نفسك إيه يتغير فى مصر ؟

[عفريت أفندى]

نفسك إيه يتغير فى مصر ؟

السلام عليكم و رحمة الله و بركاته


اتمنى من خلال هذا الموضوع ان يشارك كل من يحب مصر سواء من اهلها او من خارجها
و يدلنا على احد الاشياء او العادات او الممارسات او القوانين او السياسات ....
التي يرى انها اكثر الاشياء ضررا بمصر و المصريين
ربما بعدما نتفق عليها نتفق معا على كيفية تغيرها
من اجل مصر افضل


و اسمحوا لي ان ابدأ واقول ( الواسطة )
اكتر شيء بكرهه في مصر
عايز تدخل كلية عسكرية بالواسطة
عايز تتعين معيد بالواسطة
عايز تسافر بعثة بالواسطة
عايز تشتغل في اي وظيفة بالواسطة
عايز تخلص ورق بالواسطة
عايز تتعالج بالواسطة
عايز تكسر جميع انواع القوانين و ماحدش
يحاسبك بالواسطة
عايز ........... بالواسطة
عايز ........... بالواسطة
عايز ........... بالواسطة
امتى اشوفك يا مصر ماشية من غير واسطة؟

[اميره بلا وطن]

اه والله
انت اتكلمت عن الواسطه ودى فعلا حاجه تخنق
انا بقى
نفسى حاجات كتير اوووووى تتغير
نفسى الغلبان يعيش فى امان
نفسى احوال البلد تنصلح بقى
لان العمر بجد مابقاش فيه
واللى باقى فيه مش مضمون

[SCREEM]

حلو المووضوع

ونغيرها ليه ما الحياه زي الفل وبيس

اكل نضيف مروي بالصرف الصحي وبناكل

ميه نضيفه من النيل وفيها حيوانات ميته وبنزين

ناس بتهرب بالملايين من البنوك وتسافر ويرجعو البلد تاني عادي جدا

تخش تقدم ع شغلانه ومعاك مؤهل وجنبك واحد ابن بابي ومامي هو الي ياخدها

تبقي مش لاقي حق العلاج ووزير الماليه يطلع يتعالج ع نفقه الدوله بيييييس

الريس يطلع يقول لا مساس بكرامه المصريين ف الخارج وتتضرب بره وجوه ايزي ايزي

اتنين عساكر يضربو ف الاستاد محدش يفتح بقه انما لو عمرو دياب ولا تموره كانت الدنيا اتقلبت

ارض يطلع ليها حكم قضائي بمنع البيع وسبحان الله يا اخي تتباع برضه لنفس الشركه .. البلد فيها استغمايه
بذمتك في احلي من كده اغيرها ليه

جتكم الهم شعب مش عجبكو حاجه

[عفريت أفندى]

اه والله
انت اتكلمت عن الواسطه ودى فعلا حاجه تخنق
انا بقى
نفسى حاجات كتير اوووووى تتغير
نفسى الغلبان يعيش فى امان
نفسى احوال البلد تنصلح بقى
لان العمر بجد مابقاش فيه
واللى باقى فيه مش مضمون

عشان ده يتحقق يا أميره

لازم كل واحد فينا يعرف حقوقه و يدافع عنها

ما ضاع حق وراءه مطالب

لازم كل الناس تصحى و تفوق و تبطل خوف

لازم كل واحد فاسد او مقصر الناس تحاسبه

كل مسئول لازم يعرف ان الكرسى زايل و أنه سيحاسب إذا قصر فى عمله

تسلمى يا أميره ع المرور و المشاركه

و يارب مصر تبقى أفضل

[عفريت أفندى]

حلو المووضوع

ونغيرها ليه ما الحياه زي الفل وبيس

اكل نضيف مروي بالصرف الصحي وبناكل

ميه نضيفه من النيل وفيها حيوانات ميته وبنزين

ناس بتهرب بالملايين من البنوك وتسافر ويرجعو البلد تاني عادي جدا

تخش تقدم ع شغلانه ومعاك مؤهل وجنبك واحد ابن بابي ومامي هو الي ياخدها

تبقي مش لاقي حق العلاج ووزير الماليه يطلع يتعالج ع نفقه الدوله بيييييس

الريس يطلع يقول لا مساس بكرامه المصريين ف الخارج وتتضرب بره وجوه ايزي ايزي

اتنين عساكر يضربو ف الاستاد محدش يفتح بقه انما لو عمرو دياب ولا تموره كانت الدنيا اتقلبت

ارض يطلع ليها حكم قضائي بمنع البيع وسبحان الله يا اخي تتباع برضه لنفس الشركه .. البلد فيها استغمايه
بذمتك في احلي من كده اغيرها ليه

جتكم الهم شعب مش عجبكو حاجه

نقد مميز لأحوال البلد بأسلوب ساااااااخر

و كل ده حصل ليه ؟

تفتكر ايه السبب ؟

اعتقد ان الصمت الرهيب و الخوف أهم الاسباب

الفساد انتشر بصورة رهيبه و على كافة المستويات و فى جميع المجالات

لازم توعية للشعب عشان يعرف واجباته و يقوم بيها و يعرف حقوقه و يدافع عنها

إذا الشعب يوما أراد الحياه

فلابد أن يستجيب القدر

تنقصنا الإراده الحقيقيه للتغير

نظام و حكومه تتحدث كثيرا دون تحقيق اى وعود

اذا أرادوا الإصلاح يتحدثون و يناقشون و يذهب كل شيئ هباءا منثورا

لا توجد إراده حقيقيه او جديه لتحقيق اى اصلاح او تغيير لدى النظام او الحكومه

لذلك وجب على الشعب بكافة فئاته و طوائفه ان يطالب بحقوقه

فقد طالت المعاناه أبسط حقوق المواطن البسيط

اصبح المواطن لا يجد مقومات الحياه الأساسيه كالماء النظيف و الطعام

و المسكن الملائم و العلاج الضرورى

إلى متى سنظل صامتين ؟

متى سنتحرك ؟

علينا جميعا التكاتف و الإحساس بالمسئوليه تجاه الوطن و تجاه الأجيال القادمه

مشكور كريم على مشاركتك المميزه

و حفظ الله مصرنا

و قضى الله على كل فاسد كان سببا فيما نحن فيه

[عفريت أفندى]

نفسى تتحقق العداله الإجتماعيه

الكل سواسيه أمام القانون

يطبق القانون على الجميع الوزير و الغفير الكبير و الصغير

أن يكون هناك عدالة فى توزيع الأجور

كيف يشعر مواطن أن هناك من يتقاضى راتب بالملايين و هو غير قادر على

الحصول على أبسط مقومات الحياه له و لأسرته ؟

نفسى الكل يحترم القوانين و يطبق أحكام القضاء

كيف يحترم المواطن القانون و يطبق احكام القضاء إذا كانت الدوله

نفسها لا تحترم القانون و لا تطبق أحكام القضاء ؟

نحن فى زمن التناقضات

نظام يتحدث عن إحترام القوانين و تطبيقها و لا يحترمها و يماطل فى

تطبيقها

إمتى أشوفك يا مصر بتحترمى القوانين و بتطبيقها ؟؟

[هشام اللول1]

اشكرك ياوليد علي الموضوع الجميل ده
في حاجات كتير في البلد عاوزه تتغير

وانت قولت الواسطه
الواسطه بتحطم معنويات الشباب
ومعنويات كل الفئات لما يروا افضليه في التعامل بينهما

وقولت العداله
عداله ايه بس والقانون اللي بيحكمنا فرنسي وغربي
وكلها ثغرات والحرامي يطلع براءه والشريف هو اللي يتسجن
ومين عنده الجراه ان يشتكي حد مسئول
ربنا يرحمك ياعداله

