فى حالة حدوث ثورة هل هتنزل الشارع ؟

**عفريت أفندى** · 21 - 10 - 2010, 10:25 PM

المشاركة الأصلية كتبت بواسطة الحريه

هنزل

لو ثورة بجد هنزل اشارك

بس طبعا مش اى حد اللى يقود ثورة كده
لازم تنظيم وتخطيط
علشان لما نقول ثورة
ننزل الشارع نلاقى مصر كلها معانا مش 1000 شخص او 10000
ونقول ثورة وخدو بالكم فى فرق بين مظاهرة وثورة
طبعا انتو عارفين
وفى الاخر انا مع اى حد ضد النظام
ومستعده لحرب مش ثورة

شكرا وليد وايسل على موضوعكم

ثورة

معاكم فى اى معتقل

اسمك الحريه ( فريدوم )

و اكيد بتدورى عليها فى كل مكان و بشتى الطرق

و ردك بيدل ان اسمك ف محله و اختيار موفق للإسم

ثورجيه باين عليكى

و بعدين مين جاب سيرة المعتقل؟

احنا هنروح ف نزهه يا فريدوم مش أكتر

بلاش تكبرى المساااائل

منوووووووره التوبيك

** همسة ** · 21 - 10 - 2010, 10:33 PM

بصراحة مش هشارك

لان اصلا مفيش امل فى التغيير وخصوصا فى الزمن ده ممكن زمان كان فيه ثورات كتير وفعلا احدث التغيير فى حاجات كتير كفاية ثورة 23 يوليو لكن دلوقتى الناس اصلا اتعودوا على النظام ده مش عندهم القدرة على انهم يحسنوا اى حاجة

شكرا على الموضوع وجرأته

**حرف مشتعل** · 21 - 10 - 2010, 10:53 PM

على حسب مطالب الثوره بقرر
لكن اعتقد ربما لانى اعتقد انه مهما كانت المطالب ستكون بافضل مما نحن فيه
تحياتى

**ميدو2** · 21 - 10 - 2010, 11:00 PM

اناعن نفسى مستنى الفرصه دى
وبجد بتمنى تكون فى ثوره للاصلاح
والتغيير
معاللاصلاح
معا للتغيير
ضد الفساد
ضد الحكومه
شعارات اتمنى تحقيقها على ارض الواقع

**عفريت أفندى** · 22 - 10 - 2010, 03:34 AM

المشاركة الأصلية كتبت بواسطة اسلامى حياتى

ان شاء الله هنزل وهشارك وعلى اتم استعداد لاى شئ فى مصلحه مصر
وان شاء الله ان كان اقرب من كده
انا معاكم ان شاء الله
بالتوفيق

تسلمى يا اسماء من كل شر

مشكوره ع المرور و المشاركه

قادر ربنا يصلح أحوال البلد

دمت بود

**ايسل** · 22 - 10 - 2010, 03:18 PM

لان اصلا مفيش امل فى التغيير وخصوصا فى الزمن ده ممكن زمان كان فيه ثورات كتير وفعلا احدث التغيير فى حاجات كتير كفاية ثورة 23 يوليو لكن دلوقتى الناس اصلا اتعودوا على النظام ده مش عندهم القدرة على انهم يحسنوا اى حاجة

ا شعر باليأس فى كلامك همسه لو مش هنغير علشان الفساد ولا علشان الخراب ولا علشان سمعتنا فى وسط العالم ولا علشان بيقولوا على مصر الغاليه والمصريين مصرائيل يبقى نغير علشان الاكل المسرطن ونهر النيل اللى هيضيع مننا واللقمه الحاف اللى كنا بناكلها ونقول الحمد لله دلوقتى مش لقينها ولا علشان اختى واختك واخويا واخوكى اللى العساكر والظباط بيضربوهم فكرونى بافلام العربى القديمه بتاعت السخره والعبيد اللى بيتجلدوا من اسيادهم كل اللى قولته ده مش لازم يخلينا نيأس ونستسلم لازم نقول لا كفايه
شكرا لمرورك عزيزتى وتحترم وجهة نظرك ايضا لكى جزيل الشكر

**ايسل** · 22 - 10 - 2010, 03:23 PM

على حسب مطالب الثوره بقرر
لكن اعتقد ربما لانى اعتقد انه مهما كانت المطالب ستكون بافضل مما نحن فيه
تحياتى

اذا وجهة نظرك اننا فى حال افضل الان ولذلك لا داعى لأى اعتصام
شكرا ووجهة نظر بردوا نقدرها نورتى الموضوع

**ايسل** · 22 - 10 - 2010, 03:28 PM

المشاركة أكيدة ما دامت ضد الفساد
وسبق لي المشاركة في اعتصمات
( على قدنا يعني )

ضد الفساد والظلم والجبروت والجوع وحاجات كتير شكرا عزيز وربنا يقويك على الاعتصامات علشان انا كمان مجربه بس المظاهرات مش الاعتصامات نورت الموضوع عزيز والمنتدى كله

**عفريت أفندى** · 22 - 10 - 2010, 09:51 PM

المشاركة الأصلية كتبت بواسطة ميدو2

اناعن نفسى مستنى الفرصه دى
وبجد بتمنى تكون فى ثوره للاصلاح
والتغيير
معاللاصلاح
معا للتغيير
ضد الفساد
ضد الحكومه
شعارات اتمنى تحقيقها على ارض الواقع

كلنا بنتمنى اليوم ده يا ميدو

تعبنا و زهقنا م الفساد

مشكور ميدو ع المرور و المشاركه

دمت بود

**هشام اللول1** · 23 - 10 - 2010, 09:58 AM

انا نفسي فعلا الثورة تحصل اليوم قبل غدا
ولكن ياريت يكون ليه تخطيط كفء
والتخطيط يكون
ما قبل الثورة واثناء الثورة وما بعد الثورة
ويكون لابد ان يكون ليها قائد بيخاف علي البلد دي فعلا
وبيتقي الله
وياريتنا فعلا كنت موجود في مصر
او في امكانيه اني انزل مصر في الوقت ده

ويارب حرر مصر من أيد من هم غير جدرين بأدراتها

بارك الله فيكم وحفظكم ورعاكم

مشاهدة نتائج الإستطلاع: فى حالة حدوث ثورة هل هتنزل الشارع ؟

الموضوع: فى حالة حدوث ثورة هل هتنزل الشارع ؟

أدوات الموضوع

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة