1- كلام فى كلام(ابنى أحلام زى ماانت عاوز)»-(¯`s´¯)-»

[طلة القمر]

تحياتى لجميع اخوتى
فكرت فى سلسلة مواضيع تحمل عنوان
كلام فى كلام
فأصبح الان ما أكثر الكلام والفعل قليل
تصريحات ووعود والفعل مفيش
اجتماعات مغلقة ومفتوحة والحل مفيش

1-كلام فى كلام(ابنى أحلام زى ماانت عاوز)
زمان ومش عارفه قد ايه من السنيين تنطبق على كلمة زمان
لان لو قارنا احوالنا العام الماضى بالنسبة لحالنا اليوم
من كل شئ
يعتبر العام الماضى زمان
لان التغيير كبيير
كان الحلم ممكن يتحقق ولو بعد فتره
رغم ان أحلامنا بسيطه
*لبسنا يكون من صنع بلدى وليس من الصين
*طعامنا يكون من خير بلدى ومش مرشوش وسعره معقول
*الميه ما أكثرها فى بلدى ورغم كده فى ناس بتشتريها وبتحلم بيها
*لما نخلص تعليم نلاقى وظيفه
ومش شرط واسطه أو عن طريق برنامج
* ولما يقولوا بتحلم ببيت نفرح ونحلم ونمد ايدينا
وبسرعه نصحى ويقولوا بتحلم بشقه
احلم براحتك زى ما انت عاوز

يارب أكون وفقت فى اختيار الموضوع
أسعد الله أيامكم وحقق كل أحلا مكم
اختكم طله

[ايسل]

بعد ما كنا بنترحم على سنين عدت فعلا طله دلوقتى لو يوم عدى بنترحم عليه ربنا ينتقم من العولمه واللى عملتو فينا

ايام الحرب بابا بيقولى كانت كل حاجه موجوده ومن صنع ايدنا دلوقتى ولا فى حروب ولا علينا عقوبات زى اللى كانت على العراق
وبردوا بقينا بنستورد كل حاجه ومبقاش عندنا حاجه

زمان كان فى فلاح بيقول ارضى هى عرضى دلوقتى خلو الفلاح يسيب ارضه ويركب مركب علشان يهاجر يدور على لقمة عيشه وياريتو يوصل لا مش بيوصل بيبقى عشا للأسماك

ربنا يرحم ايام زمان ويا بخت اللى كانو عايشين زمان

فكره رائعه اختى طله وانا بأذن الله متابعه معاكى دمتى بود اختى العزيزه

[طلة القمر]

بعد ما كنا بنترحم على سنين عدت فعلا طله دلوقتى لو يوم عدى بنترحم عليه ربنا ينتقم من العولمه واللى عملتو فينا

ايام الحرب بابا بيقولى كانت كل حاجه موجوده ومن صنع ايدنا دلوقتى ولا فى حروب ولا علينا عقوبات زى اللى كانت على العراق
وبردوا بقينا بنستورد كل حاجه ومبقاش عندنا حاجه

زمان كان فى فلاح بيقول ارضى هى عرضى دلوقتى خلو الفلاح يسيب ارضه ويركب مركب علشان يهاجر يدور على لقمة عيشه وياريتو يوصل لا مش بيوصل بيبقى عشا للأسماك

ربنا يرحم ايام زمان ويا بخت اللى كانو عايشين زمان

فكره رائعه اختى طله وانا بأذن الله متابعه معاكى دمتى بود اختى العزيزه

ايه النور ده
نورتينى ايسل
ربنا يسترها
انا مرتضش اقول ان امبارح يعتبر زمان علشان متسودش
لكن حنهرب من الحقيقه ليه
بس حنفضل نحلم كتير
بلدنا فيها خيير كتير
بس مش شايفاه يمكن العيب فى نظرنا
تحياتى وبارك الله فيك
اختك طله

[هشام اللول1]

موضوع جميل طله ويستحق النقاش
والله كل ما الزمن بيعدي بينا ونشوف الدنيا بتضيق بالناس
بنخاف نحلم
يعني زمان انا لما كنت في ثانوي عام كان نقعد مع اصحابنا اللي اكبر مننا
يقولوا لنا انت بتحلم تدخل كليه ايه ؟؟؟؟ وعلشان الواحد كان حلمه محدود وصغير كان بيقول
نفسي ادخل كليه تربيه قسم انجليزي
وكانوا ينصحونا ان نكبر احلامنا شوية علشان نفوز باكبر قدر من الحلم
فجاء صديق ليا وقال بهزر ( يبقي نحلم بقي ندخل طب او سياسه واقتصاد )
ولكن في الاخير دخلنا تجاره علشان حلمنا بتربيه
ولكن الان اري اننا لا نتعب انفسنا ونحلم بشئ ونعيش في خيالنا في هذا الزمن

طب والناس علشان تحصل علي شقه في زمنا ده تحلم بايه ؟؟؟؟

ومش عارف بجد والله
نحلم ولا نبطل احلام ووجع دماغ


شكرا علي الموضوع الجميل اختي طله
واسف علي الاطاله

بارك الله فيكي وحفظك ورعاكي

[A7med elsayed]

عندما نتحدث مع شيخ كبير عن الماضي يطول الحديث وتزداد الاشواق والحنين

وبرغم الحقد والقسوه الذى يجدها فى هذا الماضى الا انه يحن اليه ويشتاق اليه

فهل سألنا انفسنا لماذا؟؟؟

هل هذا بسبب اننا شرقيون تحركنا العواطف ام اننا عرب نفتخر بالماضى
هذه هى طبيعتنا اللى فطرنا عليها دائما ما نتمنى المستقبل وعندما ياتى نتمنى لحظه من الماضى
ولذلك امثله كثيره قسها على نفسك انت
عندما كنت فى المرحله الثانويه تتمنى ان تصل للجامعه كى تنال الحريه وتتخلص من القيود
وعندما تخطو قدماك الجامعه سرعان ما تحن للمرحله الثانوبه وما فيها من لذات
قس على ذلك الشيخ المسن فى لحظه ما فى عمره يتمنى لو ان فى بيته تلفاز كى يشاهد العالم بأسره ونحن الان وعندما يحصل عليه ينتابه شعور الحنين الى الماضى المظلم

"فى النهايه هذه هى فطرتنا اللى فطرنا الله عليه نشتاق للمستقبل ونحن للماضى
لذلك لابد ان نعيش كل لحظه فى وقتنا الحاضر ونتمتع بها كانها الاخيره لانه سياتى يوما نندم ونتمنى ان ترجع هذه اللحظات".

شوفتى يقى كنت هنسى أشكرك على الموضوع الجميل دا
ربنا يبارك فى عمرك

[طلة القمر]

موضوع جميل طله ويستحق النقاش
والله كل ما الزمن بيعدي بينا ونشوف الدنيا بتضيق بالناس
بنخاف نحلم
يعني زمان انا لما كنت في ثانوي عام كان نقعد مع اصحابنا اللي اكبر مننا
يقولوا لنا انت بتحلم تدخل كليه ايه ؟؟؟؟ وعلشان الواحد كان حلمه محدود وصغير كان بيقول
نفسي ادخل كليه تربيه قسم انجليزي
وكانوا ينصحونا ان نكبر احلامنا شوية علشان نفوز باكبر قدر من الحلم
فجاء صديق ليا وقال بهزر ( يبقي نحلم بقي ندخل طب او سياسه واقتصاد )
ولكن في الاخير دخلنا تجاره علشان حلمنا بتربيه
ولكن الان اري اننا لا نتعب انفسنا ونحلم بشئ ونعيش في خيالنا في هذا الزمن

طب والناس علشان تحصل علي شقه في زمنا ده تحلم بايه ؟؟؟؟

ومش عارف بجد والله
نحلم ولا نبطل احلام ووجع دماغ


شكرا علي الموضوع الجميل اختي طله
واسف علي الاطاله

بارك الله فيكي وحفظك ورعاكي

شكرا لمرورك اخى هشام
نبطل نحلم لا
صحيح ان اغلبية الاحلام مش بتتحقق لكن
بعضها بيتحقق
اليوم لو نفسك تحلم بشقه
لازم تقرر الاول
هى ايجار ولا تمليك
علشان التطلعات
انا رأى تحلم بعماره 15 دور وبها 2اسانسير كمان
احتمال يبقى فى حظ
وتمتلك شقه
الاسعار ولعت وتعتبر مش للشعب المصرى
بارك الله فيك وحققت كل ماتتمناه
اختك طله

[المستشار محمد]

السلام عليكم

مووضعك جميل وكلماتك رائعة حقا "

ومعبرة عن كل ما تحمله من معانى بين طياتها

تحياتى يافندم لزوقك ولحضرتك شخصيا"

معالى المستشار

[العاشقة المجروحة]

تسلم ايديكى يا طلة القمر
بجد كلام جميل
هنحلم زى ماحنا عايزين
لانهم مش هما اللى بيحققوا احلامنا لا
فى رب إسمه كريم هو اللى شايف أحوالنا
وان شاء الله مهما طال الزمان ولا قصر
احلامنا هيحققهلنا وكل واحد عنده حلم لازم
يسعى عشان ربنا يحققهوله حتى لو مليون ايد
وقفت وهدتهوله

[طلة القمر]

عندما نتحدث مع شيخ كبير عن الماضي يطول الحديث وتزداد الاشواق والحنين

وبرغم الحقد والقسوه الذى يجدها فى هذا الماضى الا انه يحن اليه ويشتاق اليه

فهل سألنا انفسنا لماذا؟؟؟

هل هذا بسبب اننا شرقيون تحركنا العواطف ام اننا عرب نفتخر بالماضى
هذه هى طبيعتنا اللى فطرنا عليها دائما ما نتمنى المستقبل وعندما ياتى نتمنى لحظه من الماضى
ولذلك امثله كثيره قسها على نفسك انت
عندما كنت فى المرحله الثانويه تتمنى ان تصل للجامعه كى تنال الحريه وتتخلص من القيود
وعندما تخطو قدماك الجامعه سرعان ما تحن للمرحله الثانوبه وما فيها من لذات
قس على ذلك الشيخ المسن فى لحظه ما فى عمره يتمنى لو ان فى بيته تلفاز كى يشاهد العالم بأسره ونحن الان وعندما يحصل عليه ينتابه شعور الحنين الى الماضى المظلم

"فى النهايه هذه هى فطرتنا اللى فطرنا الله عليه نشتاق للمستقبل ونحن للماضى
لذلك لابد ان نعيش كل لحظه فى وقتنا الحاضر ونتمتع بها كانها الاخيره لانه سياتى يوما نندم ونتمنى ان ترجع هذه اللحظات".

شوفتى يقى كنت هنسى أشكرك على الموضوع الجميل دا
ربنا يبارك فى عمرك

شكرا لمرورك اخى احمد
ومعذرة لتأخيرى فى الرد
ردك مقنع
فعلا نحن هكذا
نتسابق لنعيش بكره ونحن للحظه من امبارح
ودايما نحكى ونتحاكى عن ايام زمان كأنها الافضل
فى كل شئ
ولو رجعت بالذاكره كان والدى الله يرحمه يحكى ويتحاكى عن ايام زمانه وهى طفولته على انها الافضل
ويقول ربنا يكون فى عونكم
تفس المشاعر والكلمات تتكرر
ونقولها لاولادنا اليوم
ربنا يكون فى عونكم
يارب يكون بكره احلى من اليوم
بارك الله فيك واسعد ايامك
اختك طله

[طلة القمر]

[QUOTE=المستشار محمد;747735]السلام عليكم

مووضعك جميل وكلماتك رائعة حقا "

ومعبرة عن كل ما تحمله من معانى بين طياتها

تحياتى يافندم لزوقك ولحضرتك شخصيا"

معالى المستشار[/QUOTE]
وعليكم السلام ورحمة الله وبركاته
شكرا لمرورك وردك
جزاك الله خير اخى محمد
اختك طله