المشاركة الأصلية كتبت بواسطة بونبونايه سكره
رد مع اقتباس
فعلا مبقاش فى حاجة نستغرب منها
كله بقى ممكن وعادى ومعقول
بالنسبة للزبالة اللى بقت مالية الشوارع
ده اهمال من الناس وعدم نضافة منهم
واهمال من الحكومة اللى بتاخد مننا فلوس علشان
تنضف الشوارع والبلد احنا للاسف بندفع فلوس ومبناخدش
اى خدمات والله معندهمش دم ويقولوا الاوبئة والامراض زادت ليه
من القرف اللى معيشنا فيه
وبعدين المفروض ان كل واحد يحافظ على المنطقة اللى عايش فيها
وميبهدلهاش وميرميش الزبالة فى الشارع كدة
لكن احنا بقينا سيئين للغاية وان واحد فينا كان بيحافظ وبيبنى
غيره بيجى فى لحظة ويهد بس هنقول ايه دى حاجة بقت فى الدم
وبالنسبة للتكاتك بقة انا مسمياها خنافس
شوية شباب صايعة وبلطجية سايقينها بيعاكسوا فى البنات وبيتحرشوا بيهم
واخر قلة ادب مالوا المشى مكنا بنمشى قبل كدة وصحتنا كانت كويسة
اتكسحنا خلاص ؟
وبنشتكى من الزحمة والمرور والقرف بنزحمها اكتر
اهو التكتك ده بدل ما يحلها عقدها اكتر واكتر
والا كمان البنات والسيدات اللى بقوا ماليين القهاوى
وكل واحدة ياماسكة الشيشة يا ماسكة السيجارة
ياحلاوة عليكى يامصر وعلى رجالتك
مبقاش فيكى رجالة يابلد
وياريتها يا حازم تيجى على قد كدة الا واللى يغيظ كمان
ان مبقاش فى حياء انعدم خلاص ربنا يوب علينا
البنات والشباب ساحوا على بعض وكل واحد واخدله بنت فى حضنه وماشى
واخر قلة ادب ومبقاش حد يتكسف من حد ولا يخاف ان حد يشوفه
ولا حول ولا قوة الا بالله
والله انا جوايا كتير ولو طلعته مش هسكت لبكرة بس كفاية كدة
رغيت كتير وطولت عليك
تقبل مرورى
قهوتنا على الانترنت
