مكتوب عليا
أبتسم وأنا قلبى فى الحزن متغمس
ومكتوب عليا اتكتم
وأنا غيرى بيغنى
انا حتى مش من حقى
أخد النفس فى هدوء
أو حتى يخرج منى
وكإن الدنيا دى ومافيها ضدى
وكإن رحم الدنيا
نسينى ولفظنى
من قبل ماأخد حنانى
معايا بيدوسنى
خلاص يادنيا مش عايزة
عطفك ولا حنانك
انا بالهموم ملفوفة
وكأن ده عشانك
مبسوطة من ألمى
ولا من خوفى
وبتضحكى عليا
وانا صرختى ف جوفى
أنا يادنيا أهو
مش هنسى يوم ..شوفى
لحظة مرارى يادنيا
ترجمتها حروفى
وخوفى منك يادنيا
هاغزله بكفوفى
يمكن يطرح امل أو حتى الم
لكن فى النهاية
يادنيا إنت بتغلبى
وبتوه أنا فى أبجدياتك
يا حروفى
نور العيون