أشهد يا تاريخ ( ماذا فعل بنا حسني مبارك ؟؟؟)

[لبنى مصر]

لا بس ياهشام استنى عشان دى كانت لحظة غضب منى انا واثقه ان دم كل واحد اتقتل فى عهده فى رقبته واى حد اتظلم او اتهان او كرامته راحت او معرفش يجيب حقه هو الى مسئول بس احنا منعرفش الراجل ده كان فاهم ايه اذا كان احنا منعرفش لسه كمان ايه اللى بيحصل فى مصر اكتر من كده وكمان كل الحكام اللى هيجو بعده هيحصل فى عهدهم اكتر من كده
يارب ميطلعش عارف عشان انا للاسف وانا اسفه انى ببقول للاسف لسه بحبه
هقولك حاجه
من بعد سيدنا عمر كل الحكام ظالمين مفيش حد هيجى عادل ابدا هو ده المختصر
ولو انت بقيت رئيس جمهوريه ولو انا بردو بقيت رئيس جمهوريه بردو هنظلم اكيد بقصد او بدون اؤكدلك
استر عليا بقى ومتفضحنيش وتقول لبنى غيرت رايها وبلاش الصور اللى بتوجع دى عشان مغيرش رايى تانى
تقبل مرورى
اختك لبنى

[لؤلؤة]

والله انا بشكرك جدا على مجهودك دا.. وبالنسبة لمبارك دا فنو كومنت.. هو دلوقتي اضعف ما يكون فمش هنزل بمستوايا واغلط في واحد ملوش اي اهمية حاليا

[HoBa HoBa]

اهو ربنا بيخلص كل ده

[هشام اللول1]

شكرا لمروركم جميعا
ونورتوا الموضوع

الاخت لبني
في حاجه اسمه تليفزيون وكمبيوتر ونت
وفي طائرات وسيارات
مش تقارير وورق وبس
( المعني انه حسني مبارك كان بيحكم البلد
عن طريق التقارير والاوراق اللي بتوصل ليه من السكرتاريه )
ودي مصيبه كبيره والله

ومحدش قال انه يبقي عادل 100%
بس يحاول يشيل الظلم عن الشعب
ام حسني مبارك والله كان متعمد انه يظلم الشعب

كام وزير او مسئول في عهد حسني مبارك غلط
وكانت غلطته بموت مواطنين كتير
حاسب منهم كام وزير او مسئول
اقولك امثاله
يوسف والي مبيدات مسرطنه
محافظ القاهره صخره الدويقه
صاحب عباره السلام اللي هرب
وزير النقل وقت حريق القطار
وزير الداخليه عن حالات التعذيب

طالما مش كان بيحاسب الظالم
يبقي كان متعمد يظلم

انا شخصيا هافضل هدعي علي الظالم والمتعمد بالظلم
( ربنا ينتقم من كل مسئول وقع ظلم علي المواطنين
وكل مسئول كان في ايده يرفع الظلم ومشالهوش )

شكرا لمروركم الكريم
وبارك الله فيكم وحفظكم ورعاكم