السلام عليكم
علي فكرة دي اول مرة من حوالي سنة ونص ان امسك موضوع واتابع ردوده لحد اخر رد
بس الموضوع مش موضوع حكومة وحزب
الموضوع ان الناس ذات نفسها هي اللي مشيها غلط
يعني بالنسبة للحكومة مثلاً
لو اي واحد بص ها يلاقي والده موظف حكومة
وابن عمه ظابط شرطة
وجوز خالته مستشار
واخوه عضو مجلس محلي
يعني العملية بايظة من البني اّدميين شخصياً
وهي الحكومة ايه غير شوية بني اّدميين ربنا كرمهم ومسكوا الحكومة
اما بالنسبة للأنتخابات
حصل تزوير
وحصل تسويد
بس اللي انا شوفته بعيني
وفي دايرتين مش دايرة واحدة
ان الحكومة متدخلتش في الانتخابات اطلاقاً
الا في بعض الدواير اللي فيها شخصيات بارزة
وان اللي قام بالتسويد والتزوير هما المرشحين وانصارهم واهلهم
يعني انا اعرف مرشح مستقل والله عمل فظايع في الدايرة بتاعته
مش معني كدة ان الحياة بمبي
والحياة رخيصة
والجواز سهل خاااااااااااااااااااااااا ااااااالص
اطلاقاً
بس الحكاية وما فيها ان احنا ها نفضل كدة لحد ما ربنا يكرمنا بحكومة تتقي ربنا فينا
وناس عايزة تخدم البلد دي
بس بلاش التشاؤم علشان الجيل ده - طال الوقت او قصر-ها يبقي هو المسئول عن البلد
واسف لو طولت
وتسلموا ع الموضوع والردود الجامدة دي