دى مشكلتى

[problem]

دى مشكلتى للاسف

انا مشكلتى اننا بحب واحد والانسان دة لسة متعرفة علية بقالي شهر المهم هو اعترفلي انة بيحبنى وكدة بس المشكلة انى بحس اننا مش بفرق معاة خالص ووجودى في حياتة عادى ومش عارفة اعمل اية ياعنى دايما انا الي بكلمة وانا الي بفكرة بيا انا الي بطلب اشوفة حتى لما باجى اكلم معاة بحب اخد رائية في كل حاجة لو عملت اى حاجة بحب اقولة قبل معملها بحس ان ردة عادى مش بيفرق معاة ياعنى اخرج عادى ادخل عادى مش بيفرق معاة ولو طلبت منة انة مثلا يكلمنى بينسة وكدة ومش بيفتكرنى بيبقى كل حاجة عليا وانا مش عارفة اعمل اية وبحس دايما انة بيباقي شغلة حياتة كلها عليا انا لما بكلم مع اى حد بيقولى انة مش بيحبنى وانا مش عارفة اصدقهم ولا اعمل اية انا دايما الي بكلمة انا حاسة ان من ساعت معرفتة وانا في دوامة ومش عارفة اخرج منها حاسة انى تايهة ومش عارفة اعمل اية ولا عارفة ازاكر ولا احضر محاضرات ولا اي حاجة ابعد عنى ولا لا بس انا حبيتة بس انا جيت علي نفسي كتير معاه ياعنى اغصب علي قلبي البعد ولا اخالية يحبنى ازاى ولا اعمل اية ياريت حد يساعدنى في الموضوع دة

[دره]

ابعدى عنه خالص
استحملى التعب والجرح وركزى فى محاضراتك
هو لو بيحبك هيعمل علشانك المستحيل مش الطريقه البارده دى
واضح انه بيتسلى
سيبك منه
وبكره ربنا يدكى اللى يريحك ويطمن بالك

[دموع الاقمر]

انا مع اسماء كلمها صح هتتعبي دلوقتى احسن متتعذبي بعدين ولو هو بيحبك هتلاقية رجعلك وبيتمنى رضاكى

[آية الرحمن]

فعلا والله انا موافقة اسماء ويارا لانك لو تعبتى دلوقتى
وانتى فى اولها هتقدرى تنسى انما بعد كدة
هتتعذبى اضاف العذاب دا

[sheren19]

طيب انتى بتقولى تعرفية من شهر انتى متاكدة انك
بتحبى انتى تعرفى عنة اية او بمعنى ان مش وقت كافى
بصى انتى الاول حولى تبعدى عنة شوية
يعنى عملية بمعملتة و جربى كدة و شوفى
رد فعلة اية
ولو مش فراقة معاة يبقى
ابعدى احسن من دلوقتى زى ما اسماء قالتلك
و ربنا يوفقق

[حرف مشتعل]

ابعدى عنه الحب عطاء متبادل مو من طرف واحد
ركزى فى دراستك والله يوفقك
ودى

[حب العمر]

بصى انا رايى انك تبعدى عنه فترة يعنى ماتحاوليش تكلميه خالص او تشوفيه
لو بيحبك بجد بس كانت مشكلته الشغل زى ما بيقول هتحسى بشوقه ليكى وحنينه وعلى فكرة ده احساس حلو جدا بس يا ريت ما تضايقيش من حكاية شغله لانه واضح انه مهتم بيه لازم تحسسيه انك انت كمان مهتمية بشغله طالما هو حاجة كبيرة فى حياته حاولى تساعديه انه ينجح فى شغله
اما بقى لو بعد الفترة ده لاقتيه بيكلمك عادى (زيك زى اى بنت فى حياته) يبقى بيتسلى بيكى ساعتها بجد ما تزعليش كويس انك هتبقى عرفتى من البداية احسن ما تتعذبى بعد كده
واهم حاجة تاخدى بالك من مذاكرتك هى الحاجة الوحيدة اللى هتبقالك
وابقى طمنينى عليكى
اختك فى الله