رد مع اقتباس
تسلمى يا منار وانا كمان مش هزعلكم وهرد على الاسئله
بس في الاول طفوا الانوار
وولعوا بخوووووووووور
وهيا نفسك كده
وعيش الدور
معاكى عملت كلى اللى طلبتيه
ودي نوع لاسئله اللي هسئالها
اسئلى ياخالتى معاكى على الخط
1)
شيئ كنت تخاف منه وانت صغير\ه...؟
العرسه علشان شكلها وحش قوى وسريعه قوى
يعنى ممكن فى لحظه تلاقيها تحت رجلك وده بيموتنى
2)
هل كنت تخاف من الضلمه...؟
ابدا انا بعشق الضلمه
3)هل خوفك كان مرتبط بشخصيه مثلا دركولا\اشباح ؟
والله يا منار كنت بتفرج على دراكولا واضحك اقول ايه العبيط ده هو ده الخوف هههههههههه
4)
تحب تنام و النور مفتوح؟
ولا اعرف انام لازم الدنيا كحل
5 )حصل في عمارتكم جريمه قتل فظيعه مجزرة بمعنه الكلمه وعيله اتقتلت واتقطعت فيها هاتقدر تسكن تانى فيها ؟ وهايبقي احساسك ايه وانت راجع بالليل والدنيا ظلمه وطالع السلالم بالراحه كده وتعدي علي باب الشقه اللى كانت فيها المجزره؟
جدتى دايما تقولى اللى يخاف من العفريت يطلعلو علشان كده لو فى موقف زى ده ولا هفكر وهطلع وانزل عادى
6)اذكر لناموقف مرعب حصل لك؟
مره راجعه من الدرس وكان فى الشتا وفى شارع
كانو الناس بتقول ان فى كلب بيظهر فيه بالليل
بس شكله مرعب المهم مشيت انا وصحباتى وعمرنا ما شوفناه
فقلت دى اشاعات وروحت يا ستى عملت فيها شجيع السيما مره ومشيت لواحدى ومن اول الشارع مكنش فى حاجه وبس قوم ايه ما طولش عليكى قولى طولى لقيتلك مره واحده والله ما اعرف ظهر منين لقيتو واقف قدام رجلى
لونه اسود وعينه حمرا بس
ولا اتخضيت قدامه ولا حاجه ثبت وبصتلو ومشيت بهدوء
والله يا منار فضل ماشى جنبى براحه ورافع رقبته بيبصلى وفجأه
لما قربت من النور لقيتو اختفى مره واحده والله زى الافلام بالظبط ومن يومها معتبتش الشارع
7)هل تحب تتابع افلام الرعب؟
لا بجد بحسها عبيطه
8) تحب تخوف اصحابك أو حد من اهلك؟
طبعا حبيبتى انا عندى غيرها عفريته هانم دى شغلتى وشغلى الشاغل عمرك شوفتى واحده بتحب تترعب اهى مرام كده ومستلماها على طول
9)تحب تغامر بأماكن مسكونه بالجن؟
اه قوى عندى شغف لكده وكمان ببقى عايزه اثبت للى معايا ان
مفيش حاجه كده وانه كلام فاضى
10)لو قلنا لك أختار 3 اعضاء تخدهم معك لبيت مسكون تختار مين ؟ وليه؟
ولعلمك هتقضي يوم هناك ...
هاخد معايا عفريت وعفريته علشان اضحك عليهم شويه لأنى متأكده انهم اسم مش على مسمى خالص
وكمان اخد حبيبتى ربنا يقومها بالسلامه بنبونايه
علشان اضحك عليهم هما التلاته
فكره لذيذه منار وجديده عجبتنى تسلمى على الاستضافه يا قمر
قهوتنا على الانترنت
المشاركة الأصلية كتبت بواسطة اسلامى حياتى
