أصعب يــــــــــوم...

[رضا محمود]

أصعب يوم...

أصعب يوم بيمر عليا وانا في الغربة......يوم العيد..
لما بصلى الصبح وبرجع...أقفل بابي ....وابقى وحيد..
دمع عيوني بيغلب صمتي....
والافكار بتاخدني بعيد......
اسأل روحي..وايه آخرتها...؟؟
فين الدنيا وفين حلاوتها...؟؟
ليه مش شايف غير قسوتها...؟؟
وحدة ..وذكرى..وفكر شريد..
لما زمان قررت أسافر....
قولت أكيد أنا هبقى سعيد..
الأحلام بكرا هتتحقق......
وارجع بلدي ملو الايد..
بس الغربة بتلعب بينا.....
تاخد أكتر ما بتدينا......
سرقت مني أحلى سنين..
شوفنا معاها اللي يبكينا..
ناس بيبعوا ويشتروا فينا..
ناس كدابة....وناس خاينين..
فين أحبابي؟؟؟..مين أصحابي؟؟..
وانا عن بلدي وأهلي..بعيد..
فين الضحكة وطعم الفرحة؟؟.....فين احساسي بيوم العيد؟؟؟

[thesniper_12007]

معاك حق والله يا رضا كلماتك في قمة السحر والإبداع لإن العيد لمه وأهل والواحد لما يكون غريب بيحس فعلا بالفرق موضوعك مميز اسلوبك ساحر كلماتك سلسه وبسيطة احساسك شيق وممتع بتاخد الواحد معاك ببساطه وسلاسه في اختيارك للأسلوب والكلمات
دوما للأمام يا رضا
وافر تحياتي
وجل احترامي

[رضا محمود]

معاك حق والله يا رضا كلماتك في قمة السحر والإبداع لإن العيد لمه وأهل والواحد لما يكون غريب بيحس فعلا بالفرق موضوعك مميز اسلوبك ساحر كلماتك سلسه وبسيطة احساسك شيق وممتع بتاخد الواحد معاك ببساطه وسلاسه في اختيارك للأسلوب والكلمات
دوما للأمام يا رضا
وافر تحياتي
وجل احترامي

أخي الحبيب....السلام عليكم ورحمة الله وبركاته...
أسعدني مروركم الكريم علي مشاركتي ويارب اكون عند حسن ظن الجميع...بس عاوز أوضح حاجة بسيطة....(أخي الحبيب انا لما كتبت الشعر كنت مغرم بشعر الاغنية وذلك لسبب بسيط هوة انه بيعبر عن الموضوع بكل بساطة وسهولة دون تعقيد في الالفاظ وبدون مط في الحوار يصيب القارئ بالملل ....ثانياً ..سر بساطة أسلوبي وبعدي عن التعقيد اللفظي والتصويري هوة تأثري الشديد بأستاذي الكبير (بيرم التونسي..صلاح جاهين... فؤاد حداد..وأخيراً الشاعر العظيم الشيخ أمين الديب ) وهذا للايضاح .....تقبل تحياااااااااااتي..

[العاشقة المجروحة]

تسلم الايادى
كلمات جميلة
وسلسة فعلا
وموضوعية
تقبل تحياتى ومرورى

[نور الحرف]

[COLOR="purple"]

أصعب يوم من الأيام
لما عيونى فى غربة تنام
من غير قلب يطل عليها
ولا يشوفها فى الأحلام
أصعب يوم بيمر عليــَّا
لما بلاقى حزن الدنيا
جاى ومعاه إحساس يكوينى
أهة وحسرةودمع ف عينى
بسأل نفسى ليه أتغرَّب ؟
وأفضل طول العمر مجرَّب
إحساس غربة بس مالينى
وكل حبايبى بعيد عن عينى
وتضيع مِنى أحلى سنينى
فى أكبر وهم من الأوهام
إوعى تقول الغربة دى آهة
دى أكبر من كل متاهة
يمكن تنجح فيها ويمكن..!!
لكن مهما وصلت مداها
لازم تخسر صُحبة هنيَّة
لازم تندم ع الحنِّية
إللى الغُربة أكيد سايباها

[/COLOR

[CENTER]أخى الفاضل / رضا محمود
سألت نفسى لماذا يطيب لى المكوث هنا تحت ظلال أشجارك المثمرة
ولكن عرفت السبب عندما تذوقت هذه القطرات الندية من مطرك
لا حُرمنا من نزف قلبك ولا قلمك
تقبل منى خربشاتى البسيطة تدنو من رقيق كلماتك بخجل
دمت متميزاً ننتظر بشوق كل جديدك
لك كل الود من قلب النور
نور العيون
[/

[محمد أبراهيم]

غمرتنا بفلسفة
عبثت بأحاسيسنا
جديد حوزتك
وابداع
أخر من
ابداعتك
حنين ملئ
البحار
وامل وترقب وساعات
انتظار
رضا محمود
ماعاد للياسمين
سوى
أن ينحني
أمام كلماتك
ويسرق ورده
من حدائق
صدقك
ليهديها لك
كعادتك
تمتطي صهوة
الكلمات
لتروض خيولها
وانت ارض الجمال
لها
فبدونك
هي مجرد
كلمات
كيف لا وانت سيد
ابداعها
رحله رائعه
مع شقائق حرفك
ونبع ربيع مداد
السارح في ملكوت
الشجن
مودتى

[رضا محمود]

أخي الحبيب الغالي....فارس الكلمة....السلام عليكم ورحمة الله وبركاته..
عجز لساني وقصر بياني امام اطرائك وعذب كلامك...ولكنني عندما تابعت مواضيعك فعرفت انك بحق فارس للكلمة وليس لقباً وحسب ...
أخي الحبيب ....أشكر لك مرورك العاطر ....تقبل تحياااااااااااتي..

[رضا محمود]

الغالية.....نور العيون....أسعد الله أوقاتك بكل الخير ...
تفاعلك وردودك وتعليقاتك تلهب حماستي وتشعل مشاعري وتجعلني أحس بأنني أرغب في الكتابة لاخر قطرة في دمي ....
تقبلي تحياتي.....شاكراً مرورك العاطر...

[رضا محمود]

الاخت العزيزة العاشقة المجروحة.....هنروح فين يافندم من مشاركاتك وعذب كلماتك وأسلوبك الشيق....نورتي المشاركة ....
تقبلي تحياااتي.

[دره]

كلماتك رائع فعلا
وبيغلب عليها موسيقى الاغنيه زى ما قلت لاكرام وده زادها جمال
لا حرمنا الله من ابداعك