مروه و الشنكل !!!

**عفريت أفندى** · 9 - 10 - 2010, 10:03 AM

فاكرين الفيلم ده بتاع فؤاد المهندس وشويكار؟
أرض النفاق؟ عن رواية ليوسف السباعي الله يرحمه؟
فاكرين اللقطة دي بتاعة عويجة أفندي وحكاية الشنكل؟
لو فاكرين مش ضروري تشوفوا الفيديو خشوا في الموضوع على طول
لو مش فاكرين يبقى ضروري تشوفوا الفيديو الأول !

مروة موظفة حكومة في الإسكندرية
أخدت أجازة علشان تسافر مع جوزها اللي بيشتغل في روسيا
بعد ما أخدت الأجازة وسافرت خلاص إكتشفوا إن طلب الأجازة بتاعها ناقص طابع مهن زراعية بعشرة جنيه
فبعتولها الجواب اللي إنتم شايفينه فوق ده
واللي إستلمته زميلة ليها في الشغل وصديقة ليا
الجواب اللي إنتم شايفينه ده تاني جواب من هذا النوع وربما لن يكون الأخير
شايفين كام موظف همام ماضي عليه وكام ختم وكام تاريخ ؟؟؟
كل ده علشان عشرة جنيه !!!
طب سيبكم من الوقت المهدر علشان يكتبوا ويطبعوا ويمضوا ويختموا جواب زي ده
والتكلفة اللي بتنتج عن ضياع وقت الحكومة في وساخة زي دي
تعالوا نشوف تكلفة ملموسة إندفعت بالفعل من خزانة الحكومة

زي ما إنتم شايفين ده المظروف اللي إنبعت بيه الجواب
طبعا حذفت الإسم والعنوان بتوع مروة
وزي ما إحنا شايفين فيه طابعين فئة جنيه
وطابع فئة ثلاثون قرشا
وطابعين فئة عشرة صاغ
يبقى المجموع إتنين جنيه ونص
ونخللي بالنا إن ده إخطار ثاني يعني فيه إتنين جنيه ونص قبل دول
يبقى المجموع خمسة جنيه
ولو فيه إخطار تالت ها يبقى المجموع سبعة جنيه ونص
أما بقى لو فيه إخطار رابع فيكون المجموع عشرة جنيه للطوابع فقط بالتمام والكمال
وذلك لتحصيل مبلغ عشرة جنيه فقط لاغير
وهو المطلوب إثباته
والكلام ده بتاريخ 2009
مش في الستينات ولا في السبعينات
إيه العبث ده ؟؟؟ دول موظفين عاوزين ربنا يفرجها عليهم ؟؟؟
ده شعب عايز حياته تبقى أحسن ؟؟؟
ودي كانت حكاية مروه و الشنكل... قصدى مروه و الطابع

منقول

**SCREEM** · 9 - 10 - 2010, 01:56 PM

وادي الطابع

ولا تزعل نفسك ليجيلك شوجر ولا حاجه

هم يبكي وهم يدحك ربنا يخلصنا م الروتين المصري

**هشام اللول1** · 9 - 10 - 2010, 04:36 PM

بجد والله مش لاقي تعليق
بس بنقابل منهما كتير والله

وبلاش تفكرني علشان انا ليه باع كتير مع الروتين الحكومي
وللاسف اخوك هشام مش لاقي في كلام
( شخلل جيبك / الشاي / وشك ولا وش القمر / ....... )
ولسه بكره نسمع كتير

ربنا يهدي الناس وكل واحد بقي يعمل لوجهه الله

بارك الله فيك وحفظك ورعاك وليد

**اميره بلا وطن** · 9 - 10 - 2010, 05:10 PM

لالا لا
انا احتج
انت كده عاوز تضيع حقهم
دى العشره جنيه دى حقهم
بلاش تتكلم كده
بلاش تقول ان عندنا كلام فاضى وناس
بجد ينطبق عليهم كلمه ....
بقولك ايه بلاش نغلط عشان انا شكل كده هيجيلى الضغط
وانا مش ناقصه

