مش راجعلك........

[رضا محمود]

مش راجعلك....

مش راجعلك......حتي لو مقدرتش انسي...مش راجعلك..
لو فرشتي كل خطوة..... من طريقي بالشموع..
لو ناديتي بأعلى صوتك....تطلبي مني الرجوع..
حتي لو تبكي عيونك....ألف بحر من الدموع..
عارفة لو قلبي يسامحك....هاقتله بين الضلوع..
مش راجعلك...
راجعة تاني..توعديني بالسعادة ألف وعد؟؟....
ترسميلي من خيالك...حب عمره ماشافه حد؟؟
ارحمي نفسك كفاية.....مستحيل هتلاقي رد..
قولتهالك م البداية....احنا مش هنكون لبعض...
مش راجعلك..
لو قضيتي العمر كله ف انتظااار....
لو نجوم الليل ..هيحضنها النهار..
لو تتوه الشمس أو تنسى المدار..
حتي لو هيخروني ..بين حياتي..وبينك انتي.....
مش هفكر في اختيار..
ولأني رافض اعيش في دنيا انتي فيها....
قربي منك... يبقى معناه انتحاااااااااار..
مش راجعلك....


بقلم (رضا محمود)

[thesniper_12007]

سواء ترجعلي أو لأه
ما هوش فارق
وقابله انا وانت نتفارق
لأنك كنت جوايا حطام غارق
فمش فارق
سنين وانا عمري دوبته على شطك
وقلت استني يمكن تيجي
ولا الموج يجيبك عندي ويحطك
تسيبني وبرضه مش فارق
عليك قلب يا بختك بيه
دا لو فكرت فيه ثانيه
هتعرف إن انا معليه
ودلوقتي باقولهالك
انا عارفه إن حبك حتى جوايا
خلاص مش فيه
وحتى ذكرياتي معاك
خلاص ما بقتش وحشاني
بقت ليا بركان نار
ونارك فيا حشاني
خلاص قلبي اللي حبك يوم
خلاص منه مافيش تاني
وكلك عندي مش فارق
تروح أو تيجي مش فارق
قوام ابعد
خلاص انا قلبي بيفارق
وأنت فيا دلوقتي حطام غارق
ومش فارق

كلماتك رائعه أخي رضا واختيارك موفق للكلمات
وافر تحياتي وجل احترامي

[رضا محمود]

سواء ترجعلي أو لأه
ما هوش فارق
وقابله انا وانت نتفارق
لأنك كنت جوايا حطام غارق
فمش فارق
سنين وانا عمري دوبته على شطك
وقلت استني يمكن تيجي
ولا الموج يجيبك عندي ويحطك
تسيبني وبرضه مش فارق
عليك قلب يا بختك بيه
دا لو فكرت فيه ثانيه
هتعرف إن انا معليه
ودلوقتي باقولهالك
انا عارفه إن حبك حتى جوايا
خلاص مش فيه
وحتى ذكرياتي معاك
خلاص ما بقتش وحشاني
بقت ليا بركان نار
ونارك فيا حشاني
خلاص قلبي اللي حبك يوم
خلاص منه مافيش تاني
وكلك عندي مش فارق
تروح أو تيجي مش فارق
قوام ابعد
خلاص انا قلبي بيفارق
وأنت فيا دلوقتي حطام غارق
ومش فارق

كلماتك رائعه أخي رضا واختيارك موفق للكلمات
وافر تحياتي وجل احترامي

الله الله الله عليك....كلامك فعلاً وسرعة بديهتك وردك في منتهى الروعة..يسلم احساسك أخي الكريم.....شاكراً مرورك العاطر..

[thesniper_12007]

الله الله الله عليك....كلامك فعلاً وسرعة بديهتك وردك في منتهى الروعة..يسلم احساسك أخي الكريم.....شاكراً مرورك العاطر..

