فى حالة حدوث ثورة هل هتنزل الشارع ؟

**عفريت أفندى** · 21 - 10 - 2010, 04:36 AM

السلام عليكم

خطرت فى بالى انا و ايسل فكرة الاستطلاع ده يا ريت تشاركونا فيه

فقط ارجو من كل من سيقرأ هذه الدعوة ان يجيب بصدق وامانه حتى نعرف العدد الحقيقي
وهذه ليست ثورة بالفعل .. بل هو مجرد استبيان لنعرف وبكل صدق وامانه هل هناك من سيقف في وجه الطغاة فعليا ام كل هذا ما هو الا مجرد كلام

...اذا كنت ستشارك تفضل بالقبول
واذا كنت لن تشارك قم بالرفض

فقط نرجو الامانة في التصويت من حيث المشاركة

اخواني الاعزاء ارجو من سيادتكم الاتي
السؤال بسيط جدا ولا يحتمل سوى ثلاث خيارات (سأشارك - لن اشارك - ربما أشارك)

نرجو المشاركه و الإختيار من الثلاثة خيارات مع ذكر أسباب الإختيار فى الرد

نحن لم نربط الثورة بقيادة معينه نحن ذكرنا ثورة وتركناها على العموم لنعرف نسبة الايجابية الفعلية

هذا سؤال افتراضي فقط وحدث افتراضي ايضا كل ما نريد ان نعرفه من خلاله هل نحن مناضلون على الكيبورد كما تطلق علينا الحكومة ام اننا قادرون على التغيير بالفعل ؟

ولذلك نرجو الامانة في التصويت

**ايسل** · 21 - 10 - 2010, 04:53 AM

اخوانى واخواتى بجد نفسى كل المنتدى يرد على الاستفتاء ده احنا مش بنطالب بأنقلاب ولا عنف اعوذ بالله احنا عايزين نعتصم فى الشارع التمانين مليون ينزلوا
انا اول واحده هنزل حتى لو هنبات فى الشوارع ونقعد على الارصفه عايزين حقنا بكل ادب عايزينه هيعملو فينا ايه اكتر من اللى عملوه انا بقولكم ان بجد الناس هتنزل وده فى شهر نوفمبر 26 وعايزين نعرف ارأكم انا مش بفرض على حد اختياره بالعكس احنا هنحترم كل الاراء حتى اللى ترفض وياريت تقولو سبب قبولكم او رفضكم وياريت الكل يشارك برأيه
دمتم بود ويارب ينصلح حالك يامصر

**براكودا** · 21 - 10 - 2010, 07:26 AM

اولا صباح الفل عليكم

ووحشتوووووووووووووووووووو وووووووووني

كتير

بالنسبة للموضوع

اكيد انا مش هنزل عمياني

لو مطالب الثورة انا موافقها اكيد هنزل ، ولو معترض عليها مش هنزل

لذلك اخترت (ربما)

**محمد مدحت راغب** · 21 - 10 - 2010, 07:45 AM

السلام عليكم
اولا شكرا ع الموضوع الجميل دة
تاني حاجا بس لو في ثورة بجد انا اكيد هنزل من غير خوف
لان الفساد بئ ف البلد دي كتير جدا وبئ ف كل مكان وعيني عينك ومحدش بيهش ولا بينش

**الحريه** · 21 - 10 - 2010, 09:00 AM

هنزل

لو ثورة بجد هنزل اشارك

بس طبعا مش اى حد اللى يقود ثورة كده
لازم تنظيم وتخطيط
علشان لما نقول ثورة
ننزل الشارع نلاقى مصر كلها معانا مش 1000 شخص او 10000
ونقول ثورة وخدو بالكم فى فرق بين مظاهرة وثورة
طبعا انتو عارفين
وفى الاخر انا مع اى حد ضد النظام
ومستعده لحرب مش ثورة

شكرا وليد وايسل على موضوعكم

ثورة

معاكم فى اى معتقل

**ايسل** · 21 - 10 - 2010, 06:19 PM

وجهة نظر تحترم بر اكودا معك حق لان وجهة نظرك انطبقت مع رايك دائما ما تقول يوجد السئ ويوجد اشياء كثيره جيده ولذلك يجب ان تعلم بماذا سنطالب اشكرك عماد على رأيك
اما بالنسبه لغيابك انا زعلانه بس طالما رجعت خلاص نسيت نورت مكانك عماد والله ليك وحشه ياحاج

**ايسل** · 21 - 10 - 2010, 06:26 PM

اخى محمد ياريت فساد بس لا ده فساد وظلم وفقر وجبروت وخيانه لمصر وقضاء على كل مواردها

شكرا لرأيك اخى ونتقابل كلنا ان شاء الله فى يوم هيكون قريب ندافع فيه عن بلدنا ونقول لكل الظلم

لالالالالالالالالالالالال الالالالالالالالالالالالا لالالالالالالالالالا

**عفريت أفندى** · 21 - 10 - 2010, 06:58 PM

أكيد هنزل و أشارك

و مش هقول غير جمله قالها زكريا عزمى ( الفساد للركب )

هنستنى ايه تانى؟

كل حاجه وحشه موجوده عندنا

كل السلبيات موجوده و بشكل مخيف و رهيب

ايه اللى فاضل عشان نستحمل و نسكت ؟؟

ده رأيى

و منتظر آراء باقى الأعضاء