بكاى ضحكى

[المستشار محمد]

يالتني في هالزمـن عشـت مجنـون
على الاقل ادري ( بحالة جنونـي )
لكن غريـب وغربتـي مالهـا لـون
عجـزت افسرهـا وابـرر طعونـي:
ياكثـر مااشعـر لاتغربـت بالكـون
اني اعيش العمر ( لكن بدونـي ! )
على كثر ماني على اصحابي امـون
عاجز على شخصي ونفسي امونـي
ياغربتي يامـوت ممشـاه بالهـون
انا سطـور الحـزن لـو ماقرونـي

وانا الوداع اللي بكـى منـه مليـون
وانا ( انا ) والضيم يسكـن ركونـي
من كثر مانـي للغرابيـل مضمـون
ومتعـود تخيـب بحياتـي ظنونـي
صرت اتبسم كـل ماصـرت مغبـون
وادمع وانا الفرحه تعانـق شجونـي
يامن لكم مكتـوب جنبـي تعيشـون
ياليتكـم طـول العمـر تفهمونـي !
بكاي ضحكـي لاتقولـون وشلـون
بدلت ( دمعاتي ) بضحكة سنونـي
وشهوله اشقي لاتعب قلبـي عيـون
ضحكي دموعي ... لاستراحت عيوني

[حرف مشتعل]

يالها من كلمات رائعه
ودى