**ايسل** · 9 - 10 - 2010, 09:24 PM

ياسلام عليكى يامصر كل حاجه فيكى

تـــــــــــجــــــــــــ نـــــــن

ايه ياوليد عايزهم يسيبوا حق مصر
دول لو صرفوا مليون جنيه هياخدوا حق الطابع يعنى هياخدوا الحق مفيش احسن منه

ربنا يصبرنا على كمية الشلل اللى فى البلد

تسلم حكيم

**الحريه** · 10 - 10 - 2010, 03:38 AM

هى يعنى الحكومه كانت بتدفع من جيبها حق الطوابع دى
ده لو جنيه
شفت جنيه للحكومه عندك هتبعتلك نفس الجواب
ده وبنفس الطوابع علشان تاخد منك الجنيه وممكن كمان لو مش معاك جنيه هيعملولك قضيه وهيحجزو عليك ولو عندك بيت هيبيعوه
بالمزاد العلنى علشان تسدد الجنيه

شفت بئه دول اقولك ايه عليهم مفيش كلام يتقال

**عفريت أفندى** · 10 - 10 - 2010, 10:45 AM

المشاركة الأصلية كتبت بواسطة SCREEM

وادي الطابع

ولا تزعل نفسك ليجيلك شوجر ولا حاجه

هم يبكي وهم يدحك ربنا يخلصنا م الروتين المصري

يا جاااااهز انت يا جاااااااااهز

فييس و ربنا

هههههههه

عموما مش تقلق عليا م الشوجر

اصلا السكر غلى و انا أحايله بإيه ؟

هههههههه

منووووووور

**عفريت أفندى** · 10 - 10 - 2010, 10:46 AM

المشاركة الأصلية كتبت بواسطة هشام اللول1

بجد والله مش لاقي تعليق
بس بنقابل منهما كتير والله

وبلاش تفكرني علشان انا ليه باع كتير مع الروتين الحكومي
وللاسف اخوك هشام مش لاقي في كلام
( شخلل جيبك / الشاي / وشك ولا وش القمر / ....... )
ولسه بكره نسمع كتير

ربنا يهدي الناس وكل واحد بقي يعمل لوجهه الله

بارك الله فيك وحفظك ورعاك وليد

مش إنت لوحدك يا اتش

كلنا طهقانين م الروتين و الفساد

ربنا يحفظنا

مشكوووور ع المشاركه

**عفريت أفندى** · 10 - 10 - 2010, 10:48 AM

المشاركة الأصلية كتبت بواسطة اميره بلا وطن

لالا لا
انا احتج
انت كده عاوز تضيع حقهم
دى العشره جنيه دى حقهم
بلاش تتكلم كده
بلاش تقول ان عندنا كلام فاضى وناس
بجد ينطبق عليهم كلمه ....
بقولك ايه بلاش نغلط عشان انا شكل كده هيجيلى الضغط
وانا مش ناقصه

بعد الشر عليكى م الضغط يا أميره

يارب اللى بيقرف المواطنين بالروتين هو اللى يجيلوا ضغط

ههههههه

خافى على صحتك

هههههههه

منوووووووووورانى

**عفريت أفندى** · 10 - 10 - 2010, 10:52 AM

المشاركة الأصلية كتبت بواسطة ايسل

ياسلام عليكى يامصر كل حاجه فيكى

تـــــــــــجــــــــــــ نـــــــن

ايه ياوليد عايزهم يسيبوا حق مصر
دول لو صرفوا مليون جنيه هياخدوا حق الطابع يعنى هياخدوا الحق مفيش احسن منه

ربنا يصبرنا على كمية الشلل اللى فى البلد

تسلم حكيم

أينعم

الحق مفيش أحسن منه

و ما ضاع حق وراءه مطااااااااالب

و احنا كده نيجى ف الهايفه و نتصدر

لكن لما تكون فيه عملية فساد كبيره نقبض و نطرمخ عليها

ههههههههههه

منوره يا ايسل

الموضوع: مروه و الشنكل !!!

أدوات الموضوع

مروه و الشنكل !!!

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة