نفسك إيه يتغير فى مصر ؟

[الحريه]

ايه دة دعوه للاحلام كلكم نفسكم انها تتحقق

ياااااااااااااارب تتحقق

بس لو طالت المده محدش يفقد الامل

ومتنسوش ان احنا فى مصر يعنى الصبر الصبر الصبر

فى كل حاجه وفى اى شىء

وانا كمان نفسى فى حاجات كتير تتغير فى مصر

بس مش هحلم علشان لو متحققتش ميجليش احباط

شكرا يا وليد على الموضوع

[hadede]

متابعة الاوائل ودعمهم

فى كل عام يتم الاحتفال باوائل الشهادات العامة

ياريت

يتم متابعة هؤلاء الاوائل فمثلا لو صرفنا على هؤلاء مثل ما نصرف على اهل الفن والكورة

سيصبح لدينا فى المستقبل علماء

تتميز بالانتماء

بارك الله فيك وليد دمت فى حفظ الله ورعايته

[دره]

نفسى نهتم زى ما قال عماد بالاوائل
والعقول المتميزه بل العبقريه
بدل مااهم بيسافروا بره ويا ينجحوا ويقدروا يكموا او نهايتهم القتل
او فى بلدهم هنا على الهامش

[ابو تريكه]

نفسى بجد نطبق الشريعه الاسلاميه وحدود الله اللى نص عليها القرأن الكريم والسنه النبويه الشريفه


ولو ده حصل كل شئ هيرجع زى زمان (عهد الخلفاء الراشدين )

[هشام اللول1]

الرشوة والاستغلال

العيب ده للاسف مش في الحكومه ده في الموظفين البسيطه بردوا من عامه الشعب
يعني انا قبل ما اسافر
كنت محتاج اخرج ورق كتير منها
رخصه قياده
بطاقه جديده
ورقه من التنجيد
شهاده البكالوريس
كومسيون المستشفي
مكتب السفريات

وطبعا كل مكان من اللي انا ذكرتهم
كلهم بل استثناء احصل شخص او اكثر
لازم ولابد ان ياخذ رشوة
واذا تعنت معاه يعطل لك وقتك
( وفوت علينا بكره يا سيد )
نفسي فعلا كل موظف بأيده ان لا يعطل الناس
ربنا فعلا هيجزيه خير علي كل عمل بيعمله
والناس تبطل استغلال

حفظك الله ورعاك وليد
دمت بخير وسعاده وصحه وراحه بال وود

[طيور الجنه]

انا بئه نفسي الناس الشريره هي اللي تتغير
مصر كلها جميله بعيد عنهم
ديه هي ام الدنيا

[paradise_salma]

انا نفسى فى حاجه واحده بس .." ان كل انسان يتخلق بخلق الدين الاسلام "
اذا صلح الدين صلح كل شىء سنجد ان الاغنياء يتصدقون باموالهم ولن يكون هناك فقير فيها او محتاج
اذا صلح الدين سيتقى حكامنا الله فينا وفى امورنا ولن نجد موظف مرتشى لان راتبه لا يكفى شىء
اذا صلح الدين سنجد الناس يهتمون بنظافه كل شىء فالنظافه من الايمان كما قال لنا ديننا ورسولنا
اذا صلح الدين سنجد مساجدنا ممتلئه بالمصليين لن نجد سارق او نصاب فالكل سيتقى الله ويخافه
اذا صلح الدين لن تجد شباب على الطرقات لمعاكسه بناتنا
قياسا على ذلك كل شىء فى بلادنا من نظام او غيره سيصلح ..
اتعتقد ان هذه الامنيه صعبه ؟؟
موضوع رائع حقا دمت باسعد حال ..
يارب ارئكم

[عفريت أفندى]

jokata


الحريه

hadede

إسلامى حياتى

أبو تريكه

هشام اللول 1

طيور الجنه

paradise_salma

لكم خالص الشكر و التقدير

لمشاركاتكم الثريه التى زادت موضوعى بريقا و فاااااائده

بارك الله فيكم جميعا

و الموضوع مفتوح لكل الأعضاء للمساهمه و الفضفضه

دمتم بود

[مواطن مصرى]

أبنــــى وليــــــد
نفســــى يتغير فى مصر الافراد اليائسين المتوكليــن الذين يجلسون على المقاهى ويجلسون أمام الكمبيوتر وعايزين مصر تتغير
هتتغير ازاى وانت قاعدين على القهوه ؟
هتتغير ازاى وانتو طول الليل سهرانين قدام الكمبيوتر ؟
عايز ايه مش بالوسطه ! انــا اٌيام ما اتعينـــت متعينتش بالوسطه بس كان خريج التجاره 150 فرد انــما النهارده خريج التجاره 150 الف وخريج الحقوق 250 الف وخريج الاداب 300 الف وباقى الكليات والمعاهد أين يذهبون ؟
لابد لهم من الاعمال وهل الدوله تستطيع ان توفر كل عام اٌكثر من نصف مليون وظيفه ؟
عليكم بالقطاع الخاص والعمل بدون وسطه وعمل اى شىء ان العمل عباده وليس حرام
انا خريج حقوق ومش معقول هشتغل بياع فى محل وليه متشتغلش ؟ ما أنت هتقبض أخر الشهر ويكون معاك قرش بدل ما تقول لبابا وماما ادونى مصروف
العمـــل عباده فأى عمل ليس عيب ولاكن العيب اٌن العـــن الدوله والوسطى وكل ماهو فى البلد
شكـــــــــراٌ

