بالصور .. مسح غرفة المديرة مقابل أعمال السنة

[زيرو كول]

بالصور .. مسح غرفة المديرة مقابل أعمال السنة


بالصور.. مسح غرفة المديرة مقابل أعمال السنة
بالصدفة وبدون أى ترتيب .. طلبت صديقة لى ان أرافقها إلى مدرسة أختها الطالبة بالمرحلة الإعدادية ، وبالفعل توجهنا الى المدرسة التى تتبع إدارة الهرم التعليمية فى تمام الساعة الثامنة والنصف صباحاً .









طبيعي جداً فى مدارس الهرم أن تحيط بأسوارها غابة من الورق والقمامة وأكياس السندوتشات ، وأيضاً طبيعي بمجرد الدخول إلى " الحوش " أن تفاجأ بحالة من الهرج والمرج وعدم الانضباط ، فالساعة تعدت التاسعة بدقائق ومكتبة المدرسة مازالت مغلقة ومعظم الفصول ليس بها مدرسون ، وعند مكتب المديرة كانت المفاجأة .. وهي مجموعة من الطالبات بالزى المدرسى وبدلاً من حمل كتب ودفاتر كانوا ماسكين جرادل ومقشات ، وعندما سألنا واحدة من العاملات ردت ببساطة " أصلنا فى وسط الأسبوع وحجرة المديرة لازم تكون نظيفة " .
أقتربت من ندى وهي طالبة بالصف الثانى الاعدادى وكانت تمسح الأرض بمنتهي الحماس وبدون أي ضيق .. سألتها عن سبب هذه المهزلة فقالت ببساطة : نحن 5 طالبات أحضرتنا مدرسة اللغة العربية لتنظيف حجرة المديرة فى مقابل حصولنا على بعض درجات أعمال السنة ! .









والغريب أن الطالبات يقمن بالتنظيف وكأنهن فى بيوتهن .. ولا تظهر عليهن أية علامة من علامات الاشمئزاز أو الضيق .. اللهم إلا اعتراض " فاتن " والتى قالت إن التراب تسبب فى اتساخ قميصها ، لكن المشهد أزداد غرابة بمجيء العاملة –الدادة - والتى أخذت تلقى بأوامرها على الطالبات " أمسحي هنا وأكنسي هناك ..وإنت نفضى السجادة كويس .. وإنت امسحي المكتب بذمة .. " !

[Ṃỏ7äṃΣď Ụ-ĐęṾĭ Ĺş]

فعلا هى دى الكوسه ولا بلاش

وده النظام ف بلدنا للاسف

تسلم ع الصور

[♥بـونـبـونـايـه سـكـره♥]

نعم ؟؟ ته ايه التخلف الى البلد فيه ته
هما رايحين يتعلموا ولا رايحين يكنسوا
وبعدين العيب برده ف البنات
انا محدش يساومنى
وانا اعمال االسنه اجيبها بمجهودى
مش بـ كنسى
توبيك كامد كدا
و مهم اوى
بارك الله فيك



بون بون

[شرين على]

لا حول ولا قوة الا بالله

على فكرة انا مدرسة

وبغضب جدا من اى زميل ليا

يطلب من التلاميذ لم الورق من الحوش

و برفض ده و بفهم الاولاد انهم ميش عمال

و ده ميش شغلهم

اللهم ما اصلح حال بلادنا

[دره]

والله ما لاقيه كلام
نظام فاشل من البدايه
حسبى الله ونعم الوكيل
جزاك الله خيرا

[شرين على]

لا حول ولا قوة الا بالله

على فكرة انا مدرسة

وبغضب جدا من اى زميل ليا

يطلب من التلاميذ لم الورق من الحوش

و برفض ده و بفهم الاولاد انهم ميش عمال

و ده ميش شغلهم

اللهم ما اصلح حال بلادنا

[HoBa HoBa]

لا حول ولا قوة الا بالله
امال لو كانت قلتلهم هتديهم ورقة امتحان اخر السنة
كانوا عاملوا ايه !!!!!!!!!!!