى
ولا انت ايه رأيك
كل سنه وانت طيب

أحبائي الكرام..
إسمحوا لي أن أقف بين أيديكم بكل تواضع لأدلو بدلوي في هذا المُربع...
فأنا أرى أنه الأسلم للوزن أن نقولها كالتالي:-
أنا كل ما اسأل عنك يقولولى فك فكيك
كِترتْ مشاغلك بقا..ولاّ الأُمُور تلاكيك
ان كنت ناوى تجينى ماتجينى تحكى الشوق
وان كنت حتى ناسينى تعالالى قولّى ناسيك
تقبلوا مروري...

[اميره بلا وطن]

ممكن اقول رباعية وتكملوها؟؟

أهلا بيكى معانا يابسمله

[Basmalah]

والكون ايش يكون منغير وجودك
وانا قلبى مسيره...........
يلف مهما يلف مابيكتفيش
ودنيتى اخرها على .......



غمض عينيك وامشى بخفة ودلع
الدنيا هى الشابة وانت ........
تشوف رشاقة خطوتك تعبدك
لكن انت لو بصيت لرجليك..........




يابنى نصحتك لما صوتى اتنبح
لا تخاف من جنى ولا من ........
وان هب فيك عفريت قتيل اسأله
مادافعش عن نفسه ليه يوم .........


كفاية عليكوا كدة
لو حليتوها صح هجيبلكم تانى
بس اتجدعنوا انتوا

[Basmalah]

لية محدش جاوب دول سهليين اوووووووووووووى

[salama10]

غمض عينيك وامشى بخفة ودلع
الدنيا هى الشابة وانت الجدع
تشوف رشاقة خطوتك تعبدك
لكن انت لو بصيت لرجليك تقع

يابنى نصحتك لما صوتى اتنبح
لا تخاف من جنى ولا من شبح
وان هب فيك عفريت قتيل اسأله
مادافعش عن نفسه ليه يوم ما اندبح