انا بقي ياحاج وليد نفسي في
(((( الامان )))))
تمشي في الشارع مش نخاف لعسكري يرميك في عربيه بوكس
او محشش ومتقل العيار يمشي يتحرش بواحده ست
او الواحد يفتح مشروع وجنبك مشروع لاحد مسنود وينفسك منافسه غير شريفه وممكن يأذيك
او تروح تنتخب و تلاقي بلطجي ماسك حاجه في ايده وبيهددك
او تخاف تشتري شقه ولا ارض ليأتي حد مسنود يقولك دي ملكي وياخدها منك
او
او
او


الشارع المصري اصبح كلها مشاغبات ومشاحنات
والناس بتلكك لبعضها

انا لما كان يبقي عندي مصلحه في المحكمه او قسم شرطه بشوف بلاوي كتير قووووووي
حالات تعدي
حالات تحرش
حالات اغتصاب
خناقات
سرقات بالاكراه
خطف

من امتي وكانت موجوده كل الظواهر فيكي يامصر

مصر اصبحت بلد الامن والامان للاجانب فقط

انا كنت شغال في شرم الشيخ فتره زمنيه
كنت بالفعل بشوف الامن والامان الحقيقي

استر يارب علي شعب مصر وعلي اهلينا

بارك الله فيك وحفظك ورعاك وليد
ومتابع معااااااااااااااك ياحاج

دمت بخير وصحه وراحه بال وود

[ايسل]

اسمحلى وليد انا لو قولت نفسى فى ايه يتغير هكتب ليك عشر صفحات ولكنى سأفعل شئ اخر كل يوم هدخل موضوعك اقول على حاجه نفسى تتغير

نفسى يتغير ايه فى مصر

نفسى اشوف المصرى اللى جدتى بتحكيلى عليه وبشوفوا فى الافلام القديمه
المصرى الشجاع
نفسى يقتلوا الخوف من قلوبهم
نفسى يبطلو رعب وجبن
نفسى يعرفوا ان ايد لوحدها متصقفش
وعلشان كده الجبن والرعب اتملكهم
علشان اتفرقوا
نفسى يتوحدوا تانى ويبقو ايد واحده
كلمتهم وغضبهم يهزو عروش
نفسى اشوف المصرى اللى شوفتوا
فى فيلم الارض(محمود المليجى وعزت العلايلى) مثلوا دور انا صدقتوا
وكنت متاكده ان ده المصرى
وفعلا كان ده المصرى
دلوقتى للأسف لا
من كتر الخوف والرعب اللى بقى عايش بى
المصرى بقى يخرج فى خارج مصر وبردوا الرعب والخوف جواه
الناس حسوا بضعفه استهونو بي
نفسى يرجع المصرى الشجاع الراجل
شكرا وليد للمساحه اللى اديتهالنا نعبر فيها على اللى نفسنا نشوف مصر فيه ولى عوده بأذن الله

[عفريت أفندى]

اشكرك ياوليد علي الموضوع الجميل ده
في حاجات كتير في البلد عاوزه تتغير

وانت قولت الواسطه
الواسطه بتحطم معنويات الشباب
ومعنويات كل الفئات لما يروا افضليه في التعامل بينهما

وقولت العداله
عداله ايه بس والقانون اللي بيحكمنا فرنسي وغربي
وكلها ثغرات والحرامي يطلع براءه والشريف هو اللي يتسجن
ومين عنده الجراه ان يشتكي حد مسئول
ربنا يرحمك ياعداله

انا بقي ياحاج وليد نفسي في
(((( الامان )))))
تمشي في الشارع مش نخاف لعسكري يرميك في عربيه بوكس
او محشش ومتقل العيار يمشي يتحرش بواحده ست
او الواحد يفتح مشروع وجنبك مشروع لاحد مسنود وينفسك منافسه غير شريفه وممكن يأذيك
او تروح تنتخب و تلاقي بلطجي ماسك حاجه في ايده وبيهددك
او تخاف تشتري شقه ولا ارض ليأتي حد مسنود يقولك دي ملكي وياخدها منك
او
او
او


الشارع المصري اصبح كلها مشاغبات ومشاحنات
والناس بتلكك لبعضها

انا لما كان يبقي عندي مصلحه في المحكمه او قسم شرطه بشوف بلاوي كتير قووووووي
حالات تعدي
حالات تحرش
حالات اغتصاب
خناقات
سرقات بالاكراه
خطف

