هل حقاً اصبح هذا حلمنا ؟؟؟؟

[Hooba]

يا جماعه ... أنا من أشد المعارضين لكل اللي بيحصل في بلدنا ومواضيعي في القسم السياسي تشهد بكده ....
بس انا دايما ببص كتير للناس اللي أعلي مني في شغلي مثلا وأحاول اتعلم منهم حاجه ... واللي تحت مني بدورهم برضو بيتعلموا مني حاجه .. بس لو أنا رميت كل مشاكلي علي ظروف البلد وإن البلد دي مفيهاش خير لأهلها وكده .. يبقي مفيش حاجه هتتغير ..
وما تنسوش إن مصر ... مش حكومه وبس ... مصر هي انا وإنت ... يعني فيه جزء كبير من المسؤليه علينا برضو ..
نقوم إحنا نهرب من المسؤليه دي بره البلد .. ونرضي إننا ناكل لقمه عيش مغموسه بـ ذل ...
تغور اللقمه اللي الغريب يأكلها لك يا ابن بلدي .. وإنت بلدك خيرها لسه فيها ...

[اسيرة الغربه]

بجد يا جماعه الغربه صعبه مش سهله ابداااااااااااا

ويمكن انتوا مش حاسين بالحكايه ديه لانكوا في مصر

بس علي راي شيرين((يمكن ناسي لانك فيها مش وحشاك ولا غبت عليها بس اللي مجرب وفرقها قال في الدنيا مفيش بعديها............

بجد مفيش فعلا بعديها ولا قبليها

دي نار مصر ولا جنة اي بلد تانيه

ليه دايما الشباب عندهم استعداد انهم يسافروا بره ويشتغلوا في المطاعم ويغسلوا المواعين لكن في مصر مستحيل حد من الشباب يعمل كده

ليه دايما ندي امكنيتنا وقدرتنا لبلاد مش بلدنا اصلا ليه ميكنش في بلدنا احنا فعلا الللي ننهض بيها ونعليها

سوري علي التطويل بس بجد الموضوع عايز نقاش

[Hooba]

عين العقل ... ده غير إني أساسا بكون مكسوف موووت ونص هدومي لو حد شافني من صحابي مثلا وانا بغسل المواعين ولا بمسح أرضيات ولا كأنهم هما اللي ولاد وزراء ....
وبعمل فيها سبع رجاله لما حد بيعرض عليا شغلانه تأكلني عيش وانا كل اللي معايا محو أميه .. واعامله كأني إبن مدير أمن العاصمه ...

محدش أبدا بيرضي باللي ربنا قاسمه له .. ودي هي المصيبه الحقيقيه

[Young DeviL]

ميتهيقليش الغربه هيا الحل الي الشباب المفروض تعمله الي بيحب البلد دي وعايز ابنه يلاقي فيها شغل ويبقي حاله احسن يشتغل اي حاجه علي الاقل هيبني ولو قليل وحتي لو اتذل في بلده هيلاقي الف ايد مش هقول مليون بيواسوه وبيصبروه انما في الغربه هيلاقي نفسه لوحده وبرده يفتكر انه هيكون وسط اهله وبيبني بلده

[طيف عابر]

حوار مميز جدا بصراحة
وطبعا كل الشكر للمشاركين بالحوار على اختلاف اراءهم

هوبا ---عصام ---ميشو----اسيرة ----توتي ----شيطانة

انا لاحظت انه في فريق مع وفريق ضد
لكن صدقوني الواقع بيفرض علينا الهجرة
انا بعرف شباب لسه ما تخرجوا من الجامعه وحاجزين للسفر ل كندا

ولما كنت متلكم وقلتلهم بتتخلوا عن اهلكم والبلد والله الاجابه خلتنى اسكت وما اناقش
عارفين ليه

لانهم قالوا وباختصار

نحنا ببلادنا قاعدين عاطلين ولو اشتغلنا بنطلع ملاليم يعنى عالة على اهلنا ووطننا

انما لو اغتبرنا رح نفيد اهالينا وبلدنا لما نحول فلوس ونستثمرها بالبلد

تسلمو جميعا جميعا وفعلا اثريتم الموضوع جدا
يبارك بقلبكم يا رب

[ساندرا]

جزاكى الله خيرا

[MR.Mahmoud]

كل المشكله ان الشباب بتحس انها تقدر تحقق كل حاجه خارج بلدها
ومجرد التفكير فى السفر بيجيلو احساس انو مش هيقدر يحقق احلامو الا خارج الدوله الى هو عايش فيها
وبيكره الشغل فى بلدو وطبعا دى بدايه للفشل
هو لو حب عملو فى اى مكان اكيد هينجح وربنا هيوفقو
موضوع مهم جدا يا طيف
تسلم ايدك ومتابع باقى الآراء
[IMG]http://www.***********/download.php?img=120756[/IMG]

[طيف عابر]

جزاكى الله خيرا

تسلمي يا رب
الف شكرررررر

[طيف عابر]

كل المشكله ان الشباب بتحس انها تقدر تحقق كل حاجه خارج بلدها
ومجرد التفكير فى السفر بيجيلو احساس انو مش هيقدر يحقق احلامو الا خارج الدوله الى هو عايش فيها
وبيكره الشغل فى بلدو وطبعا دى بدايه للفشل
هو لو حب عملو فى اى مكان اكيد هينجح وربنا هيوفقو
موضوع مهم جدا يا طيف
تسلم ايدك ومتابع باقى الآراء
[IMG]http://www.***********/download.php?img=120756[/IMG]

رأي عقلاني جدا محمود
الف شكر على مرورك
يمكن ساعات الحاجة بتخليه يسافر ولكن لو توفر عمل في بلده فالافضل طبعا يبقى فيها
لكن لو الظروف اجبرته فلا بأس
تسلم يا رب

[بيان أبو سعدة]

رووووعة حبيبتي طيف الله يجزيك الخير

بارك الله فيك وكثر الله من أمثالك