[عفريت أفندى]

أبنــــى وليــــــد
نفســــى يتغير فى مصر الافراد اليائسين المتوكليــن الذين يجلسون على المقاهى ويجلسون أمام الكمبيوتر وعايزين مصر تتغير

و انا كمان نفسى ده يتحقق
يعنى هدفنا واحد و متفقين ان الوضع لا يحتمل و لابد من التغيير

و لكى يتم التغيير يجب تغيير سلوك الأفراد و الإجتهاد و السعى و بذل الجهد و عدم إهدار الوقت
هتتغير ازاى وانت قاعدين على القهوه ؟
هتتغير ازاى وانتو طول الليل سهرانين قدام الكمبيوتر ؟

بالتأكيد لو ظل الحال هكذا
لن يتم اى تغيير
و لكن لسنا جميعا كشباب من هذه النوعيه التى تتحدث عنها
منا الصالح و الطالح منا المجتهد المجد و الكسول لسنا جميعا نوعيه واحده
و ما وصل اليه حالنا لسنا وحدنا المسئولين عنه و لكن للنظام مسئوليه كبرى و مشتركه معنا النظام يسلط الضوء على ما هو مضيعه للوقت و ليس مفيد و لا يرق ليكون قدوه او مثل يحتذى به فترى الغوغاء و من هم لا قيمة لهم على الشاشات و ف الصحف و المجلات

النظام لا يهتم بالعلم او أصحابه

النظام أساس لكل الإحباطات التى نراها امام اعيننا و لا أنفى ان بعض الشباب مشترك فى ذلك عن طريق عدم تحمله للمسئوليه و قلة وعيه

عايز ايه مش بالوسطه ! انــا اٌيام ما اتعينـــت متعينتش بالوسطه بس كان خريج التجاره 150 فرد انــما النهارده خريج التجاره 150 الف وخريج الحقوق 250 الف وخريج الاداب 300 الف وباقى الكليات والمعاهد أين يذهبون ؟

الشباب طاقه اذا أحسن استخدامها قادت الوطن الى أبعد من الخيال فى كافه المجالات

اما ان يقوم النظام بالشكوى من تعداد الخريجين او السكان فهذه قلة حيله و سوء إداره من النظام

هناك دول مثل الصين أحسنت الإستفاده من التعداد عن طريق إداره واعيه

ان تجد فرد واحد بلغ أرذل العمر و لازال يعمل فى اكثر من وظيفه حكوميه واحده و يجمع بين الوظائف فهذا عته من النظام
فقد اخذ هذا الشخص حقوق الآخرين على مدار سنوات عديده و فى أكثر من وظيفه

ان تجد الفساد فى كل مجال و الواسطه و المحسوبيه هما القاعده و الأمانه و الشرف هم الإستثناء فهذا اختلال لا يمكن التهاون او التسامح فيه

ان اكون خريجا متميزا و زميلى يرسب كثيرا و نتقدم سويا لنفس الوظيفه و يفوز بها زميلى الغير كفء فهذا يدعو إلى الكره و السخظ و عدم الشعور بالإنتماء

لابد لهم من الاعمال وهل الدوله تستطيع ان توفر كل عام اٌكثر من نصف مليون وظيفه ؟

بالإداره الواعيه و الاستخدام الأمثل للثروات الطبيعيه و البشريه تستطيع

عليكم بالقطاع الخاص والعمل بدون وسطه وعمل اى شىء ان العمل عباده وليس حرام

انا اعمل بالقطاع الخاص منذ تخرجى
و قابلت العديد من الإحباطات منذ التخرج
و سافرت الى الخارج و اعمل خارج البلاد حاليا لسوء الأحوال على كافة المستويات
و هناك العديد أمثالى فى كافه البلدان و المجالات

انا خريج حقوق ومش معقول هشتغل بياع فى محل وليه متشتغلش ؟ ما أنت هتقبض أخر الشهر ويكون معاك قرش بدل ما تقول لبابا وماما ادونى مصروف
العمـــل عباده فأى عمل ليس عيب

هناك العديد من الشباب ساروا على نفس النهج
و لم ينتظروا تعيينا من الدوله
و مازالو يكافحون و اعلم منهم الكثير

ولاكن العيب اٌن العـــن الدوله والوسطى وكل ماهو فى البلد

ليس لائقا ان يلعن أحد الدوله
فمهما حدث لا نجد أمتع و ألذ من قضاء الوقت فى بلدنا

اما لعن الواسطه و كل شيئ سيئ و فاسد فهذا حق أصيل لا يجب التخلى عنه
فهى سبب تخلفنا و سبب انهزامنا
لأنه لو كان الرجل المناسب فى المكان المناسب لما وجدنا اى فساد او غش

شكـــــــــراٌ

شكرا لك والدى العزيز

و أرجو ان تأخذ كلامى بسعة صدر

لك فائق الود و الإحترام و التقدير