المشاركة الأصلية كتبت بواسطة عفريت أفندى
رد مع اقتباس
السلام عليكم
و عليكم السلام و رحمة الله و بركاته
عووووووووووووووو
( تحيه من عفريت أفندى )
******************
الموضوع انا شفته بصراحه في احدي المنتديات قولته لازم اجيبه ونستمتع مع بعض بس بأسلوب مرعب شويه
يعنى انتى تشوفى و أنا أدفع التمن ؟
و مالو يا منار نستمتع مع بعضينا و بأسلوب مرعب مش شويه لالالالالا شويتين تلاته اربعه ما انا كريم موت أصلا
******************
نجي لفكرت الموضوع
لازم آجى معاكوا؟
أوك
يلا بينا
انا هنستضيف باذن الله عضو\ة
ونسئله شويت اسئله ونطلبه يكلمنا عن يوم مرعب مر فيه
فكره تمامووووز
يا منجى من المهالك ياااااارب
بس في الاول طفوا الانوار
وولعوا بخوووووووووور
وهيا نفسك كده
وعيش الدور
طفيت و ولعت و هيأت و كله تمام
و هعيش الدور أهو
ودي نوع لاسئله اللي هسئالها
هنشوفها اهو
و لا بنخاف ولا بنترعب ولا حاجه
ده أحنا جامدين اوى ( استر يا رب )
1)شيئ كنت تخاف منه وانت صغير\ه...؟
الثعابين و الأفاعى بكل انواعها و أحجامها
و لحد دلوقتى لما بأشوفها يا حفيظ
2)هل كنت تخاف من الضلمه...؟
مش دايما
على حسب
بمعنى لو لسه متفرج على فيلم رعب و اشباح او دموى اكيد لازم اكون قاعد ف النور لفتره
لحد ما الفيلم يخرج من نافوخى
3)هل خوفك كان مرتبط بشخصيه مثلا دركولا\اشباح ؟
طبعا و أكيد دراكولا و مصاصى الدماء و الأشباح
بتبقى ليله كوبيه
4)تحب تنام و النور مفتوح؟
لا طبعا استحااااااااله
5 )حصل في عمارتكم جريمه قتل فظيعه مجزرة بمعنه الكلمه وعيله اتقتلت واتقطعت فيها هاتقدر تسكن تانى فيها ؟ وهايبقي احساسك ايه وانت راجع بالليل والدنيا ظلمه وطالع السلالم بالراحه كده وتعدي علي باب الشقه اللى كانت فيها المجزره؟
من ناحيه اقدر اسكن فيها اكيد هاقدر هو حد لاقى سكن اليومين دول ؟
بس هاقعد فتره بعد المجزره اللى حصلت فيها مرعوب و مش هكون لوحدى أبدا ف الشقه
أما إحساسى ع السلم و الدنيا ضلمه هيكون احساس مرعب مخيف شنيع
و جايز أحس إن فيه أشباح و أرواح متابعانى و ماشيه ورايا ع السلم و لو حد قالى بخ ممكن اطب ساااااااااكت كمان
6)اذكر لناموقف مرعب حصل لك؟
اتفرجت على فيلم لمصاصى الدماء و الزومبى و كده و كل ما أدخل أوضه أحس إنهم موجودين فيها و خاصه بعد الفيلم مباشره و يا سلام لو كانت الأوضه ضلمه و انا رايح اجيب حاجه منها
مش هقولك ع الصصبنس اللى بأحس بيه
يا دهوووووووووووتى كل الأفكار المرعبه بتيجى ف مخى وقتها
7)هل تحب تتابع افلام الرعب؟
للأسف أيوه
مش باحرم تقولى ايه ف الخيبه دى ؟
8) تحب تخوف اصحابك أو حد من اهلك؟
أها طبعا و ياما عملتها
9)تحب تغامر بأماكن مسكونه بالجن؟
ممكن ف الخيال
لكن ف الواااااقع اكيد لأ
هو انا ناااااااااقص !
10)لو قلنا لك أختار 3 اعضاء تخدهم معك لبيت مسكون تختار مين ؟ وليه؟
ولعلمك هتقضي يوم هناك ...
3 بس مش هيلبوا طموحى
انا طمااااااع و فيه ناس كتير عاوزهم معايا
لكن هقول ايسل و عفريته هانم و انتى يا منار
ليه ؟
ايسل عشان تتخض و تبطل تكتب ف السياسى
عفريته هانم عشان اشوف هل فعلا اسم على مسمى ولا ........
انتى يا منار عشان طباخ السم لازم يدوقه و انتى صاحبة الموضوع
ممنوع نهائيا الهزار في الرد على الاسئله او في الموضوع
طلب صعب أوى يا منااااااار
و حاولت ألتزم بيه على أد ما أقدر
و فى الختاااااام
عوووووووووووووو
نيهههههههههههههههاااااااا ااى (ضحكه شوريره)
نيها ها ها ها ها ها(ضحكه شوريره متقطعه)
يارب اكون خفيف على قلوب الأعضاء
و بجد استمتعت باستضافتك يا منااااااار
دمت بود
قهوتنا على الانترنت
