بصو هو موضوع كتبته ومعرفش هو يعتبر مع انهي ركن حطيته هنا وخلاص
===============================================
يوم ماالانسان بيتولد كل الي حواليه بيفرحو بس هو الوحيد الي بيبكي ليه؟
ومحدش بيحس بيه ولا بيبكي عشانه ليه؟
ليه الانسان بيبكي لما بيجي الدنيا ياتري عارف قسوتها؟
ولا دا قلب طفل عشان كدا حس بقله الحب والامان حواليه فبيبكي
ليه بنفرح لما انسان يتولد مع اننا عارفين ان الدنيا قاسيه
واكيد هتخدعه
يوم يصاحب انسان كداب ، ويوم يخونه انسان غدار يألمه، و يوم تغريه الدنيا بشهوته فيعصي ربه
مش ادم جه الارض عشان يعمرها
وجم بني ادم بقو بيسعو لخرابها
ايه اتغير في الدنيا عشان تبقي كدا؟؟؟
ولا يا تري الانسان هو الي اتغير؟؟
طب اتغير ليه مهو كان عارف الحق فين
دايما لما يحب حاجه ليه يتحرم منها؟
والاصعب لما يتحرم من انسان بيحبه
او انسان بيحبه هو الي يحرمه من حاجه هو بيحبها دا الاصعب واصعب
اسئله كتير جت في دماغي وملقتش اجوبه ليها قلت يمكن الاقي الاجابه عندكم
وفي الاخر بقول حكمه قرتها وفعلا عجبتني "لو لم تكن الحياه صعبه لما خرجنا من بطون امهاتنا نبكي"