أشكرك على إطراءك اللذيذ يا أخ رضا وبعدين دي شخابيطك خرايط انا امشي عليها
وافر تحياتي وجل احترامي

[نور الحرف]

[IMG]http://4.bp.blogspot.com/_NJY5I9OkC1U/SiK3FZliEuI/AAAAAAAAABY/ivc3CQYOx7M/s400/27fd93e

d.jpg[/IMG]
مش راجعلك
حتى لو ناديتى عمرك
مش هرد خلاص عليكى
مش هصدق
دمعة واحدة من عينيكى
مش هصدق
حلم عشته بغير عليكى
مش هصدق
حتى لو حلفتى عمرك
إن حبى
ولا قلبى كان شاريكى
مش هصدق
لو حلفتى النوم ناسيكى
وإن طول الليل فى نجوى
ولا نومك بيجافيكى
مش هصدق
بعد جرحك ليا تانى
هو جرحك قلبى
مش صعبان عليكى
ارحلى وكفاية قلبى
يمكن فى بعدك
يشفى منك ولا بيكى
إرحلى يمكن فى بعدك
ينسى يوم ينده عليكى
***

الاخ الفاضل / رضا محمود
رقيقة هى كلماتك ورائعة هى تصويراتك بالخاطرة
وصلت كلماتك حد الإبداع
طاب لى الوقوف هنا على قارعة حروفك
أستمتع بهذه المادبة الراقية
تقبل خربشاتى المتواضعة تتواصل مع طيب كلماتك
لك كل التحية والتقدير
نور العيون

[رضا محمود]

الأخت العزيزة ......

نور العيون ....كم أسعدني مرورك وتعليقك علي مشاركتي وكم هي رائعة خاطرتك التي أرفقتيها مع الرد ..
تقبلي تحياتي ....

[دره]

والله رائعه
انا جربت ادندنها وانا بقرا لقيتها اروع كمان من قرائتها دون موسيقى
اسفه هتلاقينى النهارده فى كل اشعارك
لانى اول مره بجد الاقى كلمات سهله وبسيطه ورائعه اوى كده

[محمد أبراهيم]

لتلك
التي تدعي انك
راجع تانى
ولا تعلم
أنك وحدك من يذوق
لهيب البعد ويعاني
اتعلم
اخبرها أن تغلق
عينيها ثواني
واصرخ بكل
صوت
وقل لها ماذا لو
كنتِيِِِِِ
مكاني
لااصبح السطر الاول
يبكي
ولـ سخر منه السطر
الثاني
يارضا يامحمود
يئن
الثمر حين
يتدحرج
على الأشواك
فتنغرس
في قشره
و تمنعه
من الوصول
حيث يشتهي
الرائع
رضا محمود
وكما البحر يبعث
الحيرة في
الأنفس
وكذلك قلمك
كموسيقار أنيق
نثر
ألحانه فأجبرنا
على الصمت
والاستمتاع برائعته
يارائع
تواعدنا
الضحكات بطرفة
خيال
ونظنها انها
حقيقه
لكنها حكايات
واقوال
تنتهي بطعنه
وشيكه
فمن الالم
صوت
نرى القلم
يتبع صداه
كما القمر
ياخذنا
نشتاق وصول
علاه
اخى
لصوتك مساحه
في قلوبنا
ولوهجك
نور يحتل
المساحات
فيا أخى الرائع
خالص تقديرى

[رضا محمود]

[QUOTE=اسلامى حياتى;747649]

والله رائعه
انا جربت ادندنها وانا بقرا لقيتها اروع كمان من قرائتها دون موسيقى
اسفه هتلاقينى النهارده فى كل اشعارك
لانى اول مره بجد الاقى كلمات سهله وبسيطه ورائعه اوى كده

[/QUOTE

يافندم ...ربنا يخلي حضرتك ياااااااااااااارب....
ويارب اكون عند حسن ظنكم كلكم.........وعلي فكرة أذكي شيئ في الدنيا (ان الانسان يحقق المعادلة الصعبة)يعني السهل الممتنع ..وانا لسة علي قد حالي يدوووووب ..

نورتي كل مشاركاتي.....وشجعتيني أهديلكم حاجة جديدة كمان يارب تعجبكم

[رضا محمود]

أخويا وحبيبي .....فارس الكلمة....بل كما لقبتك انا(سلطان الكلمة) والمتوج علي عرشها بدون منازع....
جعل الله ايامك كلها ابداع ...وتألق...ولك مني أرق وأجمل وأعذب التحية....
نورت المشاركة ياقلم فنان ومبدع ...تقبل تحياااااااااااااااااااتي

ولكن اخي الحبيب.....لي رجاء بما اننا في حضرتك الأدبية أرجو ألا تبخل عليا بنقدك وانا ممن يتقبلون بكل صدر رحب النقد وأستفيد منه جدا ... .