انت بلياتشو.؟؟؟؟!!!

[&!! Who's care&]

السلام عليكم ورحمه الله وبركاته

والصلاه والسلام علي رسول الله

موضوع النهاردة




( الدنيا دي فيها كام بلياتشو الزمن لاطشه افاه حرقه بجاز الزمن وعده قام صدق هتشه واهي ضربت شقلباظ )



وعلي رأي جاهين

بــلـيـاتـشــو قال إيه بس فايدة فنونــــي ؟

و تلات وقاق مساحيق بيلونونـــــــي

و الطبل و المزامير و كتر الجعـــــــير

إذا كان جنون زبـوني زاد عن جنوني

عـجـبـي !!!


دلوقتى وفي الزمن اللى احنا فيه دة بنلاقي ناس كتير اوى ممكن نكون احنا منهم

بنحاول نخفي حزننا عشان غيرنا ميدايقش وبنقعد نضحكهم ونهزر معاهم عشانهم هما بنحاول ننشر السـعاده في قلبهم والبسمه على شفايفهم باي طريقه بنعاملهم بكل صدق وامانه وبنحبهم من قلبنا

بنقدم لهم كل خير وكل وسائل السعاده

وفجاه نلاقي نفسنا مجرد مرحله في حياتهم كنا مجرد بلياتشو في سيرك كبير

بيحتوى على الخيانه والغدر

يعنى احنا كنا بنقدملهم كل وسائل الحياه السعيده وهم كانوا بيطعنونا من غير من نحس

كنا بنموت بالبطيء

كنا مجرد صفر على الشمال

يااااااااااه تعرفوا ان من اصعب الاعمال عمل البلياتشو

لانه بيكون في قمه حزنه ومع ذالك بيفرح الناس اللى حواليه وهم ولا حاسين بجرحة

واسئلتى ليكم هى:

هل جربت الاحساس بالخيانه ؟ بعد كل اللى عملته عشانهم ؟ وياترى جربته مع مين؟

واحساسك ايه وانت بلياتشو ولا حد حاسس بيك ولا باللى جواك ؟

ياترى بعد اللى عملوه فيك ممكن ترجع بلياتشو ؟

انا اتكلمت عن مفهوم البلياتشو من وجهة نظرى وقولت انه بيحاول ينشر السعاده بكل الطرق في قلب الناس حتى لو كان بلياتشو

ايه مفهوم كلمه البلياتشو بالنسبه لك؟

تفتكر فى حياتك قابلت كام بلياتشو ؟؟؟؟؟؟ (انا بقصد البلياتشو اللى بيفضل يطنطط حواليك لغايه ما يوصل للى هو عايزه ) ؟

تفتكر احنا بلياتشو في الحياه دي ؟

[اميره بلا وطن]

هل جربت الاحساس بالخيانه ؟ بعد كل اللى عملته عشانهم ؟ وياترى جربته مع مين؟
بصراحه انا ماجربتش الاحساس بالخيانه
لإن أصلا الكلمه دى صعبه اوى
ربنا مايحكم على حد بيها

واحساسك ايه وانت بلياتشو ولا حد حاسس بيك ولا باللى جواك ؟
هو طبعا احيانا محدش بيحس بيا
وبيكون احساس صعب جدااااا
بحس انى وحيده فى الدنيا
وغريبه فى بلد محدش يعرفنى فيها

ياترى بعد اللى عملوه فيك ممكن ترجع بلياتشو ؟
لو انا مكان اى حد اتظلم او انجرح من حد معين لايمكن اكرر الغلطه دى تانى
لازم اتعلم والا يبقى فايده التجارب ايه

انا اتكلمت عن مفهوم البلياتشو من وجهة نظرى وقولت انه بيحاول ينشر السعاده بكل الطرق في قلب الناس حتى لو كان بلياتشو

ايه مفهوم كلمه البلياتشو بالنسبه لك؟
البلياتشو ده حد طيب اوى تغلط فيه قدامه وعارف وسامع ورغم كده بيهين نفسه عشان خاطرك
يعنى حد مش لاقى تقدير خالص

تفتكر فى حياتك قابلت كام بلياتشو ؟؟؟؟؟؟ (انا بقصد البلياتشو اللى بيفضل يطنطط حواليك لغايه ما يوصل للى هو عايزه ) ؟
اه النظام ده
فى كتير جدا
بس بيبان وبيتعرفوا والله
وانا بتجنب الناس دى ومش بحبهم اصلا

تفتكر احنا بلياتشو في الحياه دي ؟
والله بالطريقه دى ممكن نكون احيانا كده بس احيانا بسيطه
او بمعنى اصح فى كتير كده
لكن انا والله
لاعمرى حبيت اكون بلياتشو
ولا اتعامل مع حد كده


موضووووووووع جميل ياحبيبتى
دايما مواضيعك حلوه
ربنا يوفقك

[محمد علي خليل]

نحن في زمن الخيانة والغدر
ومن الصعب جدا للاسف طبعا وجود صديق مخلص يحبك ويخاف عليك زى مابيحب نفسة
ولكن يجب دائما ان نتحلي بالصبر والتفائل واللة المستعان .
محمد علي خليل