هل يقدر المواطن المصري يعيش ب300 جنيه ..؟؟؟

[هشام اللول1]

رئيس التنظيم والإدارة: تخصيص 1200 جنيه حد أدنى للأجور يضر الاقتصاد

أكد د.صفوت النحاس رئيس الجهاز المركزى للتنظيم والإدارة أن تطبيق الحد الأدنى للأجور عند حاجز الـ1200 جنيه سيؤدى إلى ارتفاع الأسعار، وعدم استقرار الاقتصاد المصرى، مؤكداً فى تصريحات خاصة لليوم السابع أن ممثلى التجار والمنتجين يرون الحد الأنسب هو 300 جنيه.

وقال النحاس: "لو أخذنا بالمعايير العالمية سنجد أن الحد الأدنى للأجور سيبدأ من 181 جنيها، وينتهى عند 450 جنيها، علماً بأن شاغلى الدرجة الحكومية السادسة بالجهاز الإدارى للدولة يتقاضون راتباً شهرياً قيمته تتراوح ما بين 490 و510 جنيهات".

وقال النحاس "لو اعتبرنا أن الـ 1200 جنيه ستكون حداً أدنى للأجور، كما يطالب اتحاد العمال، فهذا يعنى أن أسعار السلع والخدمات سترتفع"، وأضاف أن خط الفقر القومى ينتهى عند 180 جنيهاً فى الشهر، مؤكداً أن ممثلى المنتجين يرون أن الحد الأدنى المناسب للأجور هو 300 جنيه شهرياً.

وأضاف أن هناك 3 معايير عالمية لتحديد حد أدنى للأجور، أولها أن يزيد عن خط الفقر القومى "من 164 لـ 180 فى مصر"، وثانيها أن يقل عن نصف متوسط الأجور السائدة فى المجتمع "من 900 لـ 1000 جنيه فى مصر"، أما الثالث فهو أن يكون دافعاً للحفاظ على النمو الاقتصادى، وهو ما لن يتحقق، حسب قوله، إذا وصل الحد الأدنى إلى 1200 جنيه.

وأكد النحاس أن الحكومة ستلتزم بالحد الأدنى للأجور الذى يتفق عليه كل من ممثل العاملين "الاتحاد العام لنقابات عمال مصر" وممثلى المنتجين ومقدمى الخدمات "اتحاد الصناعات والغرف التجارية وجمعيات مستثمرى المدن الجديدة". وقال "نأمل أن يسفر اجتماع الطرفين غداً الخميس، فى إطار جلسة للمجلس الأعلى للأجور، عن اتفاق تبدأ الحكومة فى تنفيذه".

وأوضح أن المستفيدين من الحد الأدنى للأجور، فى حال بدأ العمل به، هم من يدخلون سوق العمل لأول مرة ودون تلقى تدريب تأهيلى من حملة شهادات محو الأمية وإتمام التعليم الإعدادى، ولا يعولون أسراً بل هم أفراد بها ولا يزيد سنهم عن 20 سنة.

ما هو راتبك يا د.صفوت ؟؟؟
ولو انت تقدر تعيش ب 300 جنيه يبقى الشعب هيقدر يعيش بيهم
وياريت نحسب الحسبه البسيطه دي
فاتورة تليفون من غير مانتكلم مش اقل من 150 جنيه
فاتورة غاز مش اقل من 40 جنيه
فاتورة كهرباء مش اقل من 80 جنيه
فاتورة ماء مش اقل من 50 جنيه
غير الاكل والشرب واللبس والدروس والجامعات وايجار الشقة

[عفريت أفندى]

يجب النظر إلى الأجور و إلى الفروق الهائله بين أجور العاملين فى الدوله

فهناك من يتقاضى ملايين و هناك من يتقاضى ملاليم

أين العداله فى توزيع الأجور؟

مشكور يا اتش على الموضوع

دمت بود

[~ NORA ~]

بصراحة الفترة اللى نزلتها في مصر اكتشفت حاجة مكنتش اعرفها خالص أن في ناس معاها فلوووس كتيييير وبتصرف وراكبةعلى أن في ىخر سنتين احسن عربيات وشغالين دلفري اربعة وعشرين ساعة وما بتعملش اكل بالبيت ومع الاسف في ناس مش لاقيه بس نسبتهم قليلة مقارنة بالناس اللى بتصرف وده دليل على ان في آخر سنتين حصل تتطور في البلد خسارة الغربة خسارة وشكرا ليك يا هشام ودمت متألق والى الامام

[هشام اللول1]

يجب النظر إلى الأجور و إلى الفروق الهائله بين أجور العاملين فى الدوله

فهناك من يتقاضى ملايين و هناك من يتقاضى ملاليم

أين العداله فى توزيع الأجور؟

مشكور يا اتش على الموضوع

دمت بود

والله يقدروا يحققوا العداله دي
بس هتفرق معاهم مع البنوك السويسريه

شكرا ياوليد
بارك الله فيك وحفظك ورعاك

[هشام اللول1]

بصراحة الفترة اللى نزلتها في مصر اكتشفت حاجة مكنتش اعرفها خالص أن في ناس معاها فلوووس كتيييير وبتصرف وراكبةعلى أن في ىخر سنتين احسن عربيات وشغالين دلفري اربعة وعشرين ساعة وما بتعملش اكل بالبيت ومع الاسف في ناس مش لاقيه بس نسبتهم قليلة مقارنة بالناس اللى بتصرف وده دليل على ان في آخر سنتين حصل تتطور في البلد خسارة الغربة خسارة وشكرا ليك يا هشام ودمت متألق والى الامام

يا اهلاويه مصر فيها فلوس كتير
ومصر كنز مفتوح
والكنز ده المفروض يتوزع بالعدل علي الشعب
بس للاسف في مصر دلوقتي
ناس بدوس علي ناس علي الفلوس
وبتعلي في اقل وقت ممكن

نورتي يا ااهلاويه
بارك الله فيكي وحفظك ورعاكي
وربنا يوفقك في غربتك
وترجعي مصر سالمه غانمه

[دره]

300 جنيه مواطن يعيش بيهم
للاسف فى ناس بتعيش بيهم فعلا
بس تعالا نشوف
مفيش وسائل مهمه دلوقتى فى حياتنا
مفيش تليفون لانه هيكلم مين
مفيش غاز الا انبوبه طول الشهر ولكل شئ ان وجدت
مفيش كهربا لانه لسه عايش بلمبه بجاز
ومن ناحيه المياه المواطن ده لسه لحد النهارده بيشرب مياه صرف صحى منقاه بطريقه اليه ده اذا لقاها
فعلا والله فى فى مصر المواطن ده
اللى هو فعلا مش واخد حقوق المواطن الادميه
لسه فى مصريين كده فعلا
وياما راحوا وزارات واتكلموا وظهروا فى برامج تليفزيونيه
ولكن لا حياه لمن تنادى
للاسف لسه فيه
وللاسف الناس اللى ماسكه البلد دى خلاص بطريقتهم دى وبسكوتنا
مصر ام الدنيا بحال اهلها واهانتهم المتكرره من حكومتها وغيرها
لا تصل حتى الى خادمه مع الاعتزار
حسبى الله ونعم الوكيل
جزاك الله خيرا هشام على ترك مساحه للحوار

[هشام اللول1]

300 جنيه مواطن يعيش بيهم
للاسف فى ناس بتعيش بيهم فعلا
بس تعالا نشوف
مفيش وسائل مهمه دلوقتى فى حياتنا
مفيش تليفون لانه هيكلم مين
مفيش غاز الا انبوبه طول الشهر ولكل شئ ان وجدت
مفيش كهربا لانه لسه عايش بلمبه بجاز
ومن ناحيه المياه المواطن ده لسه لحد النهارده بيشرب مياه صرف صحى منقاه بطريقه اليه ده اذا لقاها
فعلا والله فى فى مصر المواطن ده
اللى هو فعلا مش واخد حقوق المواطن الادميه
لسه فى مصريين كده فعلا
وياما راحوا وزارات واتكلموا وظهروا فى برامج تليفزيونيه
ولكن لا حياه لمن تنادى
للاسف لسه فيه
وللاسف الناس اللى ماسكه البلد دى خلاص بطريقتهم دى وبسكوتنا
مصر ام الدنيا بحال اهلها واهانتهم المتكرره من حكومتها وغيرها
لا تصل حتى الى خادمه مع الاعتزار
حسبى الله ونعم الوكيل
جزاك الله خيرا هشام على ترك مساحه للحوار

شكرا يا اسماء علي ردك الجميل
للاسف فعلا في ناس في مصر كتير الحكومه بتيهين فيهما كل يوم اكتر
وناس كتير بسبب اللي بيحصل في مصر ده حاسوا انهم فقدوا وطنيتهم من كثره الاهانه

وللاسف الحكومه عماله تضع حد ادني لاجور العمال الغلابه
ومش عاوزين يضعوا حد اقصي لمسئولين الديابه
اللي مرتبتهم وصلت الي فوق المليون

ربنا كبير

شكرا يا اسماء علي المرور الجميل
بارك الله فيكي وحفظك ورعاكي

[الحريه]

هما 300 جنيه بيجيبو حاجه دول بيطيرو فى دقيقه
والله الناس دى بتستعبط فى حد بيقدر يعيش لحد الان
ب300 جنيه وده هيقضيهم اكل ولا لبس ولا كهربا وميه
ولا ايه بالظبط استغفر الله العظيم
انا عايزه حد منهم ياخد ال1200 جنيه الحد الادنى
ويقولى هيعيش بيهم ازاى مش 300 جنيه

حسبى الله ونعم الوكيل فيهم

تسلم على الموضوع يا هشام دمت بخير

[ايسل]

كلاموا علمى فعلا لو اتعمل الحد الادنى كده

الناس هتموت من التجار وفعلا السلع هتكون نار يجب ان يتفقوا وتستعد الدوله بقوانين محاسبه جديده للتجار
ويكون رادع لكل من تسول له نفسه على
رفع الاسعار على الرغم من تشاؤمى من ان هذه الحكومه ولا هتعمل حاجه نايمه فى العسل شكرا هشام على الخبر

[هشام اللول1]

هما 300 جنيه بيجيبو حاجه دول بيطيرو فى دقيقه
والله الناس دى بتستعبط فى حد بيقدر يعيش لحد الان
ب300 جنيه وده هيقضيهم اكل ولا لبس ولا كهربا وميه
ولا ايه بالظبط استغفر الله العظيم
انا عايزه حد منهم ياخد ال1200 جنيه الحد الادنى
ويقولى هيعيش بيهم ازاى مش 300 جنيه

حسبى الله ونعم الوكيل فيهم

تسلم على الموضوع يا هشام دمت بخير

نورتي يا الحريه
كل واحد فيهم بيتكلم بمزاجه
ومش حاسين بالشعب
خلاص غيروا جلدهم
وخرجوا من توبهم
ولبسوا توب ابليس
علشان كده تفكيرهم تفكير ابالسه

بارك الله فيكي وحفظك ورعاكي الحريه