محتاجة لحد..؟؟؟؟؟؟

[رضا محمود]

محتاجة لحد يكون جنبك؟
يفهم احاسيسك ومشاعرك؟
ويخاف علي قلبك ويحبك؟
محتاجة لحـــد؟؟؟
محتاجة لحد يكون انسان؟
لو خفتي تحسي معاه بأمان
في الفرح... يكون هوة البسمة
في الجرح... يكون زي النسمة
ويخلي حياتك بالألوان ...
محتاجة لحـــــد؟؟؟
محتاجة لحد يحب بجد؟
يفرشلك كل طريقك ورد؟
ويضحي عشانك ما يخليش
ويصون العشرة ومهما يعيش
حنية قلبه تفوق الحد
محتاجة لحـــــد؟؟؟
محتاجة لحد في مشوارك؟
من وسط العالم يختارك؟
لو قلتي الآااه.... هوة دواكي
لو قلبك تاه... يبقى معاكي
يصبر علي حلوك ومرارك
محتاجة لحــــد؟؟؟


بقلم (رضا محمود)

[دره]

الله الله عليك
والله قصيده جميله جدا
كتببت فابدعت
دمت بهذا التميز

[رضا محمود]

الأخت العزيزة ...اسلامي حياتي....نورتي مشاركتي ...والحمد لله اني قدرت أوصل احساسي للناس ...
تقبلي تحيااااااااااااااااتي

[نور الحرف]

محتاجالك

نبع صافى

أرتوى منه

بحنانك

وقلب دافى

يدفِّى عمرى

إللى فى لحظة

وقف عشانك

***
محتاجالك

ضُمْنِى

نسِّينى إن

الخوف مالينى

حسِّنى

ده كل شئ

باين ف عينى

شوفنى من

جوايا مرة

شوف أهاتى

وهى صابرة

شوف دموعى

محلِّفانى

تسيل عشانك

مُش عشانى

***
محتاجالك

وقت همِّى

تشيله عنى

بلسم يداوى

يهَدِّى جرحى

يشيله مِنى

أو بسمة جاية

تعَلِّى فرحى

يا حتة مِنى

****
محتاجالك

حتى لو يحلى

زمانى

برضُه مكانك

جُوَّة مكانى

ولو بينَّا بِعاد

وسنين

ولو دنيتنا

مش عايشين

أكيد بيكون

زمان تانى

نعيش فيه

إللى ماعشناه

ونسعد فى

مكان تانى

****

الأخ/ رضا محمود
لك كل التحية
دائما مايكوت كل منا له إحتياجات
فمنا من يحتاج المال أو الجاه
ومنا من يحتاج الصاحب الصديق
ومنا من يحتاج الحب
وكل تبع إحتياجاته
تقبل كل الود من قلب النور
نور العيون

[رضا محمود]

شوف أهاتى

وهى صابرة

شوف دموعى

محلِّفانى

تسيل عشانك

مُش عشانى

الله الله الله يانووووووور.......ايه الابداع والجمال ده.....البيتين دول مالهمش حل دام تألقك وابداعك ياست الكل ....
تقبلي أرق تحياااتي

[هشام اللول1]

كلمات جميله واحساس رائع اخي رضا
ادام الله علينا قلمك المتميز واحساسك الرائع
دمت متميز ومبدع
بارك الله فيك وحفظك ورعاك

[رضا محمود]

كلمات جميله واحساس رائع اخي رضا
ادام الله علينا قلمك المتميز واحساسك الرائع
دمت متميز ومبدع
بارك الله فيك وحفظك ورعاك

أخي الحبيب هشام..
الأجمل من كلماتي هو حضورك ومرورك العاطر الذي أضاء صفحتي بنور أسلوبك وكلماتك الرقيقة..
تقبل مني كل الود والتقدير....أخوك رضا

[هيما الطاير]

اْكيد محتاجة هية كل ده
وهو فى كده لسة فى الدنيا؟
ههههههه
ايه ياعم التاْلق ده
اْكيد بتمر بحالة جديدة عليك ودى مشاعر جياشة وصادقة
اعترف؟؟؟؟؟؟ هههههههههه
تسلم ايديك ياحبيبى

[رضا محمود]

اْكيد محتاجة هية كل ده
وهو فى كده لسة فى الدنيا؟
ههههههه
ايه ياعم التاْلق ده
اْكيد بتمر بحالة جديدة عليك ودى مشاعر جياشة وصادقة
اعترف؟؟؟؟؟؟ هههههههههه
تسلم ايديك ياحبيبى

هههههههههههه..
تسلم ياهيما ياااارب..
ياعم دي حاجة قديمة كتبتها من فترة..وبرضه من نسج الخيال.....خيال شعراء زي مابيقولوا..
وبعدين صدقني ..أول ما يبقى فيه حاجة هيكون أول حد يعرف..حبيب قلبي..(هيما)..
نورتني كعادتك ....أخوك رضا...

[محمد أبراهيم]

شوق بعد شوق
بعد شوق
تتجمع الاشواق
فالحب بلا أحتياج
يكون هامشيا
بسيطا
لم يدخل الى
الاعماق
والرحيل يسعر
من وتيرته
يلهبه الى درجة
الاحتراق
والقلب مستقره
وموطنه
ينبض به ابد الدهر
لن يعييه ملل
او ارهاق
فالروح تطوف فوق
سمائه
تكون مع الساعات
والزمن
في حالة سباق
والامل بعودة
الحبيب
يجتاحنا
يتغلغل في
عروقنا
والدمع يبقى
سلوانا
بعد ان امتلئت به
تلك الاحداق
سيد الابداع
رضا محمود
فعلا هي كلمات
تحمل كل معاني
الحب والاشتياق
لقد اعتدنا ان نقرأ جمال
حروفك
وذلك الهمس
الجميل العذب
كنبع ماء صافي رقراق
فتواجدك هنا يمنحنا
وهج واشراق
فاكتب وعطر مسامعنا
بالحانك
فكل حرف تخطه اناملك
تبعث روح الامل فينا
تحرك داخلنا احلى المشاعر
واعذب الاشواق
اخى الفاضل
لك خالص تقديرى وجل احترامى
تقبل مودتى
وحتما انت تدركها