من امتي وكانت موجوده كل الظواهر فيكي يامصر

مصر اصبحت بلد الامن والامان للاجانب فقط

انا كنت شغال في شرم الشيخ فتره زمنيه
كنت بالفعل بشوف الامن والامان الحقيقي

استر يارب علي شعب مصر وعلي اهلينا

بارك الله فيك وحفظك ورعاك وليد
ومتابع معااااااااااااااك ياحاج

دمت بخير وصحه وراحه بال وود

الأمان

حتى يأمن افراد المجتمع على انفسهم و أموالهم و دماءهم وجب على الحكومه أن توفر لهم حياه كريمه

وجب عليها ان توفر لهم الوظائف

لن يستطيع الأفراد ان يشعروا بالأمان مادام هناك بطاله و بأعداد ملحوظه

أين هى مشاريع الحكومه الموجهه للشباب ؟

لو حدث و قامت الحكومه بتوجيه بعض مشاريعها للشباب لوجدنا الكثير من العراقيل فى التنفيذ و لوجدنا الفساد و الرشوه و المحسوبيه

إذن لكى تشعر بالأمان عليك أن تقضى على البطاله حتى تستطيع القضاء على الفقر و بالتالى يحيا المواطن حياه كريمه تغنيه عن السرقه او الرشوه و ما الى ذلك من اعمال اجراميه تهدد أمن الجميع

مشكور هشام على مشاركتك المميزه

و بارك الله فيك

و حقق الله الأمن و الأمان للوطن و المواطنين

[عفريت أفندى]

اسمحلى وليد انا لو قولت نفسى فى ايه يتغير هكتب ليك عشر صفحات ولكنى سأفعل شئ اخر كل يوم هدخل موضوعك اقول على حاجه نفسى تتغير

نفسى يتغير ايه فى مصر

نفسى اشوف المصرى اللى جدتى بتحكيلى عليه وبشوفوا فى الافلام القديمه
المصرى الشجاع
نفسى يقتلوا الخوف من قلوبهم
نفسى يبطلو رعب وجبن
نفسى يعرفوا ان ايد لوحدها متصقفش
وعلشان كده الجبن والرعب اتملكهم
علشان اتفرقوا
نفسى يتوحدوا تانى ويبقو ايد واحده
كلمتهم وغضبهم يهزو عروش
نفسى اشوف المصرى اللى شوفتوا
فى فيلم الارض(محمود المليجى وعزت العلايلى) مثلوا دور انا صدقتوا
وكنت متاكده ان ده المصرى
وفعلا كان ده المصرى
دلوقتى للأسف لا
من كتر الخوف والرعب اللى بقى عايش بى
المصرى بقى يخرج فى خارج مصر وبردوا الرعب والخوف جواه
الناس حسوا بضعفه استهونو بي
نفسى يرجع المصرى الشجاع الراجل
شكرا وليد للمساحه اللى اديتهالنا نعبر فيها على اللى نفسنا نشوف مصر فيه ولى عوده بأذن الله

حتى نجد هذا المصرى الشجاع المطالب بحقوقه دون خوف ذو المبادئ و الشخصيه القويه علينا أن نغير من ثقافة الشعب

و لن يحدث ذلك إلا بتوعية كافة شرائح المجتمع و خاصة البسيطه منه

تغيير فى المعتقدات و المفاهيم الخاطئه و تصحيحها

توعية الجميع بواجباتهم و حقوقهم

و بالإمكان حدوث ذلك عن طريق إعلام هادف و ليس إعلاما هداما للقيم

إعلام يناقش السلبيات و يعرض الحلول

إعلام ذو رساله واضحه و هدف محدد ألا و هو العوده إلى الأصاله و إلى القيم و المبادئ و الأخلاق الحميده

مشكوره ايسل على مشاركتك المميزه

و بالتأكيد لك كل الحريه فى التعبير عما تريدين تغييره

فالموضوع ملك للجميع

فهى مساحه للتعبير للجميع

دمت بود و إحترام